Mashi jivi Jisashi Luk or kayeri 8:20 - Nupela Testamen long tokples Mende long Niugini

²⁰ Urik ma lal Jisasin limu sawera, “Mamai mihi nga maha mihi nga mirin li heyekwak li taha kandai hikrik sindu.”

Mashi jivi Jisashi Luk or kayeri 8:20 ပူးပေါင်းရင်းမြစ်များ

Mashi jivi Jisashi Mak or kayeri 6:3

Uhu limu mbara, “Ma roto akan unda ma ri. Mariahi jikisi ria. Jimatama orhi tol lindu te, Jems, Josep, Judas, Saimon karem. Jikaha orhi tol nir nga lindu te. Hako mberemhi mashi tos ter or sawendua?” Karem li mbaha orin limu kumaifara.

Mashi jivi Jisashi Luk or kayeri 8:19

Oro wolok Jisas nijava orhi nga maha orhi nga orin li heyekmbaha limu tara. Hako ma musha mendek li tirsaha li sishirik mbeek li i pasir li sihi li heyekurik nari ambu sir.

Mashi jivi Jisashi Luk or kayeri 8:21

Karem li mbarik ormu mbara, “Ma ol mashi Avui Wasilakahin misindiyawa ma ondo nijava anhi jimatama anhi lira.”

Aposel 1:14

Ma ondo amber orok li tirsaha wavu namtaskop li hishihi Avui Wasilakan sawendari lira. Nokove lal er nga liri lira. Jisas nijava orhi Maria nga jimatama orhi ondo nga li tirsaha Avui Wasilakan sawendari lira.

1 Korin 9:5

Aposel ome lal nga jimatama Jisashi nga Pita nga lir nokove lihin li laha yanga yangak mashin saweyanda lir. Nokove lihi ondo er nga Jisasin hishindiyanda lir. Os shir nga lir unda hom shi saweya nahi, shir mbeek shi suruwa ambu shir.

Galesia 1:19

Hako oso wolo aposel ome lal nga na heyeri ambu nir. Wasilaka nihi maha orhi Jems oto nom a heyeri nir.