Matyu 8:9 - Nupela Testamen long tokples Mende long Niugini

⁹ Mir kwambu nga nawak a heyenda mir, os mbele las mi mba nahi, mi mbawa hom avak nakwa sir. An malakamahi siyok a sihi os lir mbawa hom a unda nir. Uwak awun unda ma anhi ondo erem, anhi siyok li sihi os a mbawa hom unda lir. Os lihi lar a mba, “Mir i!” Karem a mbawa inda ora. Hovok os lar a mba, “Mir ta!” karem a mbawa, tanda ora. Hovok os anjik lerawun landa ma lar a mba, “Lerawu kason la!” Karem a mbawa, lerawu oson landa ora. Mir malakama kwambu nga nawak a heyenda mir, men mashimbakop mi mba nahi, os mi mbawa hom avak nakwa sir.”

Matyu 8:9 ပူးပေါင်းရင်းမြစ်များ

Matyu 8:10

Karem or mbarik Jisas or misihi or tormblehe ma ol or nga nakrem tari ondon ormu sawera, “Mberemhi tos ter nanduwa! Samba samba toto mashi anhin misindiyanda toria. Hako jir Judama jir lar mbeek or hom mashi anhin misindiyawak a heyenda ambu jir.

Matyu 8:8

Urik ormu mbara, “Wasilaka, an ma jivi ambu nir. Uwosik aka anhik tawa hala. Men mashimbakop mi mbanak jivik or naka.

Mashi jivi Jisashi Mak or kayeri 1:27

Urik ma ol orok liri ondo oson li heyehe li lishnyafaha lihi ambek limu mbara, “Mberemhi tos ter nandua? Ma roto Avui Wasilakahi mashin kwambu nga or sawewak ni misiw te. Uhu wasimalengamba roton or mbawak ma roton or halaha or tulu iwa re.”

Mashi jivi Jisashi Luk or kayeri 4:39

Li silirik si wari mishik pasir ormu tara. Uhu maome os hikop lawurin or ngriambarik kolomalok mendek si nashirik jivik simu nara. Uhu akwan lirnjik simu ura.

Mashi jivi Jisashi Luk or kayeri 7:8

Mir kwambu nga nawak a heyenda mir. Os mbele las mi mba nahi, mir mbawa hom avak nakwa sir. An malakamahi siyok a sihi os lir mbawa hom a unda nir. Uwak awun unda ma anhi ondo erem, anhi siyok li sihi os a mbawa hom unda lir. Os lihi lar a mba, “Mir i!” Karem a mbawa, inda ora. Hovok os lar a mba, “Mir ta!” Karem a mbawa, tanda ora. Hovok os anjik lerawun landa ma lar a mba, “Mir lerawu kason la!” Karem a mbawa, lerawu oson landa ora. Kepten karem mbawa ri.”

Mashi jivi Jisashi Luk or kayeri 9:1

Jisas ma ol orin tiyandari 12-pela ondon or usharik li tarik kwambu orhin lirin ormu hara. Ushinak li ihi kavamisinda ondon li mbanak jivik li nanak wasimalengamba ol man tolohondan li mbru ormbeshinak jivik li nakmbahan.

Kolosi 3:22

Akishmakisha jirin, jir malakama jihi or misambik fehe or mbawa mashin ji misihi ji tiyaka. Hako las avak jirin or rupshikmbaha men orhi misokomekop lerawun ji lakwak ji hishinan, wahau. Jir Wasilakan ji ajehe wavu mende jihi nga malakama jihi lerawu orhin armek ji laka.

Taitus 2:9

Ol akishmakishak nanda ma ondon karem ewesawenak li misika. “Jir avak malakama jihi siyok ji sika. Uhu mbele mbele ol li mbawa os li mbawa hom ji uka. Mashi lihin siyasayawa ji hala.