Mashi jivi Jisashi Luk or kayeri 9:45 - Nupela Testamen long tokples Mende long Niugini

⁴⁵ Hako mashi os or mbari maintontlo sihi wanyishirik lir mbeek hishiyariri ambu lir. Uhu orin li silikurin limu ajera.

Mashi jivi Jisashi Luk or kayeri 9:45 ပူးပေါင်းရင်းမြစ်များ

Matyu 16:22

Urik Pita mashi oson or misihi Jisasin or laha apsham fri sihi kwambuk ormu mbara, “Wasilaka wahau, oso mbeek mihik erem nakwa ambu sir te!”

Matyu 17:22

Jisas nga ol orin tiyandari ma nga Galilik indik li ihi ormu mbara, “Ma Jikisi Avui Wasilakahi avak ma kavahi tavarenjek li halashinak

Mashi jivi Jisashi Mak or kayeri 9:10

Urik mashi oson wavu lihikop li ewehe lihi ambek limu anasawera, “Mashi Ma Jikisi Avui Wasilakahi os mawan or halaha indiyok or usahakwa mashi oso mberemhi mashi sir?”

Mashi jivi Jisashi Mak or kayeri 9:32

Hako lir mbeek maintontlo os or mbari oson yariri ambu lir. Uhu orin li silinak or sawenak li misikurin limu ajera.

Mashi jivi Jisashi Luk or kayeri 18:34

Hako ma ol orin tiyandari ondo mashi os or mbari oso maintontlo sihi si wanyishirik mbeek yariri ambu lir.

Mashi jivi Jisashi Luk or kayeri 2:50

Hako frir mbeek hishiyariri ambu vri, os fririn or mbari mashin.

Mashi jivi Jisashi Luk or kayeri 9:46

Nindi las wolok Jisasin tiyandari ma lihi nindik lawe ol malakamak naha maifu mendek siku, karem li mbaha olmu anamainkwambu mbara.

Mashi jivi Jisashi Jon or kayeri 12:16

Hako oso wolo Jisasin tiyandari ma ondo mbeek mashi os erem Jisasin si mbarin yariri ambu lir. Hako or haha indiyok or usahari wolokop mashi os profet oto or kayeri oson indik li hishiyariri lir, profet oto or mbari Jisasin mbari ri.

Mashi jivi Jisashi Jon or kayeri 12:34

Karem or sawerik limu mbara, “Mashi os jekamba Moseshik li kayendari karem mbanda sir, Krais ma or Avui Wasilaka kamashirik hulaima nokopman jivinakwa ma oto mbeek hakwa ambu ri, ermba ermbak likwa ri. Karem li kayehendarin angop ni heyenda sir. Hako mir mberemhi mashi tos ter mi mbandu, Ma Jikisi or hakwan? Ma Jikisi Avui Wasilakahi oto lawe mende ria?”

Mashi jivi Jisashi Jon or kayeri 14:5

Karem or mbarik Tomas mu silira, “Wasilaka, mbeek mi ikwan? Nir mbeek os mi ikwa mishin ni heyenda ambu nir. Nombo oson mberem nivai heyeku?”

Mashi jivi Jisashi Jon or kayeri 4:33

Karem or mbarik lihi ambek limu mbara, “Mbel akwan or mbandu? Ma lal am akwan orin hawa ol?”