Mashi jivi Jisashi Jon or kayeri 16:32 - Nupela Testamen long tokples Mende long Niugini

³² Ji misi, os li unak anin ji halaha jihi jihik ji tulukwa wolo oso osmu pasir nanduwa. Ushinak nendekop a sikwa nir. Hako nendekop a sikwa ambu nir, Avui anhi an nga nakrem shi sikwa shir.

Mashi jivi Jisashi Jon or kayeri 16:32 ပူးပေါင်းရင်းမြစ်များ

Matyu 26:31

Urik Jisas mu mbara, “Mas karem li kayeri sir, “Avui Wasilaka avak sipsipin washilinda man or jishinak sipsip orhi amber tulu ikwa lir.” Karem li kayeri osik avak nirik jir amber anin ji halaha tulukwa jir.

Matyu 26:56

Ambehoma, mashi os profet ondo li kayehendari oso ter osmu omek nanduwa.” Karem or mbarik ol orin tiyandari ma amber orin li halaha limu tulu ira.

Mashi jivi Jisashi Mak or kayeri 14:27

Jisas ma ol orin tiyandari ondon ormu sawera, “Mas karem li kayeri sir, “Avui Wasilaka avak sipsipin washilinda man or jishinak sipsip orhi amber tuluhu ikwa lira.” Karem li kayeri mashi oso ter osmu omendingak nanduwa. Jir amber avak anin halaha tulu ikwa jir.

Mashi jivi Jisashi Mak or kayeri 14:50

Karem or mbarik ol orin tiyandari ma ondo amber orin li halaha er limu tulu ira.

Mashi jivi Jisashi Jon or kayeri 12:23

Urik Jisas mu mbara, “Ma Jikisi Avui Wasilakahi oto malakamak or nakwa wolo am pasir naw.

Mashi jivi Jisashi Jon or kayeri 16:2

Kumak avak lir nga ji lotu ukuwa nombo oson pantlekwa ola. Uhu os jirin li mandingormekwa wolo karem hishikwa ola, “Lerawu Avui Wasilakahin os nimu landuwa.”

Mashi jivi Jisashi Jon or kayeri 16:25

Uhu mashi las nga Jisas ormu mbara, “Ter wolo mashin jirin sauheimak a sawenda nir. Hako kumak avak mashin kormbak a sawenak misikwa jir. Avui anhi mberem nanda ma ri? Oson kumak avak kormbak a sawenak orin heyekrahakorokwa jir.

Mashi jivi Jisashi Jon or kayeri 16:31

Urik ormu mbara, “Ambehoma. Ter am jimu heyendu?

Mashi jivi Jisashi Jon or kayeri 19:27

Uhu ma orton ormu mbara, “Heye, nijava mihi sira.” Karem or mbashirik ma orto Marian or laha nijava orhi hom or lai ewehe limu lira.

Mashi jivi Jisashi Jon or kayeri 20:10

Ushihi mawan li halaha yangak limu ira.

Mashi jivi Jisashi Jon or kayeri 4:21

Urik ormu mbara, “Omendingak nyirin amu sawenduwa, kumak os Avui Wasilakan ji lotu ukmbaha ji hishi nahi, yanga yanga os ji liwa mishi orokop orin lotu ukwa jira, telemba orok nembes, Jerusalemik nembes.

Mashi jivi Jisashi Jon or kayeri 5:25

Omendingak jirin amu sawenduwa, kumak avak Avui Wasilaka jikisi orhi oto or mbanak ma ol hahandari ondo amber mashi orhin misihi usahakwa lir. Uhu ma ol mashi orhin misindiyanda ondo nom ermba ermbak lindan lakwa lira.

Mashi jivi Jisashi Jon or kayeri 5:28

Jir avak os a mbawan wavu musha mushak hishiwa hala! Kumak avak ma ol mawak wawa amber mandarjinya anhin li misihi mawan li halaha usahakwa lir.

Mashi jivi Jisashi Jon or kayeri 8:16

Hako os ma lar mbele las or undan a eweheye nahi, os erem a uwa oso jivik nakwa sira. Mberem ushiwak? Mbeek nendekop man a eweheyekwa ambu nir. Avui anhi or mbashirik a rahanda nga nakrem shi mbakwa shir.

Mashi jivi Jisashi Jon or kayeri 8:29

Avui anhi or mbashirik a rari nir. Mbele mbele os or mbawa hom a unda osik or mbeek anin halanda ambu ri, wahau.”

Aposel 21:6

Ushihi lir nirin li wesambasarik nir nga mu lirin wasambasara. Uhu sipik ni lawurik lir indik yanga lihik limu ira.

Aposel 8:1

Sol Stivenin li mandingormekurin rupshiri ri. Stiven or hashirik Judama ol Avui Wasilakahi mashin yawur tiyandari ondo ornjik li owetlaha orin limu wakor owera. Os Stivenin li mandingormeri wolo, Jisasin hishindiyandari ma ol Jerusalemik lindari ondo er nga kavak li nakurik limu ura. Sol oto aka akak or layihi Jisasin hishindiyandari ma ondon or jihi or tolo longo laihi krawuk or oweshirik limu lira. Hako lal os erem or urin li heyehe li tulu ihi lal provins Judiak li irik lal provins Samariak limu ira. Hako aposel ondo nom Jerusalemik er liri lira.