Mashi jivi Jisashi Jon or kayeri 17:6 - Nupela Testamen long tokples Mende long Niugini

⁶ Avui, ma misambik fehe ol anin mi hahanda ondo mas mbeek mirin heyekrahakorori ambu lir. Hako a raha mbele mbele os mihik nahandan angop a mukurik li heyeri sir. Ma ondo mihi lira. Hako angop anin mi hahandari lir. Unda osik ter olmu mashi mihin misindiyanduwa.

Mashi jivi Jisashi Jon or kayeri 17:6 ပူးပေါင်းရင်းမြစ်များ

Mashi jivi Jisashi Jon or kayeri 1:18

Ma lar mbeek Avui Wasilakan heyenda ambu ri, wahau. Hako jikisi orhi namtar numbu orto nom Avui orhi nga nakrem lindari ri. Undari osik orvai Avui Wasilaka os or nandarin nirin mukuri ri.

Mashi jivi Jisashi Jon or kayeri 12:28

Avuya, mir avak kwambu mihin kormbak mukunak li heyeka. Unak hi mihi wasilakak si naka.” Karem or mbarik mashi las hevenik simu mbara, “Angop a mukuri sir. Uhunda osik ter avak indiyok a mukukwa sir.”

Mashi jivi Jisashi Jon or kayeri 15:19

Os jir lir hom ji na nahi, jirin rupshikwa lir. Hako jir mbeek misambik fehenda ambu jir. Angop jirin a kamashihindak anhi mak ji nawa osik jirin li wapkava hishihi kavak li nakwa jir.

Mashi jivi Jisashi Jon or kayeri 15:3

Mashi os a mbari oso angop jirin si urik jivik narakori jir, os mi tavan li munyandari hom.

Mashi jivi Jisashi Jon or kayeri 15:7

Hako os an nga ji sinak mashi anhi jihik si na nahi, ambehoma, mbele las os ji ukmbaha Avuin ji siliwa oso, os ji siliwa hom avak or ukwa sira.

Mashi jivi Jisashi Jon or kayeri 17:12

Os lir nga nakrem a liwa wolo kwambu os anin mi hahanda orok lirin a arangoshiwak mbeek kavak nawa ambu lir. Hako mashi os maskop li kayehendari karem mbari osa. “Ma namtar nom kavak nakwa ri.” Uhunda osik ma oto nom kavak nakwa ri.

Mashi jivi Jisashi Jon or kayeri 17:14

Mashi mihin lirin a sawerik misiri lir. Uri osik ma misambik fehe lirin olmu wutarik ewenduwa. Mberem ushiwak? An misambi torok fehe ambu nir. Uwosik lir nga misambi torok fehe ambu lir. Karem nawa osik ma misambik fehe lirin wutarik olmu ewenduwa.

Mashi jivi Jisashi Jon or kayeri 17:16

An misambi torok fehe ambu nir. Unda osik lir nga erem misambi torok fehe ambu lir.

Mashi jivi Jisashi Jon or kayeri 17:2

An maifuk a sikmbaha mi mbari ona. Ushinak maifuk a sihi os ermba ermbak lindan ma ol anin mi hahanda ondon a hakwa nira.

Mashi jivi Jisashi Jon or kayeri 17:24

Avuya, a hishiwa karem, halashinak ma ol anin mi hahanda ondo an nga kuyanga os a likwa mishik nakrem ni lika. Ushinak kwambu os anin mi hahandan livai heyeka. Misambi na namber anin mi rupshihi kwambu oson anin hari mir.

Mashi jivi Jisashi Jon or kayeri 17:26

Mbele mbele os mihik nandarin kormbak a sawerik heyeri lir. Unda osik er a sawenak misikwa lir. Ushinak os anin wapnuku mihik mi ewenda hom ma anandin wapnuku lihik ewekwa lir. Unak an lir nga na lika,” karem Jisas Avui orhin ormu sawera.

Mashi jivi Jisashi Jon or kayeri 17:7

Uhu ter olmu heyenduwa, mbele mbele ol anin mi hahanda mihikop talanda lir.

Mashi jivi Jisashi Jon or kayeri 18:9

Karem or mbarik mashi os mas or mbari oso osmu omek nara. Mashi oso karem, “Ma ol anin mi hahanda ma rondo mbeek lihi lar kavak nakwa ambu ri,” karem or mbahandari mashi osmu omek nara.

Mashi jivi Jisashi Jon or kayeri 6:37

An mbeek anhinjik mbele las a ukurik yanga jivin a halaha a tari ambu nir, wahau. An Avuihi lerawun a lakmbaha or mbashirik a rari nir. Karem unda osik ma ol anjik or kamashihinda ondo mbeek lal a halakwa ambu lir, wahau.

Mashi jivi Jisashi Jon or kayeri 6:39

Avui anhi mbeek ma ol anhik tawa lal a halashinak kavak li nakwak mbanda ambu ri. Kumak avak mbele mbele mendek si nakuna wolok a mbanak indiyok usahakwa lir.

Mashi jivi Jisashi Jon or kayeri 8:51

Omendingak jirin amu sawenduwa, ma or mashi anhin misindiyawa ma oto mbeek hakwa ambu ri, wahau.”

Mashi jivi Jisashi Jon or kayeri 8:52

Karem or mbarik limu mbara, “Am nimu heyenduwa. Wasimalengamba olonda mira. Abraham nga profet ondo nga angop maskop hari ol te! Hako mberemhi mashi os ter mi mbanduwa, ma ol mashi mihin misindiyawa mbeek hakwa ambu lir, karem mi mbawan?

Aposel 13:48

Judama ambu ondo mashi oso li misihi wavu lihi jivi mendek si narik mashi Wasilakahin li rupshihi limu hauowera. Uhu ma ol ermba ermbak linda oson lakmbaha Avui Wasilaka kamahandari ondo amber mashi Avui Wasilakahin misindiyara.

Jekamba Pol ol yanga Romik lindanjik or kayeri 11:2

Omendingak jirin amu sawenduwa, Avui Wasilaka mbeek ma ol maifu mendek orhi mak or kamari ondon kumasi menderi ambu ri, wahau. Wa, mashi os profet Elaija Avui Wasilakan or saweri oson indik ji hishika. Elaija karem mbari ri,

2 Korin 4:6

Avui Wasilaka mas karem mbahandari ri, “Halanak nirtle nirndum nanda mishi orok ukruharanda si talaka,” karem mbahandari Avui Wasilaka oto ukruharanda orhi oson or halashihindak sunguwavu nihi krahak si nawak os nimu hishiyarinduwa, kwambu Avui Wasilakahi nga ukruharanda orhi nga Kraishik si narin.

Kolosi 3:16

Mashi Kraishin ermba ermbak ji hishihi ji tiyaka. Uhu jihi ambek mashi orhin armek ji hishiyarihi mashi orhin ji anasawehe ji anatolo worna ji sika. Jir avak sunguwavu jihi nga Avui Wasilakan armesarmek ji mbaka. Uhu hukwa ol orin hausimbausinda ondon ji koroho Masikome orhi sauhawak ji koronda hukwan ji koroho ji lotu uka.

2 Timoti 1:13

Mashi ome kas mirin a sawewan er toltambanaka. Uhu os a sawewa hom hulaima nokopman ewesaweka. Uhu os Kraisin mi tiyanda nombon er sitambanaka. Uhu ma amber er nga rupshika. Ondon undahi mira, os Krais nga nakrem shi si nahi, os mi analayi fri sinda hom sikwa shira.

Hibru 2:12

Uhu Avui orhin karem mbari ri, “Mir malakamak nanda mira. Os erem mi nandan mahasanje anhi ondon a sawekwa nir. Uhu os li tirsaha li lotu uwa wolo lir nga na lihi hi mihin a hauowekwa nir.” Buk Song 22:2

Hibru 3:6

Hako Krais Avui Wasilaka jikisi indingo orhi ria. Or aka mashama ria. Nir aka orhi nir. Ome sira nir orhi nduwukop ni sinda nir. Uhu os mashi orhin ni misindiyaha kwambuk ni sitambana nahi, Avui Wasilakahi ma indingak ni nakwa nira.

1 Pita 1:1

An Pita, aposel Jisas Kraishi anira. An jekamba kason jirnjik amu kayenduwa. Jir nomorawu wasilaka si talarik, tulu ihi mahi yanga, provins Pontus, Galesia, Kapadosia, Esia, Bitinia orok liyanda jir. Jir angop Avui Wasilaka kamahanda ma jir.

1 Jon 5:20

Angop ni heyenda sir, Avui Wasilaka jikisi orhi, Jisas, misambik or taha wapjip hishiyarindan nirin or hashihindak Avui Wasilakan armek nimu heyekrahakoronduwa. Uhu or nga jikisi orhi Jisas Krais nga nakrem nimu linduwa. Krais God indinga ria. Uhu ermba ermbak linda oso tontlo orhik nanda sira.

Revelesen 2:13

Kuyanga os ji liwa mishi angop a heyenda sir. Laulaka angop hiniyin or hongoho or lihinda mishi sira. Hako jir mbeek anin halanda ambu jir, wahau. Kwambuk er ji toltambana sinda jir. Mbele mbele kava os Antipasin li uri angop ji heyeri sir. Mashi omendinga anhin or sawerik li mandingormeri ria, kuyanga jihi Laulaka linda mishi orok. Hako oso wolo jir mbeek anin halari ambu jir, wahau. Kwambuk sitambanari jir.

Revelesen 3:10

Jir mashi anhin ji tiyaha nomorawu ol jihik talawan kishanda jir. Karem unda osik avak jirin armek a arangoshinak likwa jir, os nomorawu laka oso ma misambik fehehik si talaha lirin si oweioweiheyekuna wolon.

Revelesen 3:8

Nombo nombo os ji liwa liwan angop a heitakonda sir. Na heyewa kwambu mende nga nanda ambu jir. Hako mashi anhin ji misihi anin ji tiyanda nombo oson mbeek halanda ambu jir. Uwosik akayanga las jirnjik a sutlashiwak osmu nanduwa. Ma lar mbeek akayanga orok ji layikwan pantlekwa ambu ri.