Mashi jivi Jisashi Jon or kayeri 19:31 - Nupela Testamen long tokples Mende long Niugini

³¹ Jisasin miandok li tiriri wolo Judama am hiyawun li ukurin li hundujekuri wolok simu nara. Urik Judama lida lihi Pailatin li i heyehe limu mbara, “Ushok Sabatik si nanak hiyawu wasilaka oson ni tolokwa sir. Hako ma ol miandok wawa ondo os orok er li wa nahi, kava indigok nakwa sir. Karem uwosik ma lal mbashinak li ihi ma ol miandok wawa ondo kumba hava lihin li jintlenak kolomalok li haka. Li hashinak maninimba lihin li tarmba lafakaka.”

Mashi jivi Jisashi Jon or kayeri 19:31 ပူးပေါင်းရင်းမြစ်များ

Matyu 27:62

Ushirik li wahandaha hiyawu oson li hundujeri wolo oso mendek si narik bikpris nga Farisi nga Pailatin limu i heyera.

Mashi jivi Jisashi Mak or kayeri 15:42

Am si homihi Sabatik si nakuri wolok si narik ma lar Pailatik or taha Jisashi maninimban or lakmbaha normu mbara. Ma oto hi orhi Josep oria. Yanga Arimateak fehenda ria. Or lida lihi ma jivi lar oria. Or erem Wasilaka os or taha malakamak or naha nor likurin nikishindari ma ria. Undari osik Pailatik or ihi Jisashi maninimban or mbashinak or laha ikmbaha normu mbara.

Mashi jivi Jisashi Jon or kayeri 19:1

Urik Pailat mbashirik awun undari ma ondo Jisasin limu wakorora.

Mashi jivi Jisashi Jon or kayeri 19:14

Oso wolo am takondik si narik Judama hiyawu Pasovan li ukurin li hundujekuri wolok simu nara. Urik Pailat Judama ondon ormu sawera, “Ji heyeka, king jihi toria.”

Mashi jivi Jisashi Jon or kayeri 19:42

Sabat am pasir si nakurik si narik Jisashi maninimban li laha mawa pasir orok nandarik frimu lai owera.