Mashi jivi Jisashi Mak or kayeri 14:38 - Nupela Testamen long tokples Mende long Niugini

³⁸ Mir avak lihi Avuin saweka. Las avak jeikayenda mihik si talanak mi tukuyinda ngashi. Wavu yoko jihi jip ukwak hishinda sir. Hako maome mbeek kwambu nga nanda ambu sir.”

Mashi jivi Jisashi Mak or kayeri 14:38 ပူးပေါင်းရင်းမြစ်များ

Matyu 24:42

Uwosik ji auheyeka, jir mbeek os or takwa wolon heyenda ambu jir.

Matyu 25:13

Jisas sauheima oson or sawerakoho ma ol orok lirin ormu mbara, “Uhunda hom jir erem yarihi ji lika. Mberem ushiwak? Wasilaka jihi os or takwa wolo mbeek ji heyenda ambu sir.”

Matyu 26:41

Ji lihi Avui Wasilakan ji saweka. Las avak jeikayenda jihik si talanak ji tukuyinda ngashi. Wavu yoko jihi jip ukwak hishinda sir. Hako maome jihi mbeek kwambu nga nanda ambu sir.”

Matyu 6:13

Mir avak jeikayenda nihik si talakwan arangoka. Uhu mir avak taha nirin kavakava nindik laha apsham eweshinak ni lika.

Mashi jivi Jisashi Mak or kayeri 14:34

Uhu ma ondon ormu mbara, “Sunguwavu anhi kavak si nawak am a hakwa mendek amu hishinduwa! Jir avak torok ji lihi an nga nakrem ni lika.”

Mashi jivi Jisashi Mak or kayeri 14:37

Karem or mbashihi indik or ihi ma nalmingrip ondon ormu i heyera. Or i heyeri olmu suknyara. Urik Pitan ormu silira, “Saimon, mimu suknyandu? Mir an nga kandakar shi likwa ambu om?

Mashi jivi Jisashi Mak or kayeri 14:39

Karem or mbaha indiyok or ihi Avuin ormu sawera, os mas or saweri hom.

Mashi jivi Jisashi Luk or kayeri 21:36

Ermba ermbak ji auheye ji lika. Uhu os mbele kava las jihik talawa wolo Avui Wasilakan ji sawenak kwambun or hashinak kwambuk ji sika. Unak Ma Jikisi Avui Wasilakahi indik or tawa wolo kwambuk er ji sika,” karem ormu mbara.

Mashi jivi Jisashi Luk or kayeri 22:40

Am telemba orok li lawuhu ormu sawera, “Jir Avuin ji saweka. Las avak jeikayenda jihik si talanak ji takatukuyinda ngashi.”

Mashi jivi Jisashi Luk or kayeri 22:46

Urik lirin ormu sawera, “Mberem ushiwak ji suknyandu? Ji usaha Avuin ji saweka. Las avak jeikayenda jihik si talanak ji takatukuyinda ngashi.”

1 Korin 16:13

Ji auheyehe sika. Uhu Jisasin ji hishindiyanda nombo orok kwambu mendek er ji sika. Avak ji ajewa hala, kwambu mendek er ji sitambanaka.

Filipai 2:12

Ma jir a rupshi mendenda jirin, ji misi. Os jir nga na liri wolo os a sawendari hom Avui Wasilakan ermba ermbak tiyandari jir. Unda hom os ter homek a liwa wolo nga er ji tiyaka. Uhu Avui Wasilaka os jirin or jivinahandan ji hishihi armek ji yaka. Las avak ji masnafarakaha kavak ji nanda ngashi. Karem ji hishi ji ajehe yawur ji yaka.

1 Pita 5:8

Hako mai, ji ruwol tava oloho ji auheye ji lika. Mberem ushiwak? Wutari jihi Laulaka oto jirin or unak Jisasin ji hishindiyanda nombo jihin ji halakmbaha ormu yanduwa, os kala asa man or shihi akwak nomboi nomboheyek or tashiyanda hom.

Revelesen 3:10

Jir mashi anhin ji tiyaha nomorawu ol jihik talawan kishanda jir. Karem unda osik avak jirin armek a arangoshinak likwa jir, os nomorawu laka oso ma misambik fehehik si talaha lirin si oweioweiheyekuna wolon.