Mashi jivi Jisashi Luk or kayeri 22:36 - Nupela Testamen long tokples Mende long Niugini

³⁶ Karem li mbarik ormu sawera, “Hako ter jirin a sawekwa karem. Ma ol ya nga nawa er nga li laha ika. Uhu ma ol mbele mbelen wolonda kowe nga nawa er li laha ika. Uhu ma ol bainat nga nawa ambu kousamba lihin li laha inak li frungawushinak bainatin li frungawuka.

Mashi jivi Jisashi Luk or kayeri 22:36 ပူးပေါင်းရင်းမြစ်များ

Matyu 10:10

Mbele mbelen wolonda kowe nga kowe lap er nga kumba ari nga kombe nga ji laha iwa hala, wahau. Men tapas ji ika. Lerawu os ji lawa avak akwan li hanak ji akwa sir.

Mashi jivi Jisashi Luk or kayeri 22:35

Uhu Jisas orin tiyandari man ormu mbara, “Os a mbashirik lerawu anhin ji lakmba iri wolo jir mbeek ya nga mbele mbelen wolonda kowe nga kumba ari nga laha iri ambu jir. Hako oso wolo am mbele las frunguri oj?” Urik limu mbara, “Wahau.”

Mashi jivi Jisashi Luk or kayeri 22:37

Mberem ushiwak? Jekamba Avui Wasilakahik karem li kayehendari osa, “Ma li heyenak kavakavan unda ma hom nakwa ri.” Jirin amu sawenduwa. Jekamba Avui Wasilakahik li kayehendari oso avak omek anhik talakwa sir.”

Mashi jivi Jisashi Luk or kayeri 22:38

Urik limu mbara, “Wasilaka heyeka. Nir bainat frijip kavria.” Urik ormu mbara, “Ambehoma.”

Mashi jivi Jisashi Jon or kayeri 15:20

Hako mashi os mas jirin a sawehendarin indik a sawenak armek ji misika. Ma ol malakamanjik lerawun landa ma ondo malakama lihi siyok sinda lir. Jir nga erem, anhi siyok sinda jir. Karem uwosik ma misambik fehe anin kavak li unda hom jirin erem kavak li ukwa jir. Hako os mashi anhin li misihi li tiyandakop mashi jihin erem misindiyawa lir.

Mashi jivi Jisashi Jon or kayeri 16:33

Os misambi torok ji liwa wolo nomorawu lakan jirin hakwa ola. Hako kwambu anhik ji sihi ji ajewa hala. Mberem ushiwak? Misambi toson sifasahanda ma oto angop a estangriwa ria. Mashi kason a sawenak ji misihindanak mbele mbele ol jirik li talawa ji ajewa hala. Sunguwavu jihin ji mbornaha kwambu anhik ji sika.”

1 Tesalonaika 3:4

Os jir nga ni liri wolo, karem ni saweri osa, nomorawu avak jir nga nir nga nihik talakwa sir, karem ni saweri nir. Uhunda nomorawu osmu jihik talanduwa.

1 Pita 4:1

Krais maome orhik nomorawun kishari ria. Unda hom jir nga os or kishanda hom erem ji kishaka. Os Kraisin ji tiyanda nombo orok nomorawu jihik si talanak mayam ji kisha nahi, ma li heyehe karem mbakwa lir, “Ma tondo kavakavan li unda nombon angop halahanda lir,” karem mbakwa lir.