Mashi jivi Jisashi Luk or kayeri 6:29 - Nupela Testamen long tokples Mende long Niugini

²⁹ Os ma lal jirin li jimblalana nahi, tormbleshinak yoko nga li jika. Os kousamba jihin li lakunak li mba nahi, anandi las er nga ji haka.

Mashi jivi Jisashi Luk or kayeri 6:29 ပူးပေါင်းရင်းမြစ်များ

Matyu 26:67

Urik orin li suntlayashihi tavakombek limu jira. Uhu lal orin limu jimblalanara.

Mashi jivi Jisashi Luk or kayeri 22:64

Uhu koutakri lasik misokome orhin li ishi arangoshihi limu silira, “Os mir profet nahi, sawenak ni misi, lawe or mirin jindu?”

Mashi jivi Jisashi Luk or kayeri 6:30

Uhu os ma lal jirin mbele mbelenjik li sili nahi, os li siliwa oson ji haka. Os ma lal mbele mbele jihi lal li flarna lawa indiyok ji lakwak mbawa hala.

Mashi jivi Jisashi Jon or kayeri 18:22

Karem or mbarik kolok tempel akan washilindari ma lar or usaha Jisasin or jimblalanaha ormu mbara, “Mberem ushiwa mendek hetprishi mashin mi siyasayanduwa?”

Aposel 23:2

Urik hetpris Ananaias ma ol Pol nga pasir siri ondon or sawe normu mbara, “Orin suwambushi yok ji jika.”

1 Korin 4:11

Mas wolokop sishi raha ter wolo nga ni erenghaha akwa nga ni nanda ambu nir. Uhu jekapnashi nihi si hatlayiwak mbeek uksembe nga ni nanda ambu nir. Uhu kowe frehendan ni falenda nir. Uwak li jinda nir. Mbeek yanga las nga ni nanda osik jip ni linda ambu nir.

1 Korin 6:7

Os erem ji unda oso kava indinga sir. Os jihi ambek jir lar hovok larin or mbafirimbaha hi orhin kavak or na nahi, kolok or huliyiusaha ma oton or kotim uwa hala. Os erem or u nahi, ma ol lotu unda ambu ondo li heyewa, hi Wasilakahi os ormu uwak kavak nanduwa. Hako os jihi ambek ma lar jirin or unak kavak ji nawa mo, mbele mbele jihin or lawa, wa halanak erem or uka.

2 Korin 11:20

Ome sira. Jir ma ol aposel hom arndi tanda ma ondonjik lerawun landa mak nanda jir. Lir mbele mbele jihin li mbaha landa lir. Lir jirin li haimba handambaha ya jihin hirnyaha landa lir. Lir jirin mainkwambuk li mbashiwak os li mbawa hom er unda jir. Lir jirin esnerkonda lir. Hako jir os jirin erem li uwa oson rupshinda jir.

Hibru 10:34

Uhu Jisasin hishindiyandari ma ol krawuk li eweri ondon ji jelyaha armek undari jir. Uhu ma ol jirin kavak uri ondo mbele mbele jihin li lari wolo men mayam ji lihi heyerik landari lir. Jir karem hishindari jir, mbele mbele jivi jihi ol ermba ermbak nakwa ondo olmu hevenik wanduwa. Karem ji hishihi men mayam liheyendari jir.