Mashi jivi Jisashi Luk or kayeri 9:44 - Nupela Testamen long tokples Mende long Niugini

⁴⁴ “Jir mamblan armek ji owehe mashi kason ji misika. Ma Jikisi Avui Wasilakahi oto avak tavarenje ma kavahik li hakwa ria,” karem ormu mbara.

Mashi jivi Jisashi Luk or kayeri 9:44 ပူးပေါင်းရင်းမြစ်များ

Matyu 16:21

Uhu Jisas ol orin tiyandari man os Jerusalemik or ikurin ormu sawera. Orok or inak Judama lida lihi nga bikpris nga mashi Moseshin sawendari ma nga orin li kumaifaha orin li mandingormeshinak niri frijip fri ishinak indiyok or usahakurin ormu sawera.

Matyu 26:2

“Niri frijip fri inak hiyawu Pasovan ni ukwa wolok osmu nanduwa. Oro wolok Ma Jikisi Avui Wasilakahi oton ma kavahi tavak li halashinak orin li jimandingormehe miandok li tirikwa ri.”

Mashi jivi Jisashi Mak or kayeri 8:31

Urik Jisas ma ol orin tiyayandari ondon ormu mbara, “Ma Jikisi Avui Wasilakahi avak nomorawu wasilakan or kishakwa ri. Avak Judama lida lihi nga bikpris ondo nga mashi Moseshin sawendari ma ondo nga orin li kumaifaha li mbashinak yanga anandik fehe ma orin jimandingormekwa ri. Ushinak niri frijip fri ishinak indiyok or usahakwa ri.”

Mashi jivi Jisashi Mak or kayeri 9:31

Am li ihi lirin karem normu sawera, “Ma Jikisi Avui Wasilakahin avak tavarenje ma kavahik li halashinak orin li jimandingormeshinak hakwa ri. Or haha niri frijip fri ishinak indiyok usahakwa ria,” karem ormu mbara.

Mashi jivi Jisashi Luk or kayeri 1:66

Urik ma ol mashi oson misiri ondo wavu musha mushak limu hishira, “Kumak jikisi oto mberem mende hom nakundar mbe?” Karem li hishihi limu mbara, “Wasilakahi kwambu angop orhik nawa sir.”

Mashi jivi Jisashi Luk or kayeri 18:31

Jisas ol orin tiyandari ma 12-pela ondon ormu sawera, “Ji misi. Avak Jerusalemik ni ikwa nir. Unak mbele mbele amber os Ma Jikisi Avui Wasilakahik talakmbaha profet mas li kayehendari oso avak omek nakwa sir.

Mashi jivi Jisashi Luk or kayeri 2:19

Hako Maria mashi oso sunguwavu sihik si owehe maintontlo sihin armek si hishikrahakorokmba simu ura.

Mashi jivi Jisashi Luk or kayeri 2:51

Urik tempelin or halaha avoko nijava orhi nga Nasaretik limu ira. Uhu yangak or lihi ermba ermbak os fri mbari mashin ormu misindiyara. Hako nijiva orhi mashi os or mbarin si misihi sunguwavu sihik er si owehe simu toltambanara.

Mashi jivi Jisashi Luk or kayeri 24:44

Uhu lirin ormu mbara, “Os jir nga na liri wolo angop karem a saweri jir. Mbele mbele os maskop jekamba Moseshi nga profethi nga Buk Songik anin li kayehendari ondo omek talakwa lira.”

Mashi jivi Jisashi Luk or kayeri 9:22

Uhu normu mbara, “Ma Jikisi Avui Wasilakahi nomorawu mushak kishakwa ri. Malakama nga bikpris ondo nga mashi Moseshin sawenda ma ondo nga avak orin li kumaifaha li jimandingormekwa ri. Hako niri frijip fri ishinak indiyok usahakwa ri.”

Mashi jivi Jisashi Jon or kayeri 16:31

Urik ormu mbara, “Ambehoma. Ter am jimu heyendu?

Mashi jivi Jisashi Jon or kayeri 16:4

Hako ter os jir nga na liwa wolo mbele mbele os kumak talakwan os amu jirin sawenduwa. Uhundanak kumak os erem si nawa wolo mashi os ter a mbawan indik ji hishika.” “Mas os jir nga na liri wolo mashi kaso kas jirin a saweri ambu nir.

Mashi jivi Jisashi Jon or kayeri 19:11

Karem or mbarik Jisas ormu mbara, “Lawe mirin mbashihindak malakamak mi naha kwambu nga mi nandu? Oso Avui Wasilaka mirin or hari sira. Os kwambun mirin or hari ambukop, mir mbeek mbele las anin undahi ambu mir. Hako ma ol anin tavarenje mihik hawa ma ondo kavakava lihi wasilaka mendek si naha kavakava os mi undan tikrinda sira.”

Aposel 2:23

Uhu os maskop Avui Wasilaka or hishihi nor ukmbaha nor mbahandari hom ma oton tavarenje jihik ormu halashira. Urik tavarenje ma kava ondohik orin miandok ji tirihi ji mandingormeshirik ormu hara.

Hibru 2:1

Mashi os Jisas orhinjik or sawerik ni misihinda oson kwambuk er ni toltambanaha ni tiyaka. Os mashi apsham apshamhin ni tiya nahi, avak nombo jivi os ni sinda oson ni halaha nombo apshamhik ni ikwa nir. Uwosik mashi orhin er ni toltambanaka.