Mashi jivi Jisashi Luk or kayeri 7:13 - Nupela Testamen long tokples Mende long Niugini

¹³ Urik Wasilaka nokove oson or heyehe sirnjik or holoho sirin ormu sawera, “Nyir tlawa hala.”

Mashi jivi Jisashi Luk or kayeri 7:13 ပူးပေါင်းရင်းမြစ်များ

Mashi jivi Jisashi Mak or kayeri 8:2

“An ma tol torok liwa tondonjik amu holonduwa. Lir angop niri frijip nir nga torok liwa lir. Uhu lir akwa nga nawa ambu lir.

Mashi jivi Jisashi Luk or kayeri 10:1

Ushihi Wasilaka ma 72-pelak or kamaha frijipmba frijipmbak or mbashirik masmas limu ira, yanga yanga os or ikurik or hishiri mishik.

Mashi jivi Jisashi Luk or kayeri 11:1

Nindi las wolok Jisas yanga lasik Avui Wasilakan sawekurik ormu ira. Or sawerakorik orin tiyandari ma lar orin ormu silira, “Wasilaka, Jon ma ol orin tiyanda ondon nombo os Avui Wasilakan li sawekundarin or mukuri lir. Uhunda hom mir erem. Nombo os orin ni sawekundan mukunak ni heyeka.”

Mashi jivi Jisashi Luk or kayeri 11:39

Urik Wasilaka mu orin sawera, “Wa, Farisi jirin, ji misi. Jir hambikumbiya hikri yeje nom armek li yokonda hom jimu nanduwa. Hako wavu akome jihi osmu kavak nanduwa. Jir mbele mbele mahin ji laha hi jihin jihinjik hauowenda jir.

Mashi jivi Jisashi Luk or kayeri 12:42

Karem mbarik ormu mbara, “Jir mberem ji hishindu? Malakama lar yanga lasik or ikuna wolo mberem nanda man or mbashinak mbele mbele orhi ondon or washiliku? Ma or hishiyarinda nga naha jip lerawun landa otona. Erem nanda ma lerawun landa ma anandi ondon or washilihi akwan lirin humasikwa ri.

Mashi jivi Jisashi Luk or kayeri 13:15

Karem or mbarik Wasilaka mu orin sawera, “Jir mbafirimbanda ma jira. Mashi os ji sawenda nga lerawu os ji landa nga mbeek nakrem nanda ambu sir. Sabat wolok jir amber bulmakau jihi nga donki jihi nga ji tambuhu iwak li ihi uksem anda lira.

Mashi jivi Jisashi Luk or kayeri 17:5

Urik ma ol orin tiyandari ma ondo Wasilakan limu silira, “Mir os mirin ni hishiowenda nombo oson mi unak kwambuk si naka.”

Mashi jivi Jisashi Luk or kayeri 17:6

Karem li mbarik Wasilaka mu lirin sawera, “Os anin ji hishiowenda nombo jihi awarikandak mastet siji hom si na nahi, wa ambehoma. Mi roson ji mba, “Nyir nyihinjik kwarasaha i solwarak sika.” Karem ji mbawa, wa os ji mbawa hom nakwa sir.”

Mashi jivi Jisashi Luk or kayeri 18:6

Karem Wasilaka or mbaha ormu sawera, “Majistret kava kato mbahanda mashin ji misihi ji hishiyarika.

Mashi jivi Jisashi Luk or kayeri 19:8

Hako Sakias or usasihi Wasilakan ormu sawera, “Wasilaka, misi. Ter mbele mbele anhin a humasihi yeje avak ma ol erndakava ondon a hakwa nir. Uhu mbele mbele a mbafirimbaha na lahandan avak warje nga na hovok hakwa lir.”

Mashi jivi Jisashi Luk or kayeri 22:61

Urik Wasilaka or tormblehe Pitan ormu heyera. Urik Pita indiyok ormu hishira, “Ter nirik aptoko nor mba namber, hindi nalmingrip mir avak anin mi heyenda ambu, karem mbakwa mira.” Karem Jisas or mbari mashi oson ormu hishira.

Mashi jivi Jisashi Luk or kayeri 24:3

Hako li layi li heyeri maninimba Jisashi mbeek orok wari ambu sir.

Mashi jivi Jisashi Luk or kayeri 24:34

Uhu fririn limu sawera, “Omendinga sira. Wasilaka angop usahawa ri. Uwak Saimon angop or heyewa ri.”

Mashi jivi Jisashi Luk or kayeri 7:12

Li ihi yanga inyin li washi arangondari akayanga orok am pasir li naha li heyerik ma nendekuvu lar or hashirik maninimba orhin li kishaha yanga hikriyok limu laharlara. Nijava orhi hula sihi angop maskop hashirik mumblak si naha wayandari sira. Urik yanga orok fehendari ma musha mendek olmu nokove oso nga tara.

Mashi jivi Jisashi Luk or kayeri 7:14

Karem or mbaha teimambuk or i sihi ormu teyen tolora. Urik ol maninimba oson kisha iri ma ondo orok limu sira. Urik maninimba oson ormu mbara, “Jikanda ermbasi mirin, mirin amu mbanduwa. Mir usaha lika.”

Mashi jivi Jisashi Luk or kayeri 7:19

Urik Jon ma ol orin tiyandari frijip or usharik frimu tara, unak or mbashinak Wasilakahik fri ihi karem fri silikmbahan, “Mir ma or hulaima nokopman jivinakmbaha Avui Wasilaka kamahanda ma om? Mo anandi lar ni nikishikwa on?”

Mashi jivi Jisashi Jon or kayeri 11:2

Maria mas wel uku os arme kuvasahandarin Jisashi kumbasantlek si ngoroho masikukwak fiyindari nokove sira. Lasarus oto mundala sihi ria.

Mashi jivi Jisashi Jon or kayeri 11:3

Urik Jisasin fri mainhaha frimu mbara, “Wasilaka, naimble mihi am or kavamisihi hakwak naw te!”

Mashi jivi Jisashi Jon or kayeri 20:13

Uhu sirin frimu silira, “Apmanuwa, mberem ushiwak nyi tlanduwa?” Urik simu mbara, “Wasilaka anhi angop li laha iwa re. Hako an mbeek os li ewewa mishi oson a heyewa ambu nir!”

Mashi jivi Jisashi Jon or kayeri 20:15

Urik Jisas ormu silira, “Apmanuwa, mberem ushiwak nyi tlandu? Lawen nyi lasa fuhu torok nyi sihi tlandu?” Hako Maria karem hishiri sir, ma roto noumashama ria. Uri osik simu silira, “Awasayi, os maninimba orhin mi laha i nahi, os mi ewewa mishi oson mi sawenak a misiwa. Uhu avak a ihi maninimba orhin a laka.”

Mashi jivi Jisashi Jon or kayeri 4:1

Farisi ondo li misiri Jisas man fak or tolofaleshirik ma musha orin tiyandari mak nari lir. Uhu ma musha mendek li naha Jonin tiyandari man tikriri lir.

Mashi jivi Jisashi Jon or kayeri 6:23

Hako ter li heyeri bot lal ol nirik yanga Taiberias yok tari nom orok sirik li heyeri lir, os Jisas akwan or harik li ari mishi orok.

1 Korin 7:30

Uhu mbele mbelenjik ji hishombashiowehe ji tlaholoho Avui Wasilakahi lerawun ji lakwan ji halanan. Uhu mbele mbelenjik ji rupkapshi mendehe orhi lerawun ji lakwan ji halanan. Uhu mbele mbele mushak ji frungawukwak ji hishihi orhi lerawun ji lakwan ji halanan.

1 Tesalonaika 4:13

Jisasin hishindiyanda ma jirin, nir ma ol Jisasin hishiowehe hahanda ondo mbele las lihik nakwan armek ji hishikmbaha, nimu sawenduwa. Las avak ji tlaholo mendenda ngashi, os ma ol Avui Wasilakan hishiowenda ambu ondo lihi ma li hawak li tlaholonda hom. Lir ma ol hahanda ondo indiyok li usahakwa ambu, karem li hishihi tlaholonda lir.

Hibru 2:17

Uri osik nir ma misambik fehe hom or naha maome nga nari ri. Uhu ormu hetpris nihik nari ri. Uhu nirnjik or hishihi nor holoho lerawu os Avui Wasilaka orin or harin er lari ri, mbeek halari ambu ri. Lerawu os or lari karem, kavakava ni undarin or yoko ermbekurik hari ria.

Hibru 4:15

Hetpris nihi oto nirin angop or heyenda nir. Nir mbeek kwambu nga ni nanda ambu nir. Mbele las os nihik si tala nahi, lewas ni takatukuyikwa nir. Mbele mbele kava tol nihik talawa tondo angop orhik talarik or heyeri lir. Hako mbeek tukuyiri ambu ri. Unda osik os mbele kava lal nirik li tala nahi, or nirnjik or hishihi nor holoho nirnjik sikwa ria.