Mashi jivi Jisashi Luk or kayeri 8:37 - Nupela Testamen long tokples Mende long Niugini

³⁷ Karem li mbarik ma amber yanga Gerasak fehe ondo li ajehe wavu musha mushak limu hishira, lerawu wasilaka Jisas uri oson. Uhu yanga lihin or hala ikmbaha limu mbara. Urik Jisas botik or lawuhu indiyok or ikurik or urik

Mashi jivi Jisashi Luk or kayeri 8:37 ပူးပေါင်းရင်းမြစ်များ

Matyu 8:34

Urik yanga orok fehendari ma amber Jisasik li raha yanga lihi oson or hala ikmbaha kwambuk limu mbara.

Mashi jivi Jisashi Mak or kayeri 5:17

Urik ma ol orok tari ma ondo Jisas yanga lihi oson or hala ikmbaha limu mbara.

Mashi jivi Jisashi Luk or kayeri 10:16

Uhu Jisas ol orin tiyandari man karem ormu sawera, “Ma ol mashi jihin misiwa ondo mashi anhin misiwa lir. Ma ol mashi jihin mblarnawa ondo mashi anhin mblarnawa lir. Ma ol mashi anhin mblarnawa ondo Avui Wasilaka or anin mbashirik a rahanda mashi orhin er nga olmu mblarnanduwa.”

Mashi jivi Jisashi Luk or kayeri 5:8

Saimon oson or heyehe kumbambongon or huvuhu Jisashi kumbamuk or takaha ormu mbara, “Wasilaka, mir anin hala ika. An kavakavan unda ma nira.”

Mashi jivi Jisashi Luk or kayeri 8:36

Urik ma ol mbele mbele ol orok talarik heyeri ma ondo mbele mbele Jisas ma oton or urik li heyeri oson limu sawera, “Mas wasimalengamba musha orhik nandari lir. Hako ter angop jivik nawa ri.”

Mashi jivi Jisashi Luk or kayeri 8:38

ma or wasimalengamba hala ishirik jivik nari ma oto Jisasin ormu silira, “Am mi mbanak a raha a ngashi ikundan mo?” Hako Jisas ormu mbara, “Mir indiyok yanga mihik ihi mbele mbele amber Avui Wasilaka os mirin or jelyawa mashi oson saweka.” Karem or mbashirik indik yanga orhik ormu ira. Uhu mbele mbele os Jisas orin or urik jivik or nari mashi oson yanga orhi orok fehendan ormu sawera.

Mashi jivi Jisashi Luk or kayeri 9:56

Uhu li halaha yanga anandik limu ira.

Aposel 16:39

Uhu er fri ihi krawu aka orok frimu layira. Uhu os Pol fre Sailasin fri mbashirik li warmblashihi krawu akak li owerin fri sawe frimu mishamaimbara. Ushihi fririn hikriyok fri laharlaha karem frimu mbara, “Kuyanga roson shi halaha shi ika,” karem frimu mbara.