Mashi jivi Jisashi Luk or kayeri 9:50 - Nupela Testamen long tokples Mende long Niugini

⁵⁰ Karem or mbarik Jisas mu mbara, “Orin pantlewa hala. Ma ol jirin wutarik owenda ambu ondo jihi ma lira.”

Mashi jivi Jisashi Luk or kayeri 9:50 ပူးပေါင်းရင်းမြစ်များ

Matyu 12:30

Ji misi, ma or anhi mak nawa ambu ondo wutari anhi lira. Uhu ma ol an nga lerawun ni lawa ambu ondo olmu lerawu anhin kavak nakwak unduwa.

Matyu 17:24

Jisas nga ol orin tiyandari ma nga yanga Kaperneamik li layirik ma ol tempel akanjik takis yan landari ma ondo li taha Pitan limu silira, “Mai, tisa jihi am tempel akanjik takis yan handa or?”

Matyu 17:26

Urik Pita mu mbara, “Jikisi lihi nembes, ma anandi nom takis yan handa lir.” Urik ormu mbara, “Ome sira, malakama ondo jikisi lihi takis yan handa ambu lir.

Mashi jivi Jisashi Mak or kayeri 9:38

Urik Jon Jisasin ormu sawera, “Tisa, nir ni heyewak, ma lar wasimalengamba ondon hi mihik or mbru ermbewak li tulu iwa re. Hako ma oto or mbeek nir nga nakrem sinda ambu ri. Ushiwak orin ni pantlewa.”

Mashi jivi Jisashi Mak or kayeri 9:41

Os ma lar jirin or heyehe mba, “Ma rondo Jisasin tiyanda ma tolira.” Karem or mbaha uksembe kas or hanak ji a nahi, omendingak amu jirin sawenduwa, os or uwa oso Avui Wasilaka mbeek or hishakwa ambu ri, wahau. Kumakop wasan or hakwa ri.”

Mashi jivi Jisashi Luk or kayeri 11:23

Ma ol anhi mak nawa ambu ondo wutari anhi lira. Ma ol an nga nakrem lerawun ni lawa ambu ondo lerawu anhi oson kavak nakwak unduwa.

Mashi jivi Jisashi Luk or kayeri 16:13

Ma lar mbeek ma frijipnjik lerawun landahi ambu ri. Os erem or u nahi, lar or rupshihi lar or turakwa ri. Uhu lar mbawa mashin or misihi lar mbawan halakwa ri. Unda hom jir erem. Os ya mbele mbelenjik ji hishombashiowe nahi, jir mbeek Avui Wasilakahi siyok sikwak hishikwa ambu jir,” karem ormu mbara.

1 Korin 12:3

Uwa osik ter armek ji hishiyarikmbaha mashi kason jirin amu sawenduwa. Ma or Masikome Avui Wasilakahi ngashi ambu oto or mbeek, “Jisas Wasilaka anhi ri,” karem mbakwa ambu ri, wahau. Hako Masikome Avui Wasilakahi or sauhawak sawenda ma oto nom “Jisas Wasilaka anhi ri,” karem mbakwa ri. Or mbeek Jisasin mashi kavak mbakwa ambu ri, wahau.