Matyu 26:74 - Nupela Testamen long tokples Mende long Niugini

⁷⁴ Urik mainkwambuk ormu mbara, “Omendingak jirin amu sawenduwa, an mbeek orin na heyenda ambu nir. Os omek a mbana ambu nahi, halanak Avui Wasilaka anin kavak or uka.”

Matyu 26:74 ပူးပေါင်းရင်းမြစ်များ

Matyu 10:28

Ma ol jirin mandingormekmbaha hishiwa ma ondon ji ajewa hala, wahau. Lir men maome jihi nom kavak li uhu li mandingormekwa jir. Hako masikome jihi nga kavak nakwa ambu lir, wahau. Hako jirin kormbak amu sawenduwa, Avui Wasilaka nom ji ajeka. Orto nom man mandingormehe masikome nga hik ermbekwa ria.

Matyu 26:34

Urik ormu mbara, “Pita, mirin amu sawenduwa, ter nirik aptoko mba namber mir avak hindi nalmingrip anin mi heyenda ambu, karem mbakwa mira.”

Matyu 26:73

Urik kandakar nga or lirik ma lal orhik li taha limu mbara, “Mir Galilik fehenda hom mbaw te! Ome sira mir or nga yanda ma mira.”

Matyu 26:75

Karem or mbarik kolok aptoko mu mbara. Urik mashi os Jisas mbarin ormu hishira, “Ter nirik aptoko nor mba namber hindi nalmingrip anin mi heyenda ambu, karem mbakwa mira,” mashi kason indiyok or hishihi hikriyok or layihi havahavan ormu tlara.

Matyu 27:25

Urik limu mbara, “Halanak musa oso nihikop si nanak kumak jikisi nihi lihikop si naka.”

Mashi jivi Jisashi Mak or kayeri 14:30

Urik Jisas mu orin sawera, “Omendingak mirin amu sawenduwa, ter nirik aptoko hindi frijip or mba namber, mir avak hindi nalmingrip anin mi heyenda ambu, karem mbakwa mira.”

Mashi jivi Jisashi Mak or kayeri 14:68

Karem si mbarik ormu mbara, “Mashi os nyi mbawa amu hishandu.” Karem or mbaha hikrik or tala irik aptoko maifuk ormu mbara.

Mashi jivi Jisashi Luk or kayeri 22:60

“An mashi os mi mbawa oso amu hisha mendenduwa.” Karem or mbari halanganga aptoko mu mbara.

Mashi jivi Jisashi Jon or kayeri 18:27

Urik Pita indik ormu mbara, “Wahau, an nembes te!” Karem or mbarik aptoko mu mbara.

1 Korin 16:22

Os ma lar Wasilakan wapnuku orhik or owekwak or hishina ambu nahi, wa ma oto avak kavak nakwa ri. Wasilaka anhi, mir taka.

Revelesen 3:19

Ma ol a rupshi mendenda ondon a ngriasawehe na tolo wornashinak kavakava ol li unda ondon li halaka. Uwosik wavu jihin ji tormblehe anin ji tiyaka.