Mashi jivi Jisashi Mak or kayeri 11:25 - Nupela Testamen long tokples Mende long Niugini

^25-26 Uhu Avui Wasilakan ji sawewa wolo mbele kava las os ma lar jirin or uhundan indik ji hishi nahi, jivai mbaka, “Mberem uwana. Am nawa kava sir.” Os karem ji mba nahi, Avui Wasilaka er nga jirin or heyehe kavakava os ji undan avak or laha ermbekwa sir.”

Mashi jivi Jisashi Mak or kayeri 11:25 ပူးပေါင်းရင်းမြစ်များ

Matyu 5:23

Karem uwosik os Avui Wasilakan ofan ji ukunak ji i nahi, ofa jihi oson altak ji ewewa wolo mbele kava las ma larin ji unda oso wavu jihik si rasanak ji hishi nahi,

Matyu 6:12

Mir avak mbele mbele kavakava os ni undan laha ermbeka, os nir ma ol kavakavan nirin li uwak mirin ni sawewak kavakava lihin mi laha ermbenda hom, kavakava nihin laha ermbeka.

Matyu 6:5

“Jir os Avui Wasilakan ji sawewa wolo ma ol hulaima nokopma hi lihin li hauowekmbaha hishinda ma ondo hom ji sawewa hala. Ma ondo ma li tirsaha li lotu unda mishik li sawehe nomtenje nomtenjek li sihi li sawenak, ma amber li heyeku, karem hishinda ola. Hako jirin amu sawenduwa, lir angop wasa lihin lawa lir. Hako jir os li unda nombo hom uwa hala.

Mashi jivi Jisashi Luk or kayeri 18:11

Farisi oto orok or sihi wavu orhikop Avui Wasilakan karem ormu sawera, “Avui, an mbeek ma kava ondo hom a nanda ambu onik mirin armesarmek amu sawenduwa. Ma ondo hirnyaha kavakavan li uhu nokophirmbirinda lir. Hako an wahau. Tor torok liwa takis yan landa ma roton heyeka. An mbeek or hom a nanda ambu nir.

Mashi jivi Jisashi Luk or kayeri 18:13

Hako ma or takis yan landa ma oto homek or sihi mbeek metenje yok larasa mawuri ambu ri. Or maruknyaha ormu mbara, “Avui, an ma kava nir. Hako mir anjik holoka,” karem ormu mbara.”

Mashi jivi Jisashi Luk or kayeri 6:37

“Jir avak ma uwa yokon ji oweioweiheyehe ji mba, “Avak hik ikwa lir,” karem ji mbawa hala. Os erem ji mba nahi, Avui Wasilaka kumak avak jirin erem mbakwa ri. Os ma anandin ji oweioweiheyehe lir kava, karem ji mba nahi, Avui Wasilaka erem jirin wasan ukwa ri. Hako jir ma ol jirin kavak uwa man karem ji mbaka, “Wa mberem uwana, am nawa kava sir.” Unak kavakava os jihik nandan Avui Wasilaka avak erem jirin or mbaka.

Efesus 4:32

Hako jir nga nakrem Jisasin hishindiyanda man ji wapjip hishihi sunguwavu jihi mende nga lirin armek ji uka. Os Avui Wasilaka kavakava jihin lerawu os Krais lahanda orok or yoko ermbenda hom, ma ol jirin kavakavak uwan, jirin Avui Wasilaka or uhunda hom lirin erem ji uka.

Kolosi 3:13

Uhu os ma lal mbele las jirin li unak sunguwavu jihi kavak si na nahi, mayam ji lika. Uhu os mbele kava las li unak lirin ji wapkava hishi nahi, kolok wasan ji ngriawa hala. Wasilaka kavakava jihin angop or yoko ermberi sir. Uhunda hom jir nga erema, ma ol jirin kavakavan unda ma nga ji anatavatoloho wavu jihi nga ji mba, “Am nawa kava sir,” karem ji mbaka.

Jems 2:13

Os ma anandinjik ji holona ambu nahi, wa Avui Wasilaka erem, hulaima nokopman or kotim ukwa wolo or mbeek jirnjik holokwa ambu ri, wahau. Hako os ma anandinjik ji holo nahi, Avui Wasilaka erem, os man or kotim ukwa wolo avak jirnjik holokwa ri, mbeek jirin kavak nakwa ambu ria.

Revelesen 11:4

Ma ovro opmu mi oliv ovro nga lam ovro nga heimanda vria. Avui Wasilaka or misambi toson tolonda or linda mishik linda vria.