Mashi jivi Jisashi Jon or kayeri 7:14 - Nupela Testamen long tokples Mende long Niugini

¹⁴ Hiyawu oso am nindik si narik Jisas tempel akak or layihi mashin ormu sawera.

Mashi jivi Jisashi Jon or kayeri 7:14 ပူးပေါင်းရင်းမြစ်များ

Matyu 21:12

Urik Jisas or ihi tempel akak or layihi ma ol orok ya lerawun landarin ormu jikria ermberik hikrik limu layira. Uhu teye os li ewehe yan li ananduwareri teye ondon ormu kruma ermbera. Uhu kawu ol avi lihin li eweshirik ma li taha ofan li hakurik li frungawuri nga simbalesik er ormu jikria ermbera.

Matyu 26:55

Karem or mbaha ol orin tolokurik tari ma ondon ormu mbara, “An hirnyanda ma, karem ji hishihi bainat nga kombe nga jimu laharandu? Ermba ermbak tempel aka orok mashi Avui Wasilakahin a ewesawenda nir. Oro wolok anin ji tolondari mberem ji mbar?

Mashi jivi Jisashi Luk or kayeri 19:47

Uhu ermba ermbak tempel aka orok mashi jivin ormu sawendara. Hako mashi Moseshin sawendari ma ondo nga bikpris ondo nga Judama lida lihi ondo nga Jisasin li mandingormekuri nombon limu oweioweiheyera.

Mashi jivi Jisashi Jon or kayeri 18:20

Karem or silirik ormu mbara, “An mbeek a wanyisawenda ambu nir, wahau. Mashi os a sawenda oso kormbak a sawenda nir. An ermba ermbak os li tirsanda mishik a ihi tempel aka nga li lotu unda aka nga orok a ihi mashin kormbak a sawenda nir.

Mashi jivi Jisashi Jon or kayeri 5:14

Urik Jisas tempel akak or lihi ma oton indik or heyehe orin ormu mbara, “Ai ai, ter am jivik mi nawa osik kavakava las indik uwa hala! Las avak nomorawu wasilaka indik mihik si nanda ngashi.”

Mashi jivi Jisashi Jon or kayeri 7:2

Urik Judama hiyawu wasilaka os shikor akak li lihi li andarin li undari wolok osmu nara.

Mashi jivi Jisashi Jon or kayeri 7:28

Urik Jisas tempel aka orok or sihi mashin ormu sawera. Uhu ormu mbara, “Jir an lawe, karem ji hishindu? Uhu kotontlo anhi os a rahanda nga am jimu hishindu mo wahau? Hako an mbeek anhinjik a tari ambu nir. Avui anhi mbashirik a tari nir. Or mbele mbele omek nanda tontlo oria. Hako jir mbeek orin heyenda ambu jir.

Mashi jivi Jisashi Jon or kayeri 7:37

Hiyaw sumbu wasilaka oson li ukuri wolok Jisas tempel akak or ihi wasilakak ormu mbara, “Os ji uksem ha nahi, anhik ji taha ji uksem aka.

Mashi jivi Jisashi Jon or kayeri 8:2

Orok or lawuhu wahandaha nirsumbu mendek tempel akak indik ormu layira. Urik ma mushak orhik li ralandirsarik mashin ormu owesawera.

Mashi jivi Jisashi Jon or kayeri 8:20

Jisas tempel akak yan li ewendari mishi orok or lihi mashin ormu owesawera. Hako orin li jikuri wolok si nari ambu osik ma lal mbeek orin tolori ambu lir.