Mashi jivi Jisashi Jon or kayeri 21:12 - Nupela Testamen long tokples Mende long Niugini

¹² Urik Jisas ormu mbara, “Kolok ji raha ji aka.” Hako ma ol orin tiyandari ondo mbeek orin siliri ambu lir, “Lawe mir?” Angop li heyehe li mba, “Jisas toria”, karem hishiri ola.

Mashi jivi Jisashi Jon or kayeri 21:12 ပူးပေါင်းရင်းမြစ်များ

Matyu 22:46

Jisas karem lirin or silirik lir mbeek mashi las nga orin li mbakurik nari ambu sir. Uhu mashi las orin li silikurin limu ajera.

Mashi jivi Jisashi Mak or kayeri 9:32

Hako lir mbeek maintontlo os or mbari oson yariri ambu lir. Uhu orin li silinak or sawenak li misikurin limu ajera.

Mashi jivi Jisashi Luk or kayeri 9:45

Hako mashi os or mbari maintontlo sihi wanyishirik lir mbeek hishiyariri ambu lir. Uhu orin li silikurin limu ajera.

Mashi jivi Jisashi Jon or kayeri 16:19

Jisas am orin li silikmbaha li hishiri oson or heyehe ormu mbara, “Jir jihi ambek mashi os a mbawa, a inak mbeek anin heyekwa ambu jir. Uhu kandakar nga ji linak indik a ranak ji heyekwa nir, karem a mbawa maintontlo sihin jimu hishakashandu?

Mashi jivi Jisashi Jon or kayeri 21:11

Urik Saimon Pita botik or ihi foom kowe oson or longoho fa mambu yok ormu larasara. Foom kowe oso angop hoje menderi sir. Foome ol li kruwuri 153-k nari lir. Hako foom kowe oso mbeek korori ambu sir.

Mashi jivi Jisashi Jon or kayeri 21:15

Jisas nga ma ol orin tiyandari ondo nga am li arakoshihi Jisas Saimon Pitan ormu silira, “Saimon jikisi Jonhi mirin, ma rondo anin wavu lihik ewenda lir. Hako mir anin wapnuku mende mihik ewenda om?” Karem or silirik ormu mbara, “He, Wasilaka, mir angop mi heyewa sir, an mirin amu rupshinduwa.” Urik ormu mbara, “Mir avak sipsip anhi ondon armek washilihi akwan hanak li aka.”

Mashi jivi Jisashi Jon or kayeri 4:27

Jisas karem or mbarik ol orin tiyandari ma ondo indik limu rara. Li raha li heyeri Jisas nokove oso nga frimu maimbara. Urik wavu musha mushak limu hishira. Hako lir mbeek sirin siliri ambu lir, “Mbele nyi lakmbaha nyi taw?” Uhu Jisasin er nga siliri ambu lir, “Mberem ushiwak nokove toso nga mi maimbandu?” Karem siliri ambu lir.

Aposel 10:41

Hako Judama amber nembes, wahau. Ma nir mas Avui Wasilaka mbashirik mashi orhin sawendari ma nirtonom nihik talari ri. Os indiyok or usahari wolo nakrem ni lihi nimu ara.