Mashi jivi Jisashi Mak or kayeri 14:49 - Nupela Testamen long tokples Mende long Niugini

⁴⁹ Ermba ermbak tempel aka orok mashi Avui Wasilakahin a sawenda nir. Oro wolok anin ji tolondari mberem ji mbar? Ambehoma. Mashi Avui Wasilakahi mas li kayeri ter osmu omendingak nanduwa.”

Mashi jivi Jisashi Mak or kayeri 14:49 ပူးပေါင်းရင်းမြစ်များ

Matyu 1:22

Mbele mbele ol talakurik nari ondo avak li talanak mashi os Wasilaka profet orhi ondok or mbahandari mashi oso avak omek si naka. Karem li kayeri sir.

Matyu 26:54

Hako os erem a sili nahi, mashi os jekamba Avui Wasilakahik li kayehendari mashi oso mbeek omek nakwa ambu sir. Karem uwosik erem a mbakwa ambu nir.”

Matyu 26:55

Karem or mbaha ol orin tolokurik tari ma ondon ormu mbara, “An hirnyanda ma, karem ji hishihi bainat nga kombe nga jimu laharandu? Ermba ermbak tempel aka orok mashi Avui Wasilakahin a ewesawenda nir. Oro wolok anin ji tolondari mberem ji mbar?

Matyu 26:56

Ambehoma, mashi os profet ondo li kayehendari oso ter osmu omek nanduwa.” Karem or mbarik ol orin tiyandari ma amber orin li halaha limu tulu ira.

Mashi jivi Jisashi Mak or kayeri 10:1

Jisas yanga oson or halaha ormu provins Judiak ikmbaha ira. Or ihi fa Jordanin or mbuhu kauyok ormu ira. Urik ma musha orhik li ralandirsarik mashin ormu sawera, os ermba ermbak or ewesawendari hom.

Mashi jivi Jisashi Mak or kayeri 11:27

Urik Jisas nga ma ol orin tiyandari ondo nga indiyok Jerusalemik limu lawura. Uhu Jisas tempel aka os inyi li washi arangondari mishi orok ormu ira. Urik bikpris nga mashi Moseshin sawendari ma ondo nga orok limu tara.

Mashi jivi Jisashi Mak or kayeri 12:35

Urik Jisas tempel aka orok or lihi mashin or sawehe ormu silira, “Mberem ushiwak ma ol Moseshi mashin sawendari ma ondo karem li mbandu, Krais king Devithi nirambarak nakwa ri?

Mashi jivi Jisashi Mak or kayeri 14:48

Urik Jisas mu mbara, “Jir bainat nga korme nga ji laha anin tolokmbaha jimu randuwa? Wa, an awun unda ma lar on? Mo hirnyanda lar on?

Mashi jivi Jisashi Mak or kayeri 14:50

Karem or mbarik ol orin tiyandari ma ondo amber orin li halaha er limu tulu ira.

Mashi jivi Jisashi Luk or kayeri 19:47

Uhu ermba ermbak tempel aka orok mashi jivin ormu sawendara. Hako mashi Moseshin sawendari ma ondo nga bikpris ondo nga Judama lida lihi ondo nga Jisasin li mandingormekuri nombon limu oweioweiheyera.

Mashi jivi Jisashi Luk or kayeri 22:37

Mberem ushiwak? Jekamba Avui Wasilakahik karem li kayehendari osa, “Ma li heyenak kavakavan unda ma hom nakwa ri.” Jirin amu sawenduwa. Jekamba Avui Wasilakahik li kayehendari oso avak omek anhik talakwa sir.”

Mashi jivi Jisashi Jon or kayeri 10:23

Urik Jisas tempel akak or ihi akanivi Solomonhi, karem li ushandari akanivi orok ormu layishihi yara.

Mashi jivi Jisashi Jon or kayeri 18:20

Karem or silirik ormu mbara, “An mbeek a wanyisawenda ambu nir, wahau. Mashi os a sawenda oso kormbak a sawenda nir. An ermba ermbak os li tirsanda mishik a ihi tempel aka nga li lotu unda aka nga orok a ihi mashin kormbak a sawenda nir.

Mashi jivi Jisashi Jon or kayeri 7:37

Hiyaw sumbu wasilaka oson li ukuri wolok Jisas tempel akak or ihi wasilakak ormu mbara, “Os ji uksem ha nahi, anhik ji taha ji uksem aka.

Mashi jivi Jisashi Jon or kayeri 8:12

Ushihi Jisas indik mashin ormu ewesawera, “Ukruharanda misambi torok takahanda anira. Ma or mashi anhin misindiyawa ma oto mbeek nirtle nirndum yaha tukuyikwa ambu ri. Or ukruharanda anhi orokop or ihi nombo os ermba ermbak linda mishi orok inda nombon heyekwa ri.”

Mashi jivi Jisashi Jon or kayeri 8:2

Orok or lawuhu wahandaha nirsumbu mendek tempel akak indik ormu layira. Urik ma mushak orhik li ralandirsarik mashin ormu owesawera.