Kolosi 2:10 - Nupela Testamen long tokples Mende long Niugini

¹⁰ Jir Kraishi ma jira. Uhunda osik mbele mbele jiviwavi Avui Wasilakahikop nanda osmu jihik nanduwa. Krais or maifuk or sishiwak ensel nga wasimalengamba nga orhi siyok olmu sinduwa.

Kolosi 2:10 ပူးပေါင်းရင်းမြစ်များ

Matyu 28:18

Urik or taha pasir or sihi ormu mbara, “Kwambu os misambi nga lersuwu nga toltangrinda Avui Wasilaka angop anin or hawa sir.

Mashi jivi Jisashi Jon or kayeri 1:16

Avui Wasilaka lo orhin Moseshi tavak or hashirik or nga nirin hari ria. Hako man or rupshihi wavu orhik or ewenda oso nga mainome orhi nga Jisas Kraishi tavak or hashirik or nga mu nirin hara. Man rupshinda nombo oso Jisashikop hojenda sir. Oso mbeek mendek naha kas sainakwa ambu sir.

1 Korin 15:24

Oro wolok mbele mbele amber mendek li nanak Krais malakamak or naha wutari orhi ol malakama misambik fehe nga wasi ondo nga or mbanak avak kavak nakwa lir. Ushihikop kwambu os man or arangoshinak li likwan Avui Wasilakahi tavak indik or halakwa sir.

Efesus 3:10

Os mas kormbak talari ambu oson or urik kormbak talari sir. Ushinak Judama nga Judama ambu nga nakrem sios orhik li tirsashinak mbele mbele kwambu ngashi ol hevenik nanda ondo hishiyarinda laka Avui Wasilakahin armek li heyekrahakorokmbahan.

Efesus 3:19

Krais jirin erem or rupshihi nor hari oso wasilaka mendek si naha hishiyarinda nihik nandan tikrinda sir. Oson armek ji heyekrahakorokmba a hishihi Avui Wasilakan amu sawenduwa. Ushinak jivijivi os Avui Wasilakahik nanda amber or halashinak avak jihik si naka. Ushinak os or hishinda hom ji hishika.

Kolosi 2:15

Uri nombo orok Avui Wasilaka wasimalengamba kwambu ngashi nga mbele mbele kwambu ngashi nga nor tukru ormbeshirik kwambu lihi mendek si narin kormbak ormu mukura. Erem or ushirik ma amber li heyerik limu humblarara.

Kolosi 3:11

Erem nirin or uhunda osik nir amber hom misokome orhik or heyewa nakrem nimu nanduwa. Mbeek apshambak ni nanda ambu nir. Judama ambu nga Judama nga, masamsishin koronda nga koronda ambu nga, mashi apsham apsham mbanda nga yanga apsham apshamhik fehenda nga, akishmakisha nga malakama nga amber nakremkop ni nanda nir. Mberem ushiwak? Krais nir nga nor sishiwak nir nakremkop ni nanda nir. Uhu ma nir Kraisin hishindiyanda nir Krais nom ni hishombashiowenda nir.

Hibru 5:9

Mashi Avui Wasilakahin or tiyarakoho lerawu os or mbahandari oson or larakori osik hetprisik or kamari ria, os mas Melkisedek nahandari hom. Ushinak ma misambik fehe ol mashi orhin misindiyawa ma ondo kavakava lihin or yoko ermbehe lirin or jivinaha ermba ermbak linda oson lirin or hakmbahan.

1 Pita 3:22

Uhu Krais angop hevenik or lawuhu, Avui Wasilakahi tapmamayok ormu linduwa. Ushihindak ensel nga, wasi ol kwambu nga nanda nga, mbele mbele ol kwambu ngashi amber olmu orhi siyok sinduwa.