Mashi jivi Jisashi Jon or kayeri 21:22 - Nupela Testamen long tokples Mende long Niugini

²² Karem or silirik ormu mbara, “Oso lerawu mihi os? Os a mba, er or linak indik a rakwa nir. Os karem a mba nahi, oso mbeek lerawu mihi ambu sir. Hako mir men anin tiyaka!”

Mashi jivi Jisashi Jon or kayeri 21:22 ပူးပေါင်းရင်းမြစ်များ

Matyu 16:24

Uhu lirin ormu sawera, “Os anin ji tiyakunak ji hishi nahi, mbele mbele jihi amber ondon ji halaka. Uhu nomorawu os jihik talakwan ji kishaha anin ji tiyaka.

Matyu 24:27

Mberem ushiwak? Ma Jikisi Avui Wasilakahi os or takwa wolo os si lervla saikanda hom or tanak ma amber li heyekwa ri.

Matyu 24:3

Hovok Jisas telemba Olivik or lirik ol orin tiyandari ma li raha limu silira, “Mbele mbele ol mi sawewa ondo mbele wolo mendek li talanak nivai heyeku? Mberem si nanak ni heyehe nivai mbaku, Wasilaka am or tanak misambi mbele mbele ondo am mendek li nakwa wolok osmu nanduwa?”

Matyu 24:44

Uhunda hom jir erema, ermba ermbak ji auheyehe ji hundujehe ji lika. Os ji mba, “Ma Jikisi Avui Wasilakahi mbernda takwa ambu ri.” Karem ji mbana wolokop takwa ri.”

Matyu 25:31

Jisas mashi las nga ormu mbara, “Ma Jikisi Avui Wasilakahi indik or takwa wolo os malakamak or nakwa oso kormbak si nashinak ensel orhi ondo nga takakwa ri.

Matyu 8:22

Karem or mbarik ormu mbara, “Halashira! Ma ol hahanda ondo halanak lihi ambek li wakor eweka. Hako mir ta anin tiyaka!”

Mashi jivi Jisashi Mak or kayeri 9:1

Ushihi mashi las nga Jisas ormu mbara, “Omendingak jirin amu sawenduwa, torok siwa lal li ha namber avak Avui Wasilaka os lirin or arangoshinak li likwa oso kormbak si talanak heyekwa lir.”

Mashi jivi Jisashi Jon or kayeri 21:19

Mashi os Pitan karem or mbari Pita or hakundari nombon or saweri sira. Ushinak os or hakwa nombok hi Avui Wasilakahi wasilakak nakwa sira. Uhu mashi las nga Pitan ormu mbara, “Mir ta anin tiyaka!”

Mashi jivi Jisashi Jon or kayeri 21:21

Karem mbahandari ma oton Pita or heyehe Jisasin ormu silira, “Wasilaka, ma toto kumak avak mberem orvai naku?”

1 Korin 11:26

Unda osik os Wasilaka or uri hom erem ji uka. Uhu bret nga wain uku nga ji awa wolo, orin ji hishioweka. Uhu nomorawun or kishaha or hahandan kormbak ji sawe ji liyanak Wasilaka indik or taka.

1 Korin 4:5

Uwa osik jir avak lerawu os ma anandi landan ji oweioweiheyehe ji mbawa hala. Oso lerawu jihi ambu sir. Kumak Wasilaka or tawa wolo mbele mbele ol wanyindan or unak kormbak li talanak ma amber li heyekwa lir. Wavu wavu nihi os mberem mberem ni hishi ni yanda oso nga oro wolok kormbak talakwa sir. Oro wolokop Avui Wasilaka ma nir lerawun armek landan karem or sawekwa nir, “Jir lerawu jihi ji landa jivi sir,” karem or sawekwa nira.

1 Tesalonaika 2:19

Nir kwambu mendek karem nimu hishinduwa. Os Wasilaka nihi Jisas indik or takwa wolo, jir sishinak lerawu jivi os ni landa si mukunak or heyehe hi nihin or hauoweshinak ni rupshikwa nira.

Jems 5:7

Jisasin hishindiyanda ma jirin, ji misi, sunguwavu jihin ji mbornaha Wasilaka nihin ji nikishinak indiyok or taka. Angop ji heyenda sir, ma or nowek lerawun landa man. Akwa sijin or fakashihi nor halashiwak ma nga ta nga lerawu frihin fri lawa hom ormu nikishinduwa. Uhu am akwan landa wolok si nawak ormu ihi lawa.

Jems 5:8

Uhunda hom jir erem ji naka. Sunguwavu jihin ji mbornaha ji nikishika, Wasilaka or takwa wolo am pasir naw.

Revelesen 1:7

Ji heyeka. Kumak avak lersuwu nindik indik takwa ri. Unak ma amber avak misokome lihik li heyekwa ri. Unak ma ol orin jimandingormenda ondo er nga li heyekwa ri. Ma amber orin li heyehe hishihi tlaholokwa lira. Omendinga sira. Mbele mbele ondo avak omendingak talakwa lira.

Revelesen 2:25

Hako mbele mbele ol ji toltangriwa ondo nom er ji toltambananak indiyok a raka.

Revelesen 22:20

Ma or mashi kandon hawak a sawewa ma oto ormu mbanduwa, “Ome sira, avak kolomalok a rakwa nir.” “Omendinga sira, Wasilaka Jisas mir kolomalok taka.”

Revelesen 22:7

“Kolomalok a rakwa nir. Os profet mashik jekamba karok li kayeshihindak wawan ji misindiya nahi, Avui Wasilaka jirin armek ukwa ri.”

Revelesen 3:11

Avak tumsar a rakwa ona. Mbele mbele os ji tolowa yawur er ji toltambanaka. Oson kwambuk ji tolo nahi, ma lar mbeek malakamahi hat os jihik a falekmbaha a laharawan masnalakwa ambu ri.