Mashi jivi Jisashi Luk or kayeri 20:35 - Nupela Testamen long tokples Mende long Niugini

³⁵ Hako ma ol Avui Wasilaka or mbanak indik usaha ermba ermbak or nga likwa ma ondo mbeek hulasihi nokoplakwa ambu lir, wahau.

Mashi jivi Jisashi Luk or kayeri 20:35 ပူးပေါင်းရင်းမြစ်များ

Matyu 12:32

Ome sira, os ma lal li okolehe mashi kavan Ma Jikisi Avui Wasilakahin li mba nahi, Avui Wasilaka avak kavakava lihin or laha ermbekwa sir. Hako os Masikome orhin li okole nahi, kavakava os li unda oso mbeek or laha ermbekwa ambu sir, wahau. Mende indinga.”

Matyu 22:29

Karem li silirik Jisas mu mbara, “Jir mbeek mashi os Avui Wasilakahi jekambak li kayehendari nga kwambu orhi nga heyekrahakoronda ambu jir. Uwosik os jimu surunduwa.

Mashi jivi Jisashi Mak or kayeri 10:42

Urik Jisas lir amber or usharik li ralandirsarik ormu sawera, “Malakama tol misambik linda angop ji heyenda lir. Lir awu awuk li mbashiwak hulaima nokopma lihi siyok li sihi os li mbawa hom unda lir.

Mashi jivi Jisashi Mak or kayeri 12:24

Karem li silirik Jisas mu sawera, “Jir mbeek mashi os jekamba Avui Wasilakahik li kayendari nga kwambu orhi nga heyekrahakoronda ambu jir. Uwosik os jimu surunduwa.

Mashi jivi Jisashi Luk or kayeri 16:8

Ushirik malakama oto or taha nombo nombo os or hishiyarihi or uri oson or heyehe hi orhin metenjek ormu hauewera. Mberem ushiwak? Ma oto hishiyarinda nga nari ora. Ome sira. Ma misambik fehe mbele mbele li ukwak li hishiyarinda lir. Uhu Avui Wasilakahi ma ondon tikrinda lir.

Mashi jivi Jisashi Luk or kayeri 21:36

Ermba ermbak ji auheye ji lika. Uhu os mbele kava las jihik talawa wolo Avui Wasilakan ji sawenak kwambun or hashinak kwambuk ji sika. Unak Ma Jikisi Avui Wasilakahi indik or tawa wolo kwambuk er ji sika,” karem ormu mbara.

Mashi jivi Jisashi Jon or kayeri 5:29

Ma ol jivin unda ma ondo li usaha avak jipjip likwa lir. Hako ol kavakavan unda ma ondo li usaha yanga kavak ikwa lir.”

Aposel 24:15

An Avui Wasilaka os ma jivi nga ma kava nga ol hahanda or mbanak li usahakwa oso menden amu nikishinduwa, tol torok liwa tondo li nikishinda hom.

Aposel 5:41

Aposel ondo Judama lida lihi li tirsanda mishin li halaha hikrik limu layira. Mashi Jisashin li sawendari osik os erem lirin li warmblashiri oso “Avui Wasilaka or mbashiwak nomorawu oson ni kishawa sir,” karem mbaha limu rupshira.

2 Tesalonaika 1:5

Avui Wasilakan yawur ji tiyanda osik nomorawu jihik talawak ji kishanda oso osmu mukunduwa, Avui Wasilaka mbele mbele ni undan armek or oweioweiheyehe kormbak or mbakwan. Jir orin ji hishiowenda osik or mbanak hevenik ikwa jir. Hako ma ol orin kumasinda ondo or mbanak hik ikwa lir.

Hibru 11:35

Nokove lal jikisi lihi ol hari ondon li mbarik indik usaharik li heyendari lir. Hako Avui Wasilakan hishindiyandari ma lal nombo os orin li tiyandari nombo orok lirin li mandingormeri lir. Os orin li tiyanda nombo oson li halarikop mbeek li mandingormeri ambu lir. Hako lir li hishiri karem, os li mandingormenak li hahandanak indiyok li usahakwa oso os ter li liwa oson tikrikurik li hishiri sir. Karem li hishiri osik orin li tiyanda nombon halari ambu lir, wahau.

Revelesen 3:4

Hako ma amber ol sios Sardisik linda ondo mbeek kavakavan li uhu kowe lihin li uwak kavak nanda ambu lir. Lal mbele mbele ol li unda jivikop nanda lir. Karem uwosik lir avak kouavishan li falehe an nga nakrem ni yakwa lira.