Matyu 20:22 - Nupela Testamen long tokples Mende long Niugini

²² Karem si silirik ormu mbara, “Jir mbeek os ji siliwan hishiyariwa ambu jir. Shir am nomorawu os anhik talakwan kishandahi osh?” Urik frimu mbara, “He, shi kishandahi sir.” Urik ormu mbara,

Matyu 20:22 ပူးပေါင်းရင်းမြစ်များ

Matyu 26:35

Urik ormu mbara, “Wahau te! Erem a mbakwa ambu nir. Os mir nga shi ha, karem mbanda nahi, mir nga shi hakwa nir, an mbeek mirin a halakwa ambu nir.” Karem or mbarik ma amber or mbari hom limu mbara.

Matyu 26:39

Karem or mbashihi kandakar nga homek or ihi misambik or taka waha Avui orhin ormu sawera, “Avuya, os nombo kas na nahi, nomorawu anhik talakwa oson halanak anin si tikrika. Hako an mbawa hom uwa hala. Os mi hishiwa hom uka.”

Matyu 26:42

Karem or mbaha indik Avui orhin sawekurik or ihi ormu mbara, “Os nomorawu oso anhik si talakwak si na nahi, wa halanak os mi mbawa hom si naka.”

Matyu 26:56

Ambehoma, mashi os profet ondo li kayehendari oso ter osmu omek nanduwa.” Karem or mbarik ol orin tiyandari ma amber orin li halaha limu tulu ira.

Mashi jivi Jisashi Mak or kayeri 14:36

Uhu karem ormu mbara, “Avuya, os nombo kas na nahi, nomorawu anhik talakwa oson halanak anin si wasisoka. Hako os an mbawa hom uwa hala. Os mi hishiwa hom uka.”

Mashi jivi Jisashi Luk or kayeri 12:50

Nomorawu laka las avak a kishakwa nir. Hako a kisha namber. Uwa osik sunguwavu anhi osmu kava mendek nanduwa.

Mashi jivi Jisashi Luk or kayeri 22:42

“Avui, wavu mihi sira. Nomorawu os anhik talakwan laha ormbekwa om? Hako an mbawa hom uwa hala. Os mi hishiwa hom uka.”

Mashi jivi Jisashi Jon or kayeri 18:11

Urik Jisas mu mbara, “Bainat mihi oson laha indik haloweka. Mir mberem mi hishindu? Nomorawu os Avui anin or hahanda oson na kishandahi ambu? Karem mimu hishindu? Wahau, a kishandahi sir.”

Jekamba Pol ol yanga Romik lindanjik or kayeri 8:26

Nir ma misambik fehe mbeek kwambu nga ni nanda ambu nir. Hako Masikome Avui Wasilakahi mu nirin jelyanduwa. Nir mbeek mbele las os kumak nakundan ni heyehe osonjik ni beten unda ambu nir. Uhu os mbele las mberem ni ukwa ambuk ni hishihi ni mba, “Mberem a ukwa sa!” Karem ni hishinda oso Masikome oto angop or heyehe nirnjik beten unda ri.

Jems 4:3

Uhu os mbele mbelen ji lakwak orin ji siliwa wolo mbeek ji landa ambu sir. Mberem ushiwak? Jir men ondon ji laha sungu masi jihi os si mbawa nombo hom ji ukwak hishinda oja. Uwosik mbeek ji landa ambu lir.