Mashi jivi Jisashi Luk or kayeri 4:35 - Nupela Testamen long tokples Mende long Niugini

³⁵ Karem mbarik orin huliyik ormu mbara, “Mayam si. Ma toton halaha ika.” Urik ma li heyerik wasimalengamba ma oton or farnaro ormbehe ormu halashi ira. Hako ma oto mbeek kavak nari ambu ri.

Mashi jivi Jisashi Luk or kayeri 4:35 ပူးပေါင်းရင်းမြစ်များ

Matyu 17:18

Karem or mbaha wasimalengamba or jikisi oton tolohondarin or ngriaha nor mbarik or tala tulu ishirik jikisi oto kolok jivik ormu nara.

Matyu 8:26

Karem li mbarik or usaha ormu mbara, “Jir mberema. Mberem ushiwak ji ajendu? Anin ji hishiowenda nombo mbeek si iw?” Karem huliyik or mbarik suwa nga fa nga mendek simu nara.

Mashi jivi Jisashi Mak or kayeri 1:26

Karem or mbarik wasimalengamba orto ma oton or urik or kwarnguarnarik wasilaka mendek or tashihi ma oton or halaha ormu tala ira.

Mashi jivi Jisashi Mak or kayeri 4:39

Karem li mbarik Jisas or usaha suwa nga fa nga ormu huliyik mbara, “Ambe er hala mende!” Karem or mbarik suwa mendek si narik fa oso nga osmu haha wara.

Mashi jivi Jisashi Mak or kayeri 9:26

Karem or mbarik wasimalengamba oto wasilaka mendek or jisuwuhu jikisi oton or urik misambik or takaha handari hom ormu wara. Urik wasimalengamba oto or halaha ormu tala ira. Urik ma ondo li siheyehe limu mbara, “Ayo, jikisi toto karem haw te!”

Mashi jivi Jisashi Luk or kayeri 11:22

Hako os ma lar kwambu orhi orin or tikrihi wasilakak nahanda ma or ta nahi, orin or jihi mbele mbele orhi ondon or laha ihi or humasi nor hanak lakwa lir. Korme sayi ol or tolowa ondo mbeek orin jelyandahik nanda ambu lir.

Mashi jivi Jisashi Luk or kayeri 4:23

Urik Jisas mu lirin sawera, “Anin ji hishiowenda ambu osik avak karem anin mbakwa jir. Mashi os “Dokta, mir avak maome mihi os kavamisiwan unak jivik si naka.” Karem li mbanda mashin anin ji mbaha mashi las nga ji mbakwa sir karem, “Mbele mbele ma undahi ambu ol yanga Kaperneamik mi urik ni misihinda ondo himi lal kotontlo mihi torok mi unak ni heyehe mirin nivai hishioweka.” Karem anin mbakwa jir.

Mashi jivi Jisashi Luk or kayeri 4:39

Li silirik si wari mishik pasir ormu tara. Uhu maome os hikop lawurin or ngriambarik kolomalok mendek si nashirik jivik simu nara. Uhu akwan lirnjik simu ura.

Mashi jivi Jisashi Luk or kayeri 4:41

Uhu nor mbarik wasimalengamba ondo orin li heyehe limu mbara, “Mir Avui Wasilakahi jikisi mira.” Karem li mbaha jisuwuhu ma ol li tolondari ondon li halaha limu ira. Wasimalengamba ondo, Jisas Avui Wasilaka mbashirik taha hulaima nokopman jivinakunda ma ri, karem angop heyeri lir. Uri osik mashi oson li mbakurin ormu pantlera.

Mashi jivi Jisashi Luk or kayeri 8:24

Li heyehe Jisasin li lembasi limu mbara, “Wasilaka, Wasilaka. Avak ni uk aha ni hakwa nir te.” Karem li mbarik or usaha suwa nga fa oso nga normu huliyik mbara. Urik suwa nga fa nga mendek frimu nara.

Mashi jivi Jisashi Luk or kayeri 9:39

Wasimalengamba orin or toloshiwak or ushandashi yanda ri. Uhu kwarnguarnaha suntla hermbo nom ngoronda ri. Uwak orin or mandingormekwak unda ri, mbeek kolok orin or hala ikwak hishinda ambu ri.

Mashi jivi Jisashi Luk or kayeri 9:42

Jikisi oto Jisasik or takurik or tarik wasimalengamba orin or kisha ermberik ormu tukuyira. Uhu ormu kwarnguarna mendera. Urik Jisas wasimalengamban or ngriaha nor mbarik jikisi oto jivik ormu nara. Uhu nor halashirik indik avoko orhik ormu ira.

Revelesen 12:12

Ji misi, ma jir hevenik linda ji rupshika. Hako misambik linda nga solwarak linda nga ji auheyeka. Nomorawu wasilaka avak jihik talakwa sir. Mberem ushiwak? Laulaka angop hevenin or halaha yanga jihi misambi orok or takaha ormu waplelenanduwa. Or heyewa, lerawu orhin or lakwa mbeek nambek nakwa ambu sir. Avak mendek si nakwak or heyewa osik ormu waplelenanduwa. Uwosik ji ajeka.”