Matyu 9:27 - Nupela Testamen long tokples Mende long Niugini

²⁷ Urik Jisas yanga oson or hala irik misokome tumundari ma frijip orin fri tiya ihi frimu ushaha tlara, “Jisas nirambara Devithi mirin, shirnjik mi hishiwa!”

Matyu 9:27 ပူးပေါင်းရင်းမြစ်များ

Matyu 1:1

Jisas Krais misumu walanga orhi kalira. Or Devithi krahak jitapmatava naha rahandari ria. Devit Abrahamhi krahak jitapmatava naha rahandari ri.

Matyu 11:5

Misokome tumunda li heyewak, kumbanashinda li ese yawak, okmbale lepra tolonda jivik li nawak, mamblanjihinda li misiwak, ma ol hahanda indiyok li usahawak, erndakava mashi jivi Avui Wasilakahin olmu misinduwa.

Matyu 15:22

Urik nokove las yanga Kenanik fehendari si raha Jisasin simu ushaha tlara, “Wasilaka, Devithi nirambara mirin, anjik mi holowa. Jikisnokopji anhi wasimalengamba toloshiwak osmu kavak nanduwa!”

Matyu 17:15

ormu tlara, “Wasilaka, jikishulayi anhin mi jelyawa! Ermba ermbak or haha kwarngarnanda re. Uhu hik or iw, fak or iw, uwak maome orhi nga kavak er nanda re.

Matyu 20:29

Jisas nga orin tiyandari ma nga kuyanga Jerikon li hala irik ma mushak lirin limu tiya ira.

Matyu 21:15

Ma ondon or mbarik jivik li narik ma amber li heyehe jikisakri mende nga orin li rupshihi hi orhin li hauowehe limu mbara, “Devit nirambara orhi toton nimu rupshinduwa.” Karem li mbarik bikpris nga mashi Moseshin sawendari ma nga sungu lihi kavak si narik orin li ngriaha limu silira, “Ma rondo hi mihin li hauowewan am mimu misindu?”

Matyu 21:9

Urik lal mi tavan li tontlehe er nga nombok limu lere ira. Uhu lal li maifu irik lal li kumasi irik Jisas nindik ormu ira. Uhu orin li flehava kwaha limu ewehe mblaha ira, “Devit nirambara orhi toton nimu rupshi mendenduwa. Avui Wasilaka ma or hi orhik tawa toton armek or ukwa ri. Karem uwosik hi Avui Wasilakahin ni hauoweka.” Buk Song 118:25-26

Matyu 9:28

Karem fri mbarik Jisas er or ihi aka os or lindari mishi orok or layirik frir er nga fri lundiyaha akak frimu layira. Urik ormu silira, “Shi hishiwa, am an mbanak jivik shi naku, karem shimu hishindu?” Urik frimu mbara, “He shi hishiwa, mir erem undahi mira.”

Mashi jivi Jisashi Mak or kayeri 11:10

Or Avak misumu nihi Devit malakamak or nahanda hom or naha nirin arangoho washilikwa ri. Karem uwosik hi Avui Wasilakahin ni hauoweka.” Buk Song 118:25-26

Mashi jivi Jisashi Mak or kayeri 9:22

Ermba ermbak wasimalengamba oto uwak hik or takaihi fak or ihi karem uhu orin or mandingormeshinak or hakwak unda ri. Os nirin mi rupshihi am mi unda nahi, jikisi anhi toton mbashinak jivik or naka,”

Mashi jivi Jisashi Luk or kayeri 17:13

wasilakak limu ushara, “Jisas, malakama mirin. Nirnjik mi holowa.”

Mashi jivi Jisashi Luk or kayeri 20:41

Urik Jisas lirin ormu silira, “Mberem ushiwak karem li mbandu, Krais Devithi nirambarak nakwa ri?

Mashi jivi Jisashi Luk or kayeri 7:21

Os fri tari wolo indingak Jisas ma musha ol kavamisindari ondo nga wasimalengamba tolondari nga nor mbarik jivik li nari wolo sira. Uhu misokome tumundari er nga nor mbarik indiyok limu heyera.

Jekamba Pol ol yanga Romik lindanjik or kayeri 1:3

Mashi jivi oso jikisi orhi Jisasin mbari sir. Jisas mak or naha ma nir hom maome nga nari ri. Uhu king Devithi krahak talari ri.

Jekamba Pol ol yanga Romik lindanjik or kayeri 9:5

Misumu walanga lihi Abraham, Aisak, Jekop olira. Ushirik Krais hulaima nokopman jivinahanda ma oto lihi krahak talari ri. Or God indingo ri. Mbele mbele amber ondon tolonda ma ria. Uwosik nir hulaima nokopma amber ermba ermbak hi orhin ni hauoweka. Ome sira.