Mashi jivi Jisashi Mak or kayeri 3:22 - Nupela Testamen long tokples Mende long Niugini

²² Urik mashi Moseshin sawendari ma ol Jerusalemin halarari ma ondo Jisasin li heyehe limu mbara, “Toto Belsebul tolowa toria. Kwambu Belsebulhik wasimalengamban mbru ermbenda ri. Laulaka mu jelyashiwak lerawu oson ormu landuwa.”

Mashi jivi Jisashi Mak or kayeri 3:22 ပူးပေါင်းရင်းမြစ်များ

Matyu 11:18

Uhunda hom jir jikisakri ondo hom nanda jir. Jon akwan or halaha wain uku nga or ari ambu osik orin ji heyehe ji mbahanjira, “Toto wasimalengamba tolonda orik akwan anda ambu ri.” Karem jimu mbara.

Matyu 12:24

Urik Farisi ondo mashi oson li misihi limu mbara, “Wahau te! Wasimalengamba Belsebul oto orin or olonda osik orhi kwambuk ol ormu mbru ermbenduwa.”

Matyu 15:1

Urik Farisi lal nga Moseshi mashin sawendari ma lal nga Jerusalemin li halaha Jisasik li taha orin limu silira,

Matyu 9:34

Hako Farisi lal limu mbara, “Wasimalengamba ondo malakama lihi orin or oloshiwak wasimalengamba ondon ormu mbru ermbenduwa.”

Mashi jivi Jisashi Mak or kayeri 7:1

Farisi lal nga mashi Moseshin sawendari ma lal nga Jerusalemin li halaha Jisasin li heyekurik limu tara.

Mashi jivi Jisashi Luk or kayeri 11:15

Hako ma lal olmu mbara, “Ma toto Belsebul or wasimalengamban arangonda orhi kwambuk wasimalengamban ormu mbru ermbenduwa.”

Mashi jivi Jisashi Luk or kayeri 5:17

Nindi las wolok Jisas mashin or owesaweri wolo Farisi nga mashi Moseshin sawendari ma er nga orok liri lira. Lir yanga Jerusalem nga yanga yanga ol provins Galilik nanda nga Judiak nanda nga li halaha tari lira. Kwambu Avui Wasilakahi Jisashik si nashirik ma ol kavamisindarin or mbarik jivik limu nara.

Mashi jivi Jisashi Jon or kayeri 10:22

Urik hiyawu wasilakan Jerusalemik li undari wolok simu nara. Oro wolo ma nom ma nom si rakari wolok nari sira.

Mashi jivi Jisashi Jon or kayeri 7:20

Urik limu mbara, “Lawe mirin mandingormekwak mbandu? Mir wasimalengamba tolonda hom mbaw te!”

Mashi jivi Jisashi Jon or kayeri 8:48

Judama ondo mashi oson li misihi Jisasin limu mbara, “Mir ma kava yanga Samariak fehenda mira. Wasimalengamba oloshiwak mimu mbanduwa.”

Mashi jivi Jisashi Jon or kayeri 8:52

Karem or mbarik limu mbara, “Am nimu heyenduwa. Wasimalengamba olonda mira. Abraham nga profet ondo nga angop maskop hari ol te! Hako mberemhi mashi os ter mi mbanduwa, ma ol mashi mihin misindiyawa mbeek hakwa ambu lir, karem mi mbawan?