Mashi jivi Jisashi Mak or kayeri 14:41 - Nupela Testamen long tokples Mende long Niugini

⁴¹ Or saweshihi indiyok ormu rara. Or i rari oso hindi nalmingrip nari lir. Uhu normu mbara, “Jir armek er jimu waha suknyanduwa? Ambehoma, os talakmbaha a mbahanda oso osmu talanduwa. Ma Jikisi Avui Wasilakahin avak li laha ma kavahi tavak li hakwa ri.

Mashi jivi Jisashi Mak or kayeri 14:41 ပူးပေါင်းရင်းမြစ်များ

Matyu 26:2

“Niri frijip fri inak hiyawu Pasovan ni ukwa wolok osmu nanduwa. Oro wolok Ma Jikisi Avui Wasilakahi oton ma kavahi tavak li halashinak orin li jimandingormehe miandok li tirikwa ri.”

Mashi jivi Jisashi Mak or kayeri 14:10

Judas Iskariot Jisasin tiyandari ma 12-pela lihi lar oria. Oro wolok or ihi bikpris ondon or i heyehe Jisasin lihi tavarenjek or hakurik ormu mbara.

Mashi jivi Jisashi Mak or kayeri 14:18

Am li lihi aha Jisas mu mbara, “Jir lar avak anin tavarenje wutarihik hakwa ri. Ma oto an nga nakrem shimu anduwa.”

Mashi jivi Jisashi Mak or kayeri 14:35

Karem or mbashihi kandakar nga or ihi misambik or taka waha Avui orhin ormu sawera. Unak nomorawu os orhik talakuri orin si wasisokmbahan.

Mashi jivi Jisashi Mak or kayeri 14:40

Ushihi indiyok ma nalmingrip ondon heyekurik ormu rara. Or ta heyerik olmu suknya ambasira. Misokome lihi tumtamuri sir. Lir men suknyakurik hishiri lir. Uri osik mberem li maimbakuri ambu. Urik indiyok or ihi Avui orhin ormu sawera.

Mashi jivi Jisashi Mak or kayeri 14:42

Ji usaha ni ika. Ma or anin tavarenje wutarihik hakwa oto ormu tanduwa.”

Mashi jivi Jisashi Mak or kayeri 7:9

Uhu mashi las nga ormu sawera, “Jir arme mendek mbafirimbanda ma jira. Jir mbele mbele os Avui Wasilaka or mbari mashin ji mblarna ermbeshihi neloko jihi unda nombon os jimu tiyayanduwa.

Mashi jivi Jisashi Mak or kayeri 9:31

Am li ihi lirin karem normu sawera, “Ma Jikisi Avui Wasilakahin avak tavarenje ma kavahik li halashinak orin li jimandingormeshinak hakwa ri. Or haha niri frijip fri ishinak indiyok usahakwa ria,” karem ormu mbara.

Mashi jivi Jisashi Jon or kayeri 12:23

Urik Jisas mu mbara, “Ma Jikisi Avui Wasilakahi oto malakamak or nakwa wolo am pasir naw.

Mashi jivi Jisashi Jon or kayeri 12:27

Uhu ormu mbara, “Sunguwavu anhi osmu kavak nanduwa. Hako mberem a mbaku? Avui, nomorawu anhik talakwa oson mi laha ermbenak si i. Karem a mbakwa on mo? Wahau. Erem a mbakwa ambu nir. Nomorawu oson halanak si talaka. Osonjik a rari ona.

Mashi jivi Jisashi Jon or kayeri 17:1

Jisas am mashin or sawerakoho lersuwu yok or larasa mawuhu Avui orhin ormu sawera, “Avuya, am a hakwa wolok osmu nanduwa. Avak mir hi anhin hauowenak wasilakak si naka. Unak an nga hi mihin a hauoweka.

Mashi jivi Jisashi Jon or kayeri 7:30

Karem or mbarik Judama lida lihi orin krawu akak li ewekmbaha limu mbara. Hako or hakuri wolok si nari ambu osik ma lal mbeek orin tolori ambu lir.

Mashi jivi Jisashi Jon or kayeri 8:20

Jisas tempel akak yan li ewendari mishi orok or lihi mashin ormu owesawera. Hako orin li jikuri wolok si nari ambu osik ma lal mbeek orin tolori ambu lir.

Aposel 7:52

Misumu walanga jihi ondo profet ol Krais ma worna ma Avui Wasilakahi or takuri mashin sawendari ondon amber hom li mandingormendari lira. Uhunda osik jir erema. Ma worna ma Krais oton ji toloho wutari ondo lihi tavarenjek ji harik li jimandingormeshirik hari ria.