Mashi jivi Jisashi Mak or kayeri 12:24 - Nupela Testamen long tokples Mende long Niugini

²⁴ Karem li silirik Jisas mu sawera, “Jir mbeek mashi os jekamba Avui Wasilakahik li kayendari nga kwambu orhi nga heyekrahakoronda ambu jir. Uwosik os jimu surunduwa.

Mashi jivi Jisashi Mak or kayeri 12:24 ပူးပေါင်းရင်းမြစ်များ

Matyu 22:29

Karem li silirik Jisas mu mbara, “Jir mbeek mashi os Avui Wasilakahi jekambak li kayehendari nga kwambu orhi nga heyekrahakoronda ambu jir. Uwosik os jimu surunduwa.

Mashi jivi Jisashi Mak or kayeri 10:27

Urik Jisas lirin or heilaha ormu mbara, “Mbele mbele ol ma undahi ambu ondo Avui Wasilaka or undahi lir.”

Mashi jivi Jisashi Mak or kayeri 12:23

Hako avak mi mbanak ni misika, ma ol hahanda kumak indik li usahana wolo nokove oso avak lawehik sivai naku? Mahasanje ondo amber sirin lari ola.”

Mashi jivi Jisashi Mak or kayeri 12:25

Ma ol hahanda indiyok li usahakwa wolo mbeek hulasihi nokoplakwa ambu lir. Lir avak ensel ol yanga jivik fehenda ondo hom nakwa lir.

Mashi jivi Jisashi Luk or kayeri 1:37

Mberem ushiwak? Avui Wasilaka mbele mbele amber or undahi lir.”

Mashi jivi Jisashi Jon or kayeri 20:9

Hako oro wolok lir mbeek mashi os jekamba Avui Wasilakahik li kayendarin hishiri ambu lir. Mashi oso karem li kayeri sir, Jisas or hanak li wakor eweshinak indiyok usahakwa ri. Karem li kayehendari mashin hishiri ambu lir.

Mashi jivi Jisashi Jon or kayeri 5:39

Jir mashi os Avui Wasilakahi jekambak li kayendari oson ji ritim uhu karem hishinda oja, “Os mashi toson ni tiya nahi, avak ermba ermbak linda oson ni lakwa nir.” Karem hishinda jir. Hako os erem ji heyenda mashi oso anira, kason mbeek heyekrahakoronda ambu jir.

Aposel 17:11

Judama ol Beriak lindari ondo mbeek Judama ol Tesalonaikak lindari ondo hom nandari ambu lir, wahau. Lir mambla lihin armek li owehe mashi os Pol sawerin arme mendek li misihi limu rupshira. Uhu, “Mashi os fri saweri oso mashi Avui Wasilakahi nga nakrem si naha ome indinga os mo wahau?” karem mbaha ermba ermbak mashi Avui Wasilakahin ritim undari lira.

Jekamba Pol ol yanga Romik lindanjik or kayeri 15:4

Unda osik os nimu heyenduwa, mashi mashi amber ol jekamba orhik li kayeri ondo nirin li jelyashinak ni sikurin li kayeri sir. Uhundanak mashi oso nirin si jelyashinak kwambuk ni sihi os Avui Wasilaka nirin indiyok or lakwa wolon er ni nikishika.

Efesus 1:19

Kwambu orhi nir orin hishiowenda man warje mende nga osmu jelyanduwa. Kwambu orhi wasilaka mendek nanda sir. Kwambu orhi os nirin jelyanda oso nom mas Kraisin si urik indik usahari ri. Unda kwambu orhi oson yawur ji hishiyarikmbaha amu beten unduwa.

Filipai 3:21

Krais kwambu orhi orok or unak mbele mbele amber avak orhi siyok sirakokwa lir. Kwambu orhi orok or unak maome nihi tos haha kuvayikwa toso avak simbalesik si tormblehe maome orhi hom si naha kwambu nga nakwa sir.