Mashi jivi Jisashi Luk or kayeri 15:7 - Nupela Testamen long tokples Mende long Niugini

⁷ Jirin amu sawenduwa. Ma 99 ondo angop ma worna mak li nahanda osik heven yok lirin rupshinda lir. Hako os ma kava lar mbele mbele kavakava os or undan or halaha sunguwavu orhin or tormble nahi, avak heven yok warje mende nga rupshikwa lir.”

Mashi jivi Jisashi Luk or kayeri 15:7 ပူးပေါင်းရင်းမြစ်များ

Matyu 18:13

Or laslasa ihi am or heyehe warje mende nga rupshikwa ri. Sipsip 99 ol orhi inyik siwa ondon rupshinda ora. Hako namtar or wanyihindan indik or heyewa wolo warje mende nga rupshinda ri.

Matyu 3:8

Masmas sunguwavu jihin ji tormblehe mbele mbele jivin ji unak ni heyehe nivai mbaka, “Ma tondo angop sunguwavu lihin tormblewa lir.”

Mashi jivi Jisashi Luk or kayeri 15:10

Jirin amu sawenduwa. Os ma kava lar mbele mbele kavakava or undan or halaha sunguwavu orhin or tormble nahi, ensel Avui Wasilakahi avak warje mende nga rupshikwa lir.”

Mashi jivi Jisashi Luk or kayeri 15:29

Hako sanjelaka oto ormu sawera, “Avui, asama mushak lerawu hava kavan a laha mbeek mashi mihin a mblarnanda ambu nir. Ermba ermbak mashi mihin a misindiyanda nir. Hako nindi wolo las mbeek meme jikisi lar mi mbashirik a jihi anhi ma nga ni aha ni rupkapshiri ambu nir, wahau mende indinga.

Mashi jivi Jisashi Luk or kayeri 15:32

Hako maha mihi toto angop or haha wanyindari hom ni hishandari ri. Hako ter am indik or tashiwak ni heyehe ni rupkapshihi nimu mblanduwa.” ”

Mashi jivi Jisashi Luk or kayeri 15:6

Uhu orhi ma orhi man or ushanak li talandirsarakonak lirin ormu sawekuwa, “Sipsip anhi or wanyihinda angop a lasa ihi a heyehe indiyok a laharawa ri. Uwa osik jir nga an nga ka ni rupshika,” karem mbakwa ora.

Mashi jivi Jisashi Luk or kayeri 15:8

“Os nokove las ya silva 10-pelak si nahandanak namtar wanyishiwa, mberem sivai uku? Sir avak tujakan si ukruhu aka suvun si hakoho ya sihin lasakwa osa.

Mashi jivi Jisashi Luk or kayeri 16:15

Urik Jisas mu lirin sawera, “Jir jivijivin unda ma, karem li hishikmbaha jimu unduwa. Hako Avui Wasilaka mbele mbele os sunguwavu jihik nawan angop or heyewa sir. Mbele mbele os ma misambik fehe hishihi li mba, “Toso jivi indinga sir,” karem li mbawa oso misokome Avui Wasilakahik or heyewa, kava indingak nanda sir.

Mashi jivi Jisashi Luk or kayeri 5:32

An mbeek, “Nir ma jivi,” karem hishinda ma ondo nga najer ni lijehe na tari ambu nir. An ma ol kavakavan unda ondonjik a tari nir. Ushinak sunguwavu lihin li tormblehe anhik li rakmbahan.”

Jekamba Pol ol yanga Romik lindanjik or kayeri 7:9

Os lon a heyekrahakorori namber jipjip amu linduwa, karem a hishindari nir. Hako am lon a heyekrahakoroho os amu hishinduwa, kavakava ol a unda anhi ondo li unak kumak avak a hakwa nir.