Mashi jivi Jisashi Jon or kayeri 16:19 - Nupela Testamen long tokples Mende long Niugini

¹⁹ Jisas am orin li silikmbaha li hishiri oson or heyehe ormu mbara, “Jir jihi ambek mashi os a mbawa, a inak mbeek anin heyekwa ambu jir. Uhu kandakar nga ji linak indik a ranak ji heyekwa nir, karem a mbawa maintontlo sihin jimu hishakashandu?

Mashi jivi Jisashi Jon or kayeri 16:19 ပူးပေါင်းရင်းမြစ်များ

Matyu 6:8

Hako jir erem ji uwa hala. Mberem ushiwak? Ji sawe namber os ji sawekmbaha ji hishiwa angop masmas or heyewa sir.

Matyu 9:4

Hako Jisas os wavu wavu lihik li hishirin angop or heyeri osik ormu mbara, “Mberem ushiwak anin ji wapkava hishindu?

Mashi jivi Jisashi Mak or kayeri 9:32

Hako lir mbeek maintontlo os or mbari oson yariri ambu lir. Uhu orin li silinak or sawenak li misikurin limu ajera.

Mashi jivi Jisashi Jon or kayeri 13:33

Jikisi anhi ji misi, an mbeek jir nga nambek a likwa ambu nir. Jir avak anin lasafukwa jir. Uhu mbeek ji heyekwa ambu nir. Mashi kaso Judama ondon angop a saweri sir. Hako ter os amu jirin indik sawenduwa, jir mbeek yanga os a ikwa mishi orok ikwa ambu jir.

Mashi jivi Jisashi Jon or kayeri 14:19

Am a ikwa ambek osmu nanduwa. A ishinak ma misambik fehe mbeek anin heyekwa ambu lir. Hako jir anin heyekwa jir. Indik a usaha ermba ermbak a likwa onik jir er nga ermba ermbak likwa jir.

Mashi jivi Jisashi Jon or kayeri 16:16

Uhu Jisas ormu mbara, “A ikwa wolo am pasir naw. A ishinak mbeek anin heyekwa ambu jir. Hako kandakar nga ji linak indik a ranak ji heyekwa nir.”

Mashi jivi Jisashi Jon or kayeri 16:18

“Nambek or likwa ambu,” karem or mbawan. Maintontlo sihi mberem sivai nandu? Am ni mbeler te!”

Mashi jivi Jisashi Jon or kayeri 16:23

Hako oro wolok mbeek mbele mashi las anin silikwa ambu jir. Omendingak amu sawenduwa, mbele las hi anhik Avuin ji siliwa avak or hakwa lir.

Mashi jivi Jisashi Jon or kayeri 16:26

Oro wolok an mbeek mbele las jirnjik Avui anhin a silikwa ambu nir, wahau. Mberem ushiwak? Jihinjik hi anhik Avuin ji silinak or haka, os ji siliwa oson.

Mashi jivi Jisashi Jon or kayeri 16:30

Mir mbele mbele ondo amber mi heitakonda lir. Os ni silikwak ni hishiwa angop mi heitakowa lir. Uwosik am nimu heyenduwa, mir Avui mbashirik tari mira.”

Mashi jivi Jisashi Jon or kayeri 21:17

Uhu indik Pitan ormu silira, “Saimon jikisi Jonhi mirin, anin wapnuku mende mihik ewenda om mo wahau?” Karem indik or silirik sunguwavu orhi kavak si narik or holoho ormu mbara, “Wasilaka, mbele mbele os wavu anhik nawan angop mi heitakowa sir. An mirin wapnuku anhik a ewenda nir.” Urik ormu mbara, “Mir avak sipsip anhi ondon armek washilihi akwan hanak li aka.”

Mashi jivi Jisashi Jon or kayeri 6:61

Jisas wavu lihin angop or heyeri osik ormu mbara, “Mashi oson a mbawa sunguwavu jihi osmu kavak nanduwa.

Mashi jivi Jisashi Jon or kayeri 7:33

Urik Jisas ormu mbara, “An mbeek jir nga nambek torok a likwa ambu nir. Avui anhi or mbashirik a rahanda onik indik orhik a ikwa nir.

Hibru 4:13

Mbele mbele tol Avui Wasilaka uhunda mbeek mbele las misokome orhik wanyindahi ambu sir, wahau, kormbak er narakonda lir. Ome sira, kumak avak misokome orhik ni sihi mbele mbele ol ni undan ni sawenak or heyekwa lira.

Revelesen 2:23

Ol sirin tiyanda ma ondo er nga na mandingormekwa lir. Ushinak sios amber hom li heyeka, an mbele mbele os sunguwavu mahik tasandan na oweioweiheyenda nira. Uhu lerawu os li lahanda ambe ambe lihik a heyehe wasan a handa nira.