Mashi jivi Jisashi Jon or kayeri 6:15 - Nupela Testamen long tokples Mende long Niugini

¹⁵ Hako Jisas mashi os orin li toloho orin li mbashinak malakamak or najehe li mbari angop or heyeri sir. Uri osik yanga oson or halaha ortonom indik telembak ormu lawura.

Mashi jivi Jisashi Jon or kayeri 6:15 ပူးပေါင်းရင်းမြစ်များ

Matyu 5:1

Jisas or heyeri ma musha mendek li rashirik or heyehe telembak or lawuhu ormu lira. Urik ol orin tiyandari ma ondo orhik li tarik mashin ormu ewesawera.

Mashi jivi Jisashi Mak or kayeri 11:9

Urik lal maifuhu irik lal kumasihi irik Jisas nindik ormu ira. Karem li ihi rupshihi limu mbara, “Hosana, ka ni rupkapshika. Avui Wasilaka avak ma or hi orhik tawa toton armek or ukwa ri.

Mashi jivi Jisashi Luk or kayeri 19:38

Uhu limu mbara, “Halanak Avui Wasilaka ma or hi orhik tawa king oton armek or uka. Nir Avui Wasilaka or hevenik linda oton nimu hauowekuwa. Waprupshi orhi nga nor halashiwak nimu waphimbiji linduwa.” Buk Song 118:26

Mashi jivi Jisashi Jon or kayeri 18:36

Urik ormu mbara, “An mbeek misambi torok malakamak a nakwa ambu nir. Os misambi torok malakamak a nawakop anhi ma ondon a mbashiwak awun uwa lir, os Judama ondo li raha anin li tolowa wolon. Hako malakamak a nakwa oso mbeek misambi torok a nakwa ambu sir.”

Mashi jivi Jisashi Jon or kayeri 5:41

An mbeek ma misambik fehe hi anhin li hauowekmbaha na hishinda ambu nir.

Mashi jivi Jisashi Jon or kayeri 6:22

Hulaima nokopma leuku kauyok li wahandaha nirsumbuk li usaha Jisasin limu lasara. Hinyer bot namtas nom orok sirik li heyeri sir. Hako ol orin tiyandari ma ondo nom bot orok lawuhu irik li heyeri lir. Jisas nga nembes.

Mashi jivi Jisashi Jon or kayeri 6:3

Urik Jisas telembak or lawuhu ma ol orin tiyandari ma nga orok limu lira.

Hibru 4:13

Mbele mbele tol Avui Wasilaka uhunda mbeek mbele las misokome orhik wanyindahi ambu sir, wahau, kormbak er narakonda lir. Ome sira, kumak avak misokome orhik ni sihi mbele mbele ol ni undan ni sawenak or heyekwa lira.