Mashi jivi Jisashi Luk or kayeri 8:50 - Nupela Testamen long tokples Mende long Niugini

⁵⁰ Hako Jisas mashi oson or misihi Jairusin ormu sawera, “Ajewa hala. Mir antonom hishioweka. Unak jikisi mihi avak jivik si naka.” Karem or mbaha ormu ira.

Mashi jivi Jisashi Luk or kayeri 8:50 ပူးပေါင်းရင်းမြစ်များ

Mashi jivi Jisashi Mak or kayeri 5:36

Karem li sawerik Jisas mbeek os lir mbari mashin misihi halari ambu ri. Uhu Jairusin ormu sawera, “Ajewa hala. Mir antonom hishioweka.”

Mashi jivi Jisashi Mak or kayeri 9:23

Karem or mbarik ormu mbara, “Mberem ushiwak os mi mba, mir am mi unda nahi, karem mi mbandu? Misi, os ma lar anin or hishiowena nahi, os or mbawa hom a ukwa nir.”

Mashi jivi Jisashi Luk or kayeri 8:48

Karem si mbarik Jisas mu sirin sawera, “Apmanuwa, os anin nyi hishiowenda nombo orok os nyimu jivik nanduwa. Uwa osik rupshihi ika.”

Mashi jivi Jisashi Luk or kayeri 8:51

Fri i heyeri ma amber jikisi osonjik li holoho limu ewetlara. Hako Jisas ormu sawera, “Ji tlawa hala. Jikisi toso hawa ambu sir. Tos men wa suknyandu.” Karem or mbarik orin kavakavan limu hukwakol tolora. Mberem ushirik? Jikisi oson li heyeri angop ha krindiri osa. Urik ma ondo akak li layikurin or pantleshihi Pita, Jon, Jems, jikisi oso avoko nijava sihi nom or laha akak limu layira.

Mashi jivi Jisashi Jon or kayeri 11:25

Urik ormu mbara, “Ma ol mashi anhin misindiyawa ma ondo os li hawa masikome lihi mbeek hakwa ambu lir, ermba ermbak likwa lir. Antonom ol hahandan a mbanak indiyok usahakwa lir. Uhu ermba ermbak linda oson a hakwa lir.

Mashi jivi Jisashi Jon or kayeri 11:40

Karem si mbarik ormu mbara, “Angop a sawewak nyi misiwa os te! Os mashi anhin nyi hishiowe nahi, kwambu Avui Wasilakahin avak nyi heyekwa sir!”

Jekamba Pol ol yanga Romik lindanjik or kayeri 4:17

Jekamba Avui Wasilakahik mashi las karem li kayeri sir, “Avui Wasilaka Abrahamin or mbar, “Kumak jinirmbanira mihi avak musha mendek nakwa lir.” Ushirik Abraham mashi os or mbari oson or misihi nor mbar, “Mashi oso avak omek nakwa sira.” Mberem ushirik erem or mbar? Or angop or heyeri sir, Avui Wasilaka kwambu orhi wasilaka mende. Ma ol hahanda ondon or mbawak indik usahandahi lir. Uhu mbele mbele ter ni heyewa ambu ondo nga or mbawak talandahi lir. Uwosik os nimu heyenduwa, ma ol Abraham hom Avui Wasilakan hishiowewa ma ondo jirnimbanira indinga Abrahamhi lir. Uwosik mashi os mas Abrahamin armek or ukurik or mbahandari mashi oso lirik er nga nakwa sir.

Jekamba Pol ol yanga Romik lindanjik or kayeri 4:20

Avui Wasilaka mashi oson angop or mbahandari osik, Abraham mashi oson er or hishihi mbeek wavu frijip frijip hishiri ambu ri, wahau. Mashi oson er or toltambanaha hi Avui Wasilakahin hauoweri ri.