Mashi jivi Jisashi Jon or kayeri 8:17 - Nupela Testamen long tokples Mende long Niugini

¹⁷ Lo jihi karem mbanda sir, os ma frijip fri sihi mashi las nakrem fri mbawa mashi frihi ome sira. Hako ma namtar nom or mbawa, wahau.

Mashi jivi Jisashi Jon or kayeri 8:17 ပူးပေါင်းရင်းမြစ်များ

Matyu 18:16

Hako os mashi mihin or misina ambu nahi, avak ma frijip mo nalmingrip laha inak mashi os shi mbawan li misihi mirin li jelyaka.

Mashi jivi Jisashi Jon or kayeri 10:34

Karem li mbarik ormu mbara, “Mashi os jekamba Avui Wasilakahik li kayehendarin heyenda ambu oj? Karem li kayeri sir, Avui Wasilaka karem or mbari ora, “Ma jir jihinjik god jira.”

Mashi jivi Jisashi Jon or kayeri 15:25

Os erem li unda oso angop maskop Avui Wasilakahi jekambak li kayehendari osik avak omek nakwa sira. Karem li kayeri sir, “Ma ondo sembe mende anin wapkava li hishihi wutarik owenduwa.”

2 Korin 13:1

Hindi frijip jirin a ta heyeri nir. Hako ter indik jirin a ra heyekwak amu hishinduwa. Avui Wasilakahi mashi karem mbahandari osa, “Os ma lar mbele kava las or unak ji kotim ukwak ji hishi nahi, ma frijip mo nalmingrip os or uwan nakremkop li sawe nahi, mashi oso omek nakwa sir.” Lo 19:15 Unda hom an nga erem. An angop hindi frijip mainkwambuk jirin a saweri nir.

Galesia 3:24

Lo nirin si arangoho nombo os Jisashik indan osmu mukura. Krais or talashirik orin ni heyehe ni mba, “Ome sira. Ortonom hulaima nokopman jivinanda ma ria.” Karem ni mbanda nombo orok Avui Wasilakahi misokomek ma worna mak ni nandari nir.

Galesia 4:21

Ma jir lon tiyanda nombo orok ma worna mak nakmbaha hishinda ma jirin, ji misi, lo oso am ji yarinda os?

Hibru 10:28

Lo Moseshi angop ni misinda karem mbanda sir, ma or lo oson mblarna ermberi ma oto nombok li jimandingormendari ri. Mbele kava os or urin ma frijip mo nalmingrip li heyehe li saweshirik li jimandingormendari ri. Mbeek ornjik li hishihi li halandari ambu lir, wahau.

1 Jon 5:9

Ji hishika, jir ma misambik fehenda sawewa mashin misinda jir. Erem ji misinda nahi, wa mashi os Avui Wasilaka sawewan er nga ji misika. Mashi orhi oso jikisi orhin sawenda sir. Undosik mashi orhi ma misambik fehenda sawewa mashin tikrinda sira.

Revelesen 11:3

Unak a mbashinak profet anhi frijip fri taha mashi anhin sawekwa vria. Ma misambik fehenjik fri holoho ma hashiwak li jerlayinda hom frir erem jerlayihi mashi anhin sawekwa vria. Uhu niri 1,260-kop mashi anhin sawekwa vria.”