Mashi jivi Jisashi Mak or kayeri 11:18 - Nupela Testamen long tokples Mende long Niugini

¹⁸ Urik hetpris nga mashi Moseshin sawendari ma ondo nga mbele mbele os Jisas urin li misihi nombo nombo os orin li mandingormekurin limu mbara. Mberem ushirik? Ma musha angop Jisas saweri mashin misikurik hishiri lir. Uri osik las avak ma amber orin li tiyaku, karem mbaha limu ajera.

Mashi jivi Jisashi Mak or kayeri 11:18 ပူးပေါင်းရင်းမြစ်များ

Matyu 21:15

Ma ondon or mbarik jivik li narik ma amber li heyehe jikisakri mende nga orin li rupshihi hi orhin li hauowehe limu mbara, “Devit nirambara orhi toton nimu rupshinduwa.” Karem li mbarik bikpris nga mashi Moseshin sawendari ma nga sungu lihi kavak si narik orin li ngriaha limu silira, “Ma rondo hi mihin li hauowewan am mimu misindu?”

Matyu 7:28

Jisas mashi mashi amber or sawerakorik ma ondo wavu lihi musha mushak limu hishira.

Mashi jivi Jisashi Mak or kayeri 1:22

Mashin or sawerik li misihi wavu lihi musha mushak limu hishira. Or mbeek ma ol mashi Moseshin sawendari ondo hom saweri ambu ri, wahau. Or malakama hom kwambu nga saweri ria.

Mashi jivi Jisashi Mak or kayeri 11:32

Hako os ni mba, ma misambik fehe mbashirik lerawun or lari. Karem ni mba nahi, ma rondo avak li waplelenaha nirin kavak nakwa ola. Mberem ushiwak? Jon oto profet oria, karem hishinda ola.”

Mashi jivi Jisashi Mak or kayeri 12:12

Jisas sauheima oson or sawerik Farisi ondo nga mashi Moseshin sawendari ma nga limu misira. Mashi oso sayi hom lirin jiri sir. Urik sunguwavu lihi kavak er nari sir. Urik Jisasin li tolokmbaha limu ura. Hako ma musha mendek orok li lishirik li ajehe er li halaha limu ira.

Mashi jivi Jisashi Mak or kayeri 3:6

Urik Farisi ondo erem or uri oson li heyehe kolomalok os li lotu undari aka oson li halaha li ihi ma ol king Herot nga nakrem lerawun landari ma ondon heyekurik limu ira. Li ihi nombo nombo os Jisasin li mandingormekuri mashin limu anasawera.

Mashi jivi Jisashi Mak or kayeri 6:20

Herot Jonin ajendari ri. Angop or heyendari ri, Jon ma jivi misokome Avui Wasilakahik ma worna mak nandari ri. Uhu Herot mashi Jonhin misikurik nandari ri. Mashi orhin or misiri wolo wavu musha mendek hishindari ri.

Mashi jivi Jisashi Luk or kayeri 19:47

Uhu ermba ermbak tempel aka orok mashi jivin ormu sawendara. Hako mashi Moseshin sawendari ma ondo nga bikpris ondo nga Judama lida lihi ondo nga Jisasin li mandingormekuri nombon limu oweioweiheyera.

Mashi jivi Jisashi Luk or kayeri 2:47

Wavu orhi krahak er si nashirik mbele mbele ol li silirin krahak or saweshirik ma ondo amber limu lishnyafara.

Mashi jivi Jisashi Luk or kayeri 20:19

Jisas karem or mbarik mashi Moseshin sawendari ondo nga bikpris ondo nga li misihi limu hishira, “Jisas sauheimak or sawewa nirin or sawewa sir. Wain nowe oson washilindari ma ondo nirin olmu heimanduwa.” Karem li mbaha orin li tolokmbaha limu hishira. Hako hulaima nokopman li ajeri osik os limu halara.

Mashi jivi Jisashi Luk or kayeri 4:22

Karem or mbarik orok liri ma mashi jivi os or owesawerin li misihi limu lishnyafaha hi orhin limu hauowera. Hako limu mbara, “Ma toto men Josephi jikisi ri. Mberemhi nombok mashi jivi toson karem or sawendua?”

Mashi jivi Jisashi Jon or kayeri 7:1

Provins Judiak fehenda Judama Jisasin mandingormekurik li mbari osik orok or ikurik hishiri ambu ri. Yanga Galilikop ormu yara.

Mashi jivi Jisashi Jon or kayeri 7:19

Maskop Moses lo Avui Wasilakahin jirin hari ri. Hako jir mbeek lo oson tiyanda ambu jir. Unda osik anin ji mandingormekwak jimu mbanduwa.”

Mashi jivi Jisashi Jon or kayeri 7:46

Urik limu mbara, “Ma lar mbeek oto mbanda hom mbanda ambu ri.”

Aposel 24:25

Hako Pol os nombo wornan tiyandari nga ruwol tava oloho hafaka lindari nombo nga os kumak Avui Wasilaka ma amber or heyembakuri nga ormu sawera. Urik Feliks mashi oson or misihi or ajehe ormu mbara, “Ambehoma. Wa, ika. Uhundanakop kumak indik a mbanak mivai ra.”