Mashi jivi Jisashi Luk or kayeri 15:27 - Nupela Testamen long tokples Mende long Niugini

²⁷ Karem mbarik ormu sawera, “Maha mihi angop indiyok or tashiwak avoko mihi or rupkapshihi or mbawak bulmakau jikisi laka lar nimu jiwa.”

Mashi jivi Jisashi Luk or kayeri 15:27 ပူးပေါင်းရင်းမြစ်များ

Matyu 22:4

Urik ma lal nga ormu sawembara, “Ji ihi karem ji sawe, bulmakau ondon angop a jihi akwa angop a hundujerakowa sir, kolok hiyawu anhi orok ji ramaraka.”

Mashi jivi Jisashi Luk or kayeri 15:26

Urik avoko orhinjik lerawun landari ma lar or mbarik or tarik ormu silira, “Kando mbele li undu?”

Mashi jivi Jisashi Luk or kayeri 15:28

Karem sawerik or misihi or waplelenaha mbeek akak layiri ambu ri. Urik avoko orhi or talaha mashi jivik or mbaha orin ormu hokovira, unak waplelena orhi oso avak mendek si nakmbahan.

Mashi jivi Jisashi Luk or kayeri 15:30

Hako jikisi mihi toto ya mbele mbele ol mi harik or laha iri ondo angop hulatolhakayanda nokove ondok or ormberakori lir. Ushihi indik or tawak orin mi rupkapshihi ornjik bulmakau jikisi lakan mi jihi hiyawun mi uhu andu?”

Aposel 22:13

Ananaias oto an liri mishik pasir or ta sihi ormu mbara, “Awasayi anhi Sol, misokome mihi avak indiyok jivik nanak mi heyekwa sir,” karem or mbarik lewas misokome anhi indiyok jivik si narik orin amu heyera.

Aposel 9:17

Urik Ananaias or usa or ihi aka orok or layi tava orhin or hau Solhi masijik owehe normu mbara, “Awasayi anhi, Sol. Wasilaka Jisas or nombok mihik talarik mi heyeri oto or mbashiwak mirin a heyekwak amu randuwa. Ushinak misokome mihi indiyok jip mi heyekmbahan. Unak Masikome Avui Wasilakahi avak mir nga nor sikmbahan.”

Filemon 1:16

Mas men lerawu mihin landari mak nari ri. Hako ter nakrem mir nga Jisasin shi hishindiyanda mak or nawa osik mir avak orin rupshi mendehe armek orin uka. An sunguwavu mende nga orin a rupshi mendenda nir.