Mashi jivi Jisashi Jon or kayeri 12:28 - Nupela Testamen long tokples Mende long Niugini

²⁸ Avuya, mir avak kwambu mihin kormbak mukunak li heyeka. Unak hi mihi wasilakak si naka.” Karem or mbarik mashi las hevenik simu mbara, “Angop a mukuri sir. Uhunda osik ter avak indiyok a mukukwa sir.”

Mashi jivi Jisashi Jon or kayeri 12:28 ပူးပေါင်းရင်းမြစ်များ

Matyu 11:25

Uhu Jisas ormu mbara, “Avuya, heven nga misambi nga mihi tavakop nahanda vria. Mirin amu rupshinduwa. Mberem ushiwak? Mir mbeek mbele mbele ondon ma ol hi ngashi ondon mi mukushiwak heyenda ambu sir. Hako ma ol jikisakri hom nanda nom mi mukushiwak heyenda lir.

Matyu 11:26

Ome sira, Avuya, os mi ukmbaha mi hishinda hom unda mira.

Matyu 17:5

Karem or mbari halanganga kolok kwandi avisha mende las lirin si aulafaleshirik mashi las kwanindi orok simu mbara, “Ma oto jikisi indingo anhi ria. Orin wapnuku anhik amu ewenduwa. Mashi orhin ji misika.”

Matyu 26:42

Karem or mbaha indik Avui orhin sawekurik or ihi ormu mbara, “Os nomorawu oso anhik si talakwak si na nahi, wa halanak os mi mbawa hom si naka.”

Matyu 3:17

Urik mashi las lersuwu yok simu mbara, “Ma oto jikisi indingo anhi ria. Sunguwavu anhi mende nga orin a rupshihi mbele mbele ol or uwan amu rupshinduwa.”

Mashi jivi Jisashi Mak or kayeri 1:11

Urik mashi las lersuwu yok simu mbara, “Ma toto jikisi indingo anhi ria. Sunguwavu anhi mende nga orin a rupshihi mbele mbele ol or uwan amu rupshinduwa.”

Mashi jivi Jisashi Mak or kayeri 14:36

Uhu karem ormu mbara, “Avuya, os nombo kas na nahi, nomorawu anhik talakwa oson halanak anin si wasisoka. Hako os an mbawa hom uwa hala. Os mi hishiwa hom uka.”

Mashi jivi Jisashi Mak or kayeri 9:7

Urik kwandi las lirin si aulafaleshirik kwanindik limu sira. Urik kwanindik mashi las osmu mbara, “Ma orto jikisi indingo anhi ria. Orin wapnuku anhik amu ewenduwa. Mashi orhin ji misika.”

Mashi jivi Jisashi Luk or kayeri 9:35

Urik mashi las lersuwu nindik simu mbara, “Toto jikisi anhi ria. Orin wapnuku anhik amu owenduwa. Lerawu anhin or lakmbaha angop a kamahanda ri. Mashi orhin ji misika.”

Mashi jivi Jisashi Jon or kayeri 11:4

Urik Jisas mashi oson or misihi ormu mbara, “Lasarus os or kavamisiwa oso mbeek or hakwak nawa ambu sir. Oso Avui Wasilaka kwambu orhin or mukunak ma amber li heyekwa sir. Unak or nga jikisi orhi nga hi frihin li hauowekwa vria.”

Mashi jivi Jisashi Jon or kayeri 18:11

Urik Jisas mu mbara, “Bainat mihi oson laha indik haloweka. Mir mberem mi hishindu? Nomorawu os Avui anin or hahanda oson na kishandahi ambu? Karem mimu hishindu? Wahau, a kishandahi sir.”

Mashi jivi Jisashi Jon or kayeri 9:3

Karem li silirik ormu mbara, “Orhi musak nembes, avoko nijava frihi musak nembes. Oso men erem si nashihindanak Avui Wasilaka kwambu orhi kormbak si nashinak ma li heyekmbahan. Os misambi torok a liwa wolo ukruharanda anira. Ter osmu tandik nanduwa.

Efesus 2:7

Unak ma ol kumak usahakunda ma ondo avak kormbak li heyeka, Avui Wasilaka waprupshi mende orhi nirin or hari oson. Uhu li heyeka, os nirin or rupshi mendehe or mbashirik Krais Jisas nirin or jivinari oson.

Efesus 3:10

Os mas kormbak talari ambu oson or urik kormbak talari sir. Ushinak Judama nga Judama ambu nga nakrem sios orhik li tirsashinak mbele mbele kwambu ngashi ol hevenik nanda ondo hishiyarinda laka Avui Wasilakahin armek li heyekrahakorokmbahan.

Efesus 3:21

Uwa osik ter nga kumak nga ermba ermbak nir siosik sinda ma Krais Jisas nga nakrem ni sihi hi Avui Wasilakahin ni hausimbausika. Omendinga sira.

2 Pita 1:17

Nir Jisas Wasilaka nihi nga telemba Avui Wasilakahi orok ni lawu lirik mashi las hevenik karem si mbarik nimu misira, “Toto jikisi anhi indinga toria. Orin amu rupshi mendenduwa.” Avui Wasilaka ukruharanda ngashi oto hi Kraishin or hauowehe ukruharanda orhin orin or hari wolo, karem mbari ora.