Mashi jivi Jisashi Luk or kayeri 5:20 - Nupela Testamen long tokples Mende long Niugini

²⁰ Jisas wavu lihin or heyeri lir angop orin li hishioweri osik ormu mbara, “Anhi kup. Kavakava mihi angop a laha ormbewa sir.”

Mashi jivi Jisashi Luk or kayeri 5:20 ပူးပေါင်းရင်းမြစ်များ

Matyu 9:2

Urik ma lar kumba tava nashindarin teyek li ewehe orhik limu kisha laharaha limu hishira, “Avak or mbanak jivik nakwa ri.” Karem limu hishira. Jisas os li hishiri oson angop or heyeri sir. Uri osik ma oton ormu mbara. “Jikisi anhi, ajewa hala! Kavakava mihi angop a laha ermbewa sir.”

Matyu 9:5

Mberem ji hishindu, kavakava ma roto undan a yoko ermbendahi os mo orin a mbanak jivik nandahi or? Hako mberem a undahik ji hishindu?

Mashi jivi Jisashi Mak or kayeri 2:5

Urik Jisas ma tovro kavro wavu os li hishihi li mbar, “Jisas ma orton avak or unak jivik nakwa ri,” karem li hishiri angop or heyeri sir. Uri osik ma oton or heyehe ormu mbara, “Jikisi anhi misi, kavakava mihi angop a laha ormbewa sir.”

Mashi jivi Jisashi Luk or kayeri 7:48

Karem mbaha sirin ormu sawera, “Kavakava ol nyi unda ondo angop a yoko ermbewa lir.”

Mashi jivi Jisashi Jon or kayeri 5:14

Urik Jisas tempel akak or lihi ma oton indik or heyehe orin ormu mbara, “Ai ai, ter am jivik mi nawa osik kavakava las indik uwa hala! Las avak nomorawu wasilaka indik mihik si nanda ngashi.”

Aposel 11:23

Or ihi nor heyeri Avui Wasilaka orok fehe ma ondon armek or uhu nor jelyashirik or heyehe ormu rupshi mendera. Uhu ma ondon armek ormu owesawera. Unak wavu lihi mende nga Wasilakan ermba ermbak li tiyakmbahan.

Aposel 14:9

Ma oto or lihi nor misirik Pol mashi Avui Wasilakahin ormu sawera. Uhu or heyeri ma oto mashi Avui Wasilakahin or misindiyaha wavukop ormu hishira, “Avui Wasilaka avak or mbanak jivik a nakwa nir,” karem ormu hishira.

2 Korin 2:10

Os ma lar kavakavan or uwan ji mba, “Kavakava os mi unda oso Avui Wasilaka angop or laha ermbewa osik nir er nga mbeek indik kavakava mihi oson ni hishihi ni mbakwa ambu nir,” karem ji mba nahi, an er nga os ji mbawa hom a mbakwa nir. Krais mbawa hom ma oton erem a uwa oso jirin si jelyashinak ma oto nga ji waphimbiji likmbaha na uwa sir.

Kolosi 3:13

Uhu os ma lal mbele las jirin li unak sunguwavu jihi kavak si na nahi, mayam ji lika. Uhu os mbele kava las li unak lirin ji wapkava hishi nahi, kolok wasan ji ngriawa hala. Wasilaka kavakava jihin angop or yoko ermberi sir. Uhunda hom jir nga erema, ma ol jirin kavakavan unda ma nga ji anatavatoloho wavu jihi nga ji mba, “Am nawa kava sir,” karem ji mbaka.

Jems 2:18

Hako os jir lal avak anin karem ji mba, “Misambi torok fehe ma lal mashi Jisashin men misinda lir, lal mbele mbele jivi jivin unda lir.” Karem ji mba nahi, jirin a sawekwa karem, os jir men mashikop ji mba, “An Jisashi mashin misindiyanda ma anira.” Karem ji mba nahi, mberem mberem avai heyeku, os Jisasin ji tiyanda nombo jihi oson? Wahau. Mbeek a heyendahi ambu sir. Hako os an mbele mbele jivin a u nahi, mbele mbele jivi ol a unda ondo kormbak li mukunak ji heyekwa sir, an Jisasin hishindiyanda ma lar anira.