Matyu 21:10 - Nupela Testamen long tokples Mende long Niugini

¹⁰ Urik Jerusalemik or layirik orok fehenda ma amber ondo li lishnyafaha limu silminyara, “Isha, ma oto lawe ria?”

Matyu 21:10 ပူးပေါင်းရင်းမြစ်များ

Matyu 2:3

Karem li mbarik Herot wavu musha mushak ormu hishira. Urik Jerusalemik fehe ma amber wavu erem hishiri lir.

Matyu 21:11

Urik ol er nga tari ma ondo limu sawera, “Oto Jisas oria. Kuyanga Nasaret provins Galilik fehenda profet lar oria.”

Matyu 21:9

Urik lal mi tavan li tontlehe er nga nombok limu lere ira. Uhu lal li maifu irik lal li kumasi irik Jisas nindik ormu ira. Uhu orin li flehava kwaha limu ewehe mblaha ira, “Devit nirambara orhi toton nimu rupshi mendenduwa. Avui Wasilaka ma or hi orhik tawa toton armek or ukwa ri. Karem uwosik hi Avui Wasilakahin ni hauoweka.” Buk Song 118:25-26

Mashi jivi Jisashi Luk or kayeri 20:2

Uhu orin limu silira, “Mir sawenak ni misi. Lawe mbashihindak lerawu oson mi landu?”

Mashi jivi Jisashi Luk or kayeri 5:21

Karem or mbarik mashi Moseshin sawendari ma nga Farisi ondo nga mashi oson li misihi lihi ambek limu mbara, “Ma toto lawe toria? Toto Avui Wasilakahi farniyik sikwak mbandar? Ma lar mbeek kavakava ma undan laha ormbendahi ambu ri. Oso lerawu Avui Wasilakahi sir.”

Mashi jivi Jisashi Luk or kayeri 7:49

Karem or mbarik ma ol orok liri ondo mashi os or mbarin li misihi wavu lihik limu hishira, “Ma toto lawe mende tori? Or mberem or nanda osik kavakava ma undan or yoko ermbekwak or mbandu?”

Mashi jivi Jisashi Luk or kayeri 9:9

Uhu ormu mbara, “Ayo, Jon oto jekapnashi orhi angop a korori or te. Hako ma orto lawe mende ria? Lerawu os or lawa apsham apshamhin or lawak a misinda re.” Karem mbaha Jisasin heyekurik ormu hishira.

Mashi jivi Jisashi Jon or kayeri 2:18

Judama ondo os or urin li heyehe orin limu silira, “Mberem ushiwak mbele mbele ondon mi laha ermbendu? Os Avui Wasilaka lerawu oson mi lajehe or mbashirik mi rakahanda nahi, kolok mbele las ma undahi ambun mbanak si nanak ni heyehe nivai mba, Avui Wasilaka mbashirik tari ma toria.”

Aposel 9:5

Urik Sol mu mbara, “Wasilaka, mir lawe mir?” Urik ormu mbara, “An Jisasin mimu kavak nanduwa.