Mashi jivi Jisashi Jon or kayeri 19:19 - Nupela Testamen long tokples Mende long Niugini

¹⁹ Urik Pailat jekamba las or kayehe ma lar or mbashirik or ihi Jisashi masik nuku yok jekamba oson ormu ewera. Mashi oso karem or kayeri sir. “Jisas yanga Nasaretik fehe king Judamahi toria.”

Mashi jivi Jisashi Jon or kayeri 19:19 ပူးပေါင်းရင်းမြစ်များ

Matyu 2:23

Galilik li ihi kuyanga ome Nasaretik limu lira. Erem si nari osik mashi os profet ondo mas karem li mbahandari osmu omek nara, “Ma oto kuyanga Nasaretik fehe, karem li ushahakwa ria.”

Matyu 27:37

Uhu maintontlo os orin li mandingormerin jekambak li kayehe jekamba oson masiknuku heyek li eweri sir. Mashi oso karem, “King Judamahi toria.”

Mashi jivi Jisashi Mak or kayeri 15:26

Ushihi maintontlo os orin li jimandingormerin jekamba lasik li kayehe masiknuku orhik li eweri sir. Mashi oso karem li kayeri sir, “King Judamahi toria.”

Mashi jivi Jisashi Luk or kayeri 18:37

Urik limu sawera, “Jisas Nasaretik fehenda ormu randuwa.”

Mashi jivi Jisashi Luk or kayeri 23:38

Urik miando orok mashi las masiknuku orhik li oweri karem, “King Judamahi toria.”

Mashi jivi Jisashi Jon or kayeri 1:49

Urik ormu mbara, “Tisa, mir jikisi Avui Wasilakahi mira. Mir yanga Israelik fehe ma malakama lihi mira.”

Mashi jivi Jisashi Jon or kayeri 18:33

Urik Pailat indiyok akomek or ihi Jisasin ormu silira, “Mir king Judamahi om?”

Mashi jivi Jisashi Jon or kayeri 19:12

Karem or mbarik Pailat Jisasin or halashinak or ikmbaha ormu hishira. Hako Judama ondo li ushaha limu mbara, “Ma oto karem mbari ria, “An malakama nir.” Karem or mbari osik malakama Romik fehenda Sisar orhi wutarik nakwa ri. Os orin mi halashinak or i nahi, mir er nga Sisarhi wutarik nakwa mira.”

Mashi jivi Jisashi Jon or kayeri 19:14

Oso wolo am takondik si narik Judama hiyawu Pasovan li ukurin li hundujekuri wolok simu nara. Urik Pailat Judama ondon ormu sawera, “Ji heyeka, king jihi toria.”

Mashi jivi Jisashi Jon or kayeri 19:21

Ushirik bikpris ondo Pailatik li raha limu sawera, “Mashi os mi kayewa oso jivik nawa ambu sir. Mberem ushiwak king Judamahi toria, karem mi kayew? Wa karem kayeka, ma roto orhinjik, “An king Judamahi anira,” karem mbandari ri. Karem kayeka.”

Mashi jivi Jisashi Jon or kayeri 19:3

Uhu orin li okolehe limu mbara, “Awasayi, mir malakama Judahi mira.” Karem li mbaha orin limu jimblalanara.

Aposel 26:9

An mas ermbak Jisas Nasaretik fehe hi orhin a unak misambik si rakakmbaha a undari nira.

Aposel 3:6

Hako Pita ormu mbara, “An ya ngashi ambu nir. Hako mbele las anhik nawan mirin a hakwa karem, kwambu Jisas Krais Nasaretik fehendahik amu mbanduwa. Mir usaha ese ika.”