Matyu 25:44 - Nupela Testamen long tokples Mende long Niugini

⁴⁴ Urik lir nga mu silira, “Wasilaka, mbele wolo mendek mi erengha uksembenjik mi mbaha samba samba mak mi naha serembombak mi sihi mi kavamisihi krawuk mi lirik mirin ni jelyari ambu, karem mimu mbandu?”

Matyu 25:44 ပူးပေါင်းရင်းမြစ်များ

Matyu 10:41

Os profet larin ji heyehe ji mba, “Ma oto profet Avui Wasilakahi oria.” Karem ji mbaha orin armek ji u nahi, kumak profet oto lawahi hom lakwa jir. Uhu os ma worna man ji heyehe ji mba, “Ma oto ma worna ma ria.” Karem ji mbaha orin armek ji u nahi, kumak ma worna ma lawahi hom lakwa jira.

Matyu 25:43

Samba samba mak a narik mbeek aka jihik anin laha iri ambu jir. Serembomba a sirik mbeek kowe las anin hari ambu jir. A kavamisirik mbeek anin jelyari ambu jir. Krawuk a lirik mbeek anin ta heyeri ambu jir.”

Matyu 25:45

Urik ormu mbara, “Omendingak jirin amu sawenduwa, mbele mbele ol erndakava anhi ondon ji ukurin ji halari anin ji ukurin jimu halari sira.”

Matyu 5:6

Ma ol nombo wornan tiyakmbaha hishombashiowewa ma ondo li rupshika. Mberem ushiwak? Avui Wasilaka avak or jelyashinak nombo worna oson tiyakwa lir.

Matyu 7:22

Kumak hulaima nokopma mbele mbele li uhundan or heyembakwa wolo ma musha karem anin mbakwa lir, “Wasilaka, nir hi mihik profet mashik ni sawendari on te! Uhu hi mihik wasimalengamban ni mbru ermbendari on te! Uhu hi mihik mbele mbele ma undahi ambun ni undari on te!”

Mashi jivi Jisashi Luk or kayeri 10:29

Karem or mbarik ma oto ormu hishira, “Mashi Moseshi amber a tiyarakonda nir.” Karem mbaha hi orhin or hauowekmbaha Jisasin ormu silira, “Anhi ma ol a rupshikmbaha mashi Moseshi erem si sawenda ondo lawe lir?”