Mashi jivi Jisashi Luk or kayeri 20:46 - Nupela Testamen long tokples Mende long Niugini

⁴⁶ “Ji auheyeka, ol mashi Moseshin sawenda ma ondon. Lir unda hom ji uwa hala. Lir kowe hombelakan li falehe li ikwan rupshinda ola. Uhu ma tirsanda mishik li inak ma lirin li heyehe li makshitakshikwan rupshinda ola. Uhu os li lotu unda mishik li layihi maifuk li lerenda kawu orok li likwan rupshinda ola. Uhu hiyawu wasilakan li unda mishik li ihi malakama linda mishik li lihi akwan li akwan rupshinda ola.

Mashi jivi Jisashi Luk or kayeri 20:46 ပူးပေါင်းရင်းမြစ်များ

Matyu 16:6

Urik ormu mbara, “Farisi nga Sadyusi nga ji auheyeka, yis lihin.”

Matyu 23:1

Urik Jisas ma ol orok liri nga ol orin tiyandari ma nga ormu sawera,

Mashi jivi Jisashi Mak or kayeri 8:15

Urik Jisas mainkwambu las lirin ormu sawera, “Ji auheye, Farisi ondo nga Herothi ma ondo nga yis lihin.”

Mashi jivi Jisashi Luk or kayeri 11:43

Farisi jirin, ji auheyeka. Jir aka os ji lotu unda mishi orok maifuk li lerenda kawu orok ji likwak rupshinda jir. Uhu os ma tirsanda mishik jirin li makshitakshikwak rupshinda jir.

Mashi jivi Jisashi Luk or kayeri 12:1

Ma musha mendek li talandirsaha mbeek li anatikrikuri kas nga nari ambu sir. Urik Jisas ma ol orin tiyandari ma ondon ormu sawera, “Farisi li unda nombon ji auheyeka. Lir mbele mbele li unak ma hi lihin li hausikmbaha hishinda ola.

Mashi jivi Jisashi Luk or kayeri 14:7

Jisas or sihi nor heyeri ma ol hiyawu laka orok tari ma ondo amber malakama linda mishik li likmbaha olmu ura.

Mashi jivi Jisashi Luk or kayeri 20:47

Uhu nokove ol mumblak wahayandan li haimba handambaha mbele mbele lihin landa ola. Uhu os Avui Wasilakan li sawewa wolo mashi hombelakak li sawenak ma li misihi li mba, tondo ma jivi tolira, karem li mbakmbaha unda ola. Hako os Avui Wasilaka hulaima nokopman or heyembakmbaha or mbahanda wolo lir avak nomorawu wasilaka menden kishakwa lir.”

Jekamba Pol ol yanga Romik lindanjik or kayeri 12:10

Jisasin tiyanda ma jirin, jihi ambek ji anarupshika, os mahasanje indinga jihin ji rupshinda hom. Ji yerkujihi jihinjik hi jihin ji hauowewan ji hala. Hako ma anandi ondo hi lihin ji hauoweka.

2 Timoti 4:15

Or mashi os ni sawendan himbi limbihi mblarna ermberi ria. Unda osik mir nga avak orin auheyeka, las avak mirin er nga kavak or unda ngashi.

3 Jon 1:9

Jekamba las angop sios orok a kaye ermberi sira. Hako Diotrefes oto mashi os a kayerin mblarna ermberi ri. Mberem ushirik? Or sios lidak or nakmbaha hishinda ria.