Mashi jivi Jisashi Jon or kayeri 6:60 - Nupela Testamen long tokples Mende long Niugini

⁶⁰ Karem or mbarik ol orin tiyandari ma ondo mashi oson li misihi limu mbahanjira, “Wahau te! Mashi oson ni hishiwa kom te! Sunguwavu nihi osmu kavak nanduwa.”

Mashi jivi Jisashi Jon or kayeri 6:60 ပူးပေါင်းရင်းမြစ်များ

Matyu 11:6

Uhu kason er nga orin ji saweka, ma ol mbele mbele a uwan heyehe anin wapkava hishiwa ambu ondo li rupshika. Avui Wasilaka armek or ukwa lir.”

Mashi jivi Jisashi Jon or kayeri 2:2

Urik Jisas nga ol orin tiyandari ma nga li mainhashirik limu ira.

Mashi jivi Jisashi Jon or kayeri 5:25

Omendingak jirin amu sawenduwa, kumak avak Avui Wasilaka jikisi orhi oto or mbanak ma ol hahandari ondo amber mashi orhin misihi usahakwa lir. Uhu ma ol mashi orhin misindiyanda ondo nom ermba ermbak lindan lakwa lira.

Mashi jivi Jisashi Jon or kayeri 6:52

Karem or mbarik mashi oson li misihi lihi ambek mainkwambuk limu mbara, “Mberem ushiwak ma toto maome orhin or hanak ni akmbaha nor mbanduwa?”

Mashi jivi Jisashi Jon or kayeri 6:64

Angop a heyewa jir. Jir lal mbeek anin hishiowenda ambu jir. Karem uri osik angop jirin a saweri nir, ma lal mbeek lihinjik anhik tandahi ambu lir. Avui anhi nom sungu wavu lihin or jiwak anhik tanda lir.” Jisas ma ol mashi orhin tiyakurik nandari nga ma or orin wutarihi tavarenjek hakundari ma oto nga angop maskop or heyeri lir.

Mashi jivi Jisashi Jon or kayeri 6:66

Karem or mbarik ma mushak orin li kumaifaha limu ira.

Mashi jivi Jisashi Jon or kayeri 7:3

Urik Jisas maha orhi limu mbara, “Mir provins Judiak hiyawu oson li ukwa mishi orok ika. Uhu mbele mbele ma undahi ambu ondon orok unak mirin tiyanda ma ondo kwambu mihin li heyeka.

Mashi jivi Jisashi Jon or kayeri 8:31

Urik Jisas Judama ol mashi orhin misindiyakurik nari ma ondon ormu sawera, “Os mashi anhin ji misihi os si mbawa hom ji u nahi, anin tiyanda ma indingak nakwa jira.

Mashi jivi Jisashi Jon or kayeri 8:43

Hako mberem ushiwa mendek mashi kas a sawewa kason ji misikwan ji halandu? Jir mbeek mashi anhin misindahik nanda ambu ojik os jimu hishanduwa.

Hibru 5:11

Mashi musha olmu nanduwa. Hako wavu jihi angop fendelewa osik mashin ji misikwa osmu kava uwa. Uwosik mbeek ni sawekwa ambu nir.

2 Pita 3:16

Jekamba amber ol or kayeri ondo mashi anhi kaso himi nom or saweri sir. Hako mashi orhi lal tlowantlo mendek nanda lir. Ushiwak arme mendek ni hishfal hishfalakop maintontlo lihin ni yarinda nir. Uwa osik ma ol ainain sihi mbeek yarinda nga nanda ambu ondo lir men mashi os or kayendan li hishakashaha apsham li toltormblehe sawenda lir. Hako mashi Polhi nom nembes. Mashi Avui Wasilakahi anandi lal nga li hishakashaha li toltormblehe mashi apsham apsham sawenda lir. Unda osik erem unda ma ondo avak amber hom kavak er narakokwa lir.