Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mashi jivi Jisashi Mak or kayeri 15:14 - Nupela Testamen long tokples Mende long Niugini

14 Urik indik ormu silira, “Mberem ushiwak? Mbele mende os or uwak kavak nawak ji heyew?” Hako warje mende nga li ushaha limu mbara, “Oton miandok tirinak or haka!”

အခန်းကိုကြည့်ပါ။ ကော်ပီ




Mashi jivi Jisashi Mak or kayeri 15:14
24 ပူးပေါင်းရင်းမြစ်များ  

Urik Pailat kawu os or lihi kotin or misindari kawu orok or lirik nokove orhi simu mainhara, “Avak nirik ma oton a sukwaheyehe sunguwavu anhi nga osmu nomok nawa. Or worna ma mende ri. Mir avak orin mberem uwa hala.”


Uhu ormu mbara, “An kavakavan a uwa nir. Ma or tava jihik a hawak ji mandingormekwak ji mbawa oto mbeek musa las nga nawa ambu ri.” Urik limu mbara, “Mirvai mbakwa sir, mihinjik mi uwa os te!”


Urik kepten nga awun undari ma ol Jisasin washiliri ma ondo nga nenawu si jirik mbele mbele ondo ralarik li heyehe li ajehe limu mbara, “Omendinga sira, ma oto jikisi indingo Avui Wasilakahi ria.”


Karem or silirik ma amber wasilakak li ushaha limu mbara, “Oton miandok tirika!”


Karem li mbarik Pailat or ajehe lirin or hokovikmbaha Barabasin or halashirik ormu ira. Ushihi awun undari ma orhi ondon or mbashirik Jisasin li wakoroho miandok li tirikmbaha limu ira.


Hako mainlaka lakak li jihi limu mbara, “Oton miandok tirika. Uhu orin mandingormeka.”


Urik Pailat bikpris ondo nga ma ondo nga ormu sawera, “An a heyewa mbeek mbele las or uwak kavak nawak a heyewa ambu sir.”


Hako nomorawu oson shi kishawa oso kavakava os shi undanjik os shimu kishanduwa. Os shirin li mandingormewa, lir jivin uwa lir. Hako ma roto, wahau. Or mbeek mbele las or uwak kavak nawa ambu sir.”


Urik ma or maifuhu awun undari ma oto oson or heyehe hi Avui Wasilakahin or hauowehe normu mbara, “Omendinga sira. Ma roto ma worna ma toria. Or mbeek musa las nga nawa ambu ria.”


Karem or mbarik ormu mbara, “Mashi omendinga os mi mbawa oso mberemhi mashi sir?” Pailat karem or mbashihi indik hikrik Judama ondon or heyekurik or layihi ormu mbara, “Or mbeek mbele kava las or uwak a heyewa ambu ri.


Urik bikpris nga tempel akan washilindari ma nga orin li heyehe limu mbara, “Toton miandok tirika! Toton miandok tirika!” Urik Pailat mu mbara, “Jihinijk ji laha ihi miandok ji tirika. An mbeek mbele las or uwak kavak nawak a heyewa ambu nir.”


Hako li heyeri mbele las or uri mbeek kavak nari ambu sir. Unak orin li kotim uhu li jimandingormekurin. Hako li ukmisi flarna mendehe malakama Pailatin li mbarik or mbashirik orin limu mandingormera.


Hako orin li heyeri or Judama lar oria. Urik ma orok fehe Judama ambu ondo amber wasilaka mendek limu mbara, “Artemis tos Efesusik sinda toso nom wasilaka mendek nanda sira.” Karem limu mbara. Os erem li mbari oso nambe mendek washi mbahanjiri lira.


Jisas ortonom hetpris indinga nihi ria. Ortonom nirin jelyakwak ni hishinda ri. Mberem ushiwak? Or nombo os Avui Wasilaka or rupshindarin simbalesik tiyarakori ri. Mbeek mbele kava las nga orhik nari ambu sir. Or misokome Avui Wasilakahik jivi mendek nandari ri, mbeek nir ma misambik fehe kavakavan ni unda hom nari ambu ri, wahau. Or apsham apsham er nari ri. Uhunda osik Avui Wasilaka orin or laha hevenik or eweshihindak orok ormu linduwa.


Or fi Kraishik jirin frungawuri ri. Fi orhi oso fleya wasilaka mendek li frungawundahik nari sir. Krais or sipsip jikisi arme mende jele indingak nari ri.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ