Mashi jivi Jisashi Jon or kayeri 20:23 - Nupela Testamen long tokples Mende long Niugini

²³ Os kavakava ma li undan li sawenak ji mba, “Avui Wasilaka kavakava jihin laha ermbekwa ri.” Karem ji mba nahi, erem ukwa ri. Hako os ji mba, “Wahau.” Karem ji mba nahi, or er nga erem mbakwa ri.”

Mashi jivi Jisashi Jon or kayeri 20:23 ပူးပေါင်းရင်းမြစ်များ

Matyu 16:19

Uhu ki os heven akayanga sihin sutlanda oson mihi tavak a hakwa sir. Uwosik os hulaima nokopma kavakava ol li undan li sawenak ji mba, “Avui Wasilaka kavakava jihin laha ermbekwa ri,” karem ji mba nahi, erem ukwa ri. Hako os ji mba, wahau, karem ji mba nahi, or er nga erem mbakwa ri.”

Matyu 18:18

Jirin omek amu sawenduwa, os hulaima nokopma kavakava ol li undan li sawenak ji mba, “Avui Wasilaka kavakava jihin laha ermbekwa ri.” karem ji mba nahi, erem ukwa ri. Hako os ji mba, “Wahau,” karem ji mba nahi, or er nga erem mbakwa ri.

Mashi jivi Jisashi Jon or kayeri 20:22

Uhu lirin or sumandama uhu ormu sawera, “Masikome Avui Wasilakahin jirin amu handuwa.

Aposel 10:43

Profet ondo amber Jisasin karem sawendari ola. Ma ol Jisasin wavu lihik owenda ondo amber os miandok or hari nombo orokop Avui Wasilaka kavakava lihin or laha ermbekwa ola, karem mbahandari lira.”

Aposel 2:38

Pita mu lirin sawera, “Jir amber sunguwavu jihin ji tormblehe kavakava ol ji undan ji halaha Jisas Krais nga nakrem ji sihi kwambu orhik fak ji layika. Ushinak Avui Wasilaka kavakava jihi ondon or yoko ermbeka. Erem ji unak Masikome orhin jirin or haka.

1 Korin 5:4

Avak ji tirsanak masikome anhi nga kwambu Jisas Wasilaka nihi orhi nga opmu jir nga nanduwa. Uwa osik ma orton ji mbashinak siosin or halaha hikriyok or sika. Erem ji uwa oso tava Laulakahik orin jimu halanduwa. Unak os or unda kava orhin or heye nor holoho oson or halaka. U nahi, Wasilaka indik os or tawa wolo mbeek hik ikwa ambu ri, avak hevenik ikwa ri.

Efesus 2:20

Jir mbele mbele Avui Wasilaka akan or uhunda ondo jir. Krais Jisas ortonom wormbonawa indinga ria. Nir aposel nga profet nga wormbojiyi hom or faleshiwak ni sinda nira. Uwak jir mbele mbele akan or unda ondo jira.

1 Timoti 1:20

Ma lihi lap Himeneus fre Aleksander erem nanda vri. Unda osik fririn Laulakahi tavak a halashihindak opmu sinduwa. Erem a ushinak os erem fri unda kava frihi fri heyehe, os mashi Avui Wasilakahin fri mblarnaha orin fri okolendan, er fri halakmbahan.