Mashi jivi Jisashi Luk or kayeri 12:28 - Nupela Testamen long tokples Mende long Niugini

²⁸ Mise amase ondo mbeek nambek nanda ambu lir. Avak ni heyewak sikwa lir, ushok lewas nenjehe mendek nakwa lir. Hako Avui Wasilaka armek or unda lir. Unda osik mberem ji hishindu, jirin armek or ukwa ambu, karem jimu hishindu? Wahau. Avak jirin armek ukwa ri.

Mashi jivi Jisashi Luk or kayeri 12:28 ပူးပေါင်းရင်းမြစ်များ

Matyu 14:31

Urik Jisas kolok Pitan or haitoloho ormu mbara, “Anin mi hishiowenda nombo mihi kwambuk nawa ambu sir. Wavu mihi frijip nawa sir.”

Matyu 16:8

Mashi os li mbari oson or misihi ormu mbara, “Jir mbeek mashi anhin misindiyanda ngashi ambu re. An bret indingan a mba, karem jimu hishindu?

Matyu 17:17

Karem or mbarik Jisas ormu mbara, “Jir anin hishiowenda ambu oj? Ermba ermbak jir nga na lihi mashin angop a sawewak ji misinda sir. Hako jir mbeek anin hishiowenda ambu jir. Wa, jikisi oton laharaka.”

Matyu 17:20

Urik ormu sawera, “Mashi anhin ji misindiyanda nombo kandakar mende jihik nawa ambu sir, wahau. Uwosik mberem ji mbawak jivik nandahi ambu ri. Hako omek amu sawenduwa, os anin ji hishiowenda nombo jihi awarikanda mastet siji hom si na nahi, ambehoma, telemba roson ji mba, “Telemba nyir usa ika!” karem ji mba nahi, si usa indahi sir. Uhu mbele mbele os ji ukwak si nawa avak er ji undahi sir.” [

Matyu 6:30

Mise amase ondo mbeek nambek nanda ambu lir. Avak ni heyewak sikwa lir, ushok lewas nenjehe mendek nakwa lir. Hako Avui Wasilaka armek or unda lir. Unda osik mberem ji hishindu, jirin armek or ukwa ambu, karem jimu hishindu? Wahau, avak jirin armek ukwa ri.

Matyu 8:26

Karem li mbarik or usaha ormu mbara, “Jir mberema. Mberem ushiwak ji ajendu? Anin ji hishiowenda nombo mbeek si iw?” Karem huliyik or mbarik suwa nga fa nga mendek simu nara.

Mashi jivi Jisashi Luk or kayeri 8:25

Urik lirin ormu silira, “Jir mberema? Mberem ushiwak ji ajendua? Anin ji hishiowenda nombo mbeek si iw?” Karem mbarik os erem or uri oson li heyehe limu ajera. Uhu wavu musha mushak li hishihi limu mbara, “Ma roto lawe mende toria? Or mbawak suwa nga fa nga mashi orhin fri misihi mendek fri nawan te.”

Hibru 6:7

Ma lal sunguwavu lihi misambi jivi jerome ngashi hom nanda lir. Avui Wasilaka mbawak ma si rakawak uku osmu nombok misamsik si layiwak akwa ome nga olmu jivik nawa. Ushiwak Avui Wasilaka misambi oson armek unda ri.

1 Pita 1:24

Jekamba Avui Wasilakahik karem li kayehendari osa. “Hulaima nokopma amber mbeek nambe mendek misambik likwa ambu lir. Lir minja lewas li hatlayinda hom, lewas hakwa lir. Malakamak nanda ondo nga hi lihi lewas mendek nakwa sir, os mise amase kolok nenje si hatlayi rakanda hom.