Matyu 14:19 - Nupela Testamen long tokples Mende long Niugini

¹⁹ Uhu or mbashirik ma ol orok liri ondo misambik limu raka lira. Uhu bret tostava ondo nga foome ovro nga nor laha lersuwu yok or mawuhu Avui Wasilakan ormu sawera, ushinak akwa ondon armek or ushinak or hanak li akmbahan. Uhu bretin or toltavaha ol orin tiyandari man or harik li laha ma ondon limu hara.

Matyu 14:19 ပူးပေါင်းရင်းမြစ်များ

Matyu 14:18

Urik ormu mbara, “Akwa ondon torok ji laharaka.”

Mashi jivi Jisashi Mak or kayeri 6:39

Urik ormu mbara, “Wa ambehoma, avak ma ondon mbashinak lihi lihik misambik li lika.”

Mashi jivi Jisashi Mak or kayeri 6:41

Urik Jisas bret ondo nga foome ovro nga nor tolo lalawuhu Avui orhin armesarmek ormu mbara. Ushihi bretin or toltavaha ma orin tiyandari ondon or harik olmu ma ondon hara. Ushihi foome nga li humasishirik ma ondo olmu ara.

Mashi jivi Jisashi Mak or kayeri 7:34

Ushihi lersuwu yok or larasa mawuhu Avui orhin ormu sawera karem, “Efata!” Mashi oso “Mambla huvanak takhava larnaka,” karem mbahanda mashi sir.

Mashi jivi Jisashi Luk or kayeri 22:17

Karem or mbaha wain uku kas hambiyak or ngoroho laha Avuin armek or sawehe lirin ormu mbara, “Kaso jihi ambek tenjer tenjer ji aka.

Mashi jivi Jisashi Luk or kayeri 22:19

Karem or mbaha bret las or laha Avui Wasilakan armek or sawehe or toltavaha orin tiyandari man ormu hara. Uhu normu mbara, “Kaso maome anhi kasira. Jirin si jelyakmbaha os amu handuwa. Os a uwak ji heyewa hom kumak erem ji uhu anin ji hishioweka.”

Mashi jivi Jisashi Luk or kayeri 24:30

Uhu am li akurik Jisas bret las or laha or toltavaha Avui Wasilakan armek or sawehe normu fririn hara.

Mashi jivi Jisashi Luk or kayeri 9:14

Karem olmu mbara. Mberem ushirik? Ma ol orok liri hulaji nom li kantiri, 5,000 hom nari ola. Urik Jisas ol orin tiyandarin ormu sawera, “Ji mbanak ma tondo siji sijik li lika.”

Mashi jivi Jisashi Luk or kayeri 9:16

Urik Jisas bret tostava yeje nga foome frijip nga nor laha lersuwu yok or mawuhu Avui Wasilakan ormu sawera, ushinak akwa ondon armek or ushinak or hanak li akmbahan. Uhu bretin or toltavaha foome nga ol orin tiyandarin ormu hara. Ushirik li laha ma ondon limu hara.

Mashi jivi Jisashi Jon or kayeri 11:41

Urik sunja oson limu tembe haiewera. Urik Jisas lersuwu yok or larasa mawuhu Avui orhin ormu sawera, “Mir mashi os a sawendan mi misinda osik armesarmek mirin amu mbanduwa.

Mashi jivi Jisashi Jon or kayeri 6:23

Hako ter li heyeri bot lal ol nirik yanga Taiberias yok tari nom orok sirik li heyeri lir, os Jisas akwan or harik li ari mishi orok.

Aposel 27:35

Uhu bretin or laha misokome lihik Avui Wasilakan armesarmek or mbaha nor toltavaha ormu ara.

Jekamba Pol ol yanga Romik lindanjik or kayeri 14:6

Ma ol de ondon heyehe mba, “De kaso nom jivi sira. Oro wolokop Avui Wasilakan ni lotu ukwa nir.” Karem hishiwa ma ondo mbeek lihinjik erem mbawa ambu lir. Hi orhin li hausimbausikwak erem mbanda lir. Uhunda hom ma ol fle avin anda ma ondo erem. Fle avi ondon li awa wolo Avui Wasilakan armesarmek li mbaha anda lir. Uwak ma ol fle avin hakrinda ondo erem, fle avin li hakrihi Avui Wasilakan li rupshihi orin hausimbausinda lir.

1 Korin 10:16

Os ni tirsaha komunionin ni awa wolon ji hishika. Wain uku oso Avui Wasilakan ni sawewak armesarmek or ushiwak ni aha karem ni hishinda nir, Krais miandok or harik fi orhi si ngoroshihindak os jipjip nimu linduwa, karem ni hishinda nir. Bret erem. Os bretin ni tava ni awa wolo karem ni hishinda nir. Krais miandok or haha maome orhin nirin or hashihindak os jipjip nimu linduwa, karem ni hishinda nir.

1 Korin 10:31

Erem nanda osik os ji awa mo ji awa ambu, mbele mbele ji uwa nakrem Jisasin hishindiyanda ma jirin li heyehe hi Avui Wasilakahin li hauowekmbaha ji uka. Ushinak erem ji uwan li heyehe Jisasin li hishindiyanda nombo lihi mbeek kavak nakwa ambu sir.

1 Korin 11:24

Uhu Avui Wasilakan armek or sawehe nor toltavaha ormu mbara, “Kaso maome anhi kasira. Jirin si jelyakmbaha os amu handuwa. Undanak kumak os karem ji uhu awa wolo ermba ermbak anin ji hishioweka.”

Kolosi 3:17

Mbele mbele ol ji uwa mashi os ji mbanda nga lerawu os ji landa nga ji halanak Wasilaka Jisas or mbahanda hom si naka. Uhu hi Wasilakahik Avui Wasilakan armesarmek ji mbaka.