Mashi jivi Jisashi Mak or kayeri 11:14 - Nupela Testamen long tokples Mende long Niugini

¹⁴ Urik mi oson ormu mbara, “Nyir avak akwa ome nga mbeek nyi wanak ma li nimba akwa ambu nyir, wahau.” Urik ma ol orin tiyandari ondo mashi oson limu misira.

Mashi jivi Jisashi Mak or kayeri 11:14 ပူးပေါင်းရင်းမြစ်များ

Matyu 21:19

Urik mi fik las nombo orok si sirik or heyehe pasir or i sihi ormu simaura. Uri mbeek akwa nga nari ambu sir, wahau, minjakukwa nom olmu nara. Urik mi oson ormu mbara, “Nyir mbeek indik akwa ome nga nakwa ambu nyir.” Karem or mbarik mi oso kolok er simu hatlayira.

Matyu 21:33

Uhu Jisas ormu mbara, “Sauheima kason ji misi. Ma lar wain nowe las or laha inyin or washi arangoho wain siji omen li jimbresekundari las nga nor uhu nowen li washilikuri aka las nga ormu ura. Uhu nowe oson ma lalhi tavak or halashihi yanga lasik ormu ira.

Matyu 21:44

Ma ol sunja heye orok takatukuyiwa avak havan tlekwa lir. Unak os sunja oso ma lalhi heyek si raka nahi, si mandingormekwa lir.”

Matyu 3:10

Hako ji misi, mi ol akwa ome jivin wawa ambu men li shihi hik li ermbeshinak hi ukwa lir. Kombefa osmu mi tontlok wanduwa.”

Matyu 7:19

Mi ol akwa ome jivin wawa ambu men li shihi hik li ermbeshinak hi ukwa lir.

Mashi jivi Jisashi Mak or kayeri 11:13

Uhu nor heyerik mi las hi sihi fik, karem li ushandari oso osmu kandakar nga homek siri sir. Mikukwa sihi musha mendek nari sir. Urik mi siji lal si na nahi, nor a, karem mbaha pasir ormu ira. Or i heyeri mbeek mi siji las nga nari ambu sir. Mikukwa nom amba amba nari sir. Hako mbeek akwan si wakuri wolok nari ambu sir.

Mashi jivi Jisashi Mak or kayeri 11:15

Jisas nga ma ol orin tiyandari ma ondo nga Jerusalemik li lawuhu tempel aka os inyin li washi arangondari mishi orok limu layira. Li layihi sihi Jisas ma ol orok ya lerawun landarin or heyehe teye os yan li ewehe ananduwarendari teye ondo nga kawu ol li lindari ondo nga or laha normu ermbera. Uhu ma ondo nga or kria ermberik tempel aka hikriyok limu ralara.

Mashi jivi Jisashi Jon or kayeri 15:6

Os an nga ji sina ambu nahi, avak mi tava hom li shintle ermbeshinak hatlayikwa jir. Ushihi li lahara lasikop li hapnduwuhu li suwukwa jira.

2 Pita 2:20

He, ome sira. Jisas Krais Wasilaka nihi nirin jivinanda man angop wavu lihik li oweri ri. Uhu Jisas landari lerawu oson li heyekrahakorori oso lirin si jelyashirik kavakava misambik fehendari angop li halari sir. Hako os ter kavakava os li undari sihi siyok indik li si nahi, avak kava indingak nakwa lir. Uhu os mas kavakavan li uhu li lindari kava oson li tikrihi kava indingak nakwa lir.

Revelesen 22:11

Hako ma ol kavakavan unda ondo orokop er ukwa lir. Ma ol kavak nanda kavak er nakwa lir. Hako ma ol jivi jivin unda ondo jivi nom er ukwa lir. Ma ol jivik nanda jivik er nakwa lir.”