Mashi jivi Jisashi Jon or kayeri 1:45 - Nupela Testamen long tokples Mende long Niugini

⁴⁵ Urik Filip or ihi ma lar, hi orhi Nataniel, oton or heyehe ormu mbara, “Nir ma or mas Moses nga profet ondo nga li mbahandari ma oton ni heyewa nir. Hi orhi Jisas oria. Kuyanga Nasaretik fehenda ria, Josephi jikisi ria.”

Mashi jivi Jisashi Jon or kayeri 1:45 ပူးပေါင်းရင်းမြစ်များ

Matyu 10:3

Uhu Filip, Bartolomyu, Tomas, Matyu takis yan landa ma ria. Uhu Jems jikisi Alfiushi ria. Uhu Tadius.

Matyu 13:55

Toto angop ni heyenda or te! Ma or akan unda jikisi orhi ria. Nijava orhi Maria sira. Jimatama orhi Jems, Josep, Saimon, Judas, kalira.

Matyu 2:23

Galilik li ihi kuyanga ome Nasaretik limu lira. Erem si nari osik mashi os profet ondo mas karem li mbahandari osmu omek nara, “Ma oto kuyanga Nasaretik fehe, karem li ushahakwa ria.”

Matyu 21:11

Urik ol er nga tari ma ondo limu sawera, “Oto Jisas oria. Kuyanga Nasaret provins Galilik fehenda profet lar oria.”

Mashi jivi Jisashi Mak or kayeri 6:3

Uhu limu mbara, “Ma roto akan unda ma ri. Mariahi jikisi ria. Jimatama orhi tol lindu te, Jems, Josep, Judas, Saimon karem. Jikaha orhi tol nir nga lindu te. Hako mberemhi mashi tos ter or sawendua?” Karem li mbaha orin limu kumaifara.

Mashi jivi Jisashi Luk or kayeri 18:37

Urik limu sawera, “Jisas Nasaretik fehenda ormu randuwa.”

Mashi jivi Jisashi Luk or kayeri 2:4

Josep oto kraha king Devithik fehendari orik yanga Nasaretin or halaha Betlehemik ormu ira. Betlehem oso yanga Devithi, karem li ushandari sira.

Mashi jivi Jisashi Luk or kayeri 2:48

Jikisi frihin fri heyeri malakamahi nindik or lishirik frimu lishnyafara. Uhu nijava orhi mu orin mbara, “Ayo, toto mende. Mberemhi tos ter mi ushiwak sunguwavu shihi nga kavak er si nawak mirin shi lasayandua?”

Mashi jivi Jisashi Luk or kayeri 24:27

Karem or mbaha mashi Moseshi nga profet ondo li mbahandari mashi amber nga orok orin mbahandari mashi maintontlo sihin fririn ormu owesawera.

Mashi jivi Jisashi Luk or kayeri 24:44

Uhu lirin ormu mbara, “Os jir nga na liri wolo angop karem a saweri jir. Mbele mbele os maskop jekamba Moseshi nga profethi nga Buk Songik anin li kayehendari ondo omek talakwa lira.”

Mashi jivi Jisashi Luk or kayeri 3:23

Os Jisas usasihi lerawun or lari wolo, asama orhi 30-pelak nari ria. Urik ma amber, Jisas oto jikisi Josephi ri, karem limu hishira.

Mashi jivi Jisashi Luk or kayeri 4:22

Karem or mbarik orok liri ma mashi jivi os or owesawerin li misihi limu lishnyafaha hi orhin limu hauowera. Hako limu mbara, “Ma toto men Josephi jikisi ri. Mberemhi nombok mashi jivi toson karem or sawendua?”

Mashi jivi Jisashi Jon or kayeri 1:44

Filip yanga Betsaidak fehendari ma ria. Betsaida kotontlo Andru fre Pitahi sira.

Mashi jivi Jisashi Jon or kayeri 12:21

Uhu Filip provins Galili yanga Betsaidak fehendan li i heyehe orin limu silira, “Awasayi, nir Jisasin ni heyewa kom te!”

Mashi jivi Jisashi Jon or kayeri 14:8

Urik Filip mu silira, “Wasilaka, men Avui mihin mukunak ni heyeka. Unak mbele las nga indiyok ni silikwa ambu nir.”

Mashi jivi Jisashi Jon or kayeri 18:5

Karem or silirik limu mbara, “Nir Jisas Nasaretik fehendan nimu lasaranduwa.” Urik ormu mbara. “Wa, anira.” Judas er nga lihi nindik siri ri.

Mashi jivi Jisashi Jon or kayeri 18:7

Ushihi indik ormu silira, “Lawe ji lasaranduwa?” Urik limu mbara, “Nir Jisas Nasaretik fehendan nimu lasaranduwa.”

Mashi jivi Jisashi Jon or kayeri 19:19

Urik Pailat jekamba las or kayehe ma lar or mbashirik or ihi Jisashi masik nuku yok jekamba oson ormu ewera. Mashi oso karem or kayeri sir. “Jisas yanga Nasaretik fehe king Judamahi toria.”

Mashi jivi Jisashi Jon or kayeri 21:2

Os or talari wolo Saimon Pita nga, Tomas Didimus nga, Nataniel yanga Kana Galilik fehenda oto nga, Sebedihi jikisi ovro nga, maome frijip er nga, leuku orok limu lira.

Mashi jivi Jisashi Jon or kayeri 6:42

“Toto Josephi jikisi ria! Avoko nijava orhi angop ni heyenda op te. Hako mberem ushiwak, an yanga jivik fehenda bret anira, karem or mbanduwa?”

Mashi jivi Jisashi Jon or kayeri 6:5

Jisas or limakandaha nor heyeri ma musha mendek orhik limu rara. Urik Filipin ormu silira, “Mbeek nivai akwan frungawuhu ma rondon ni hanak li aku?”

Mashi jivi Jisashi Jon or kayeri 6:7

Urik Filip ormu mbara, “Ma rondo musha mende re! Os asama namtas lerawun ni la nahi, yan ni lawa oso mbeek akwan ni lashinak ma rondo andahik nawa ambu sir.”

Aposel 10:38

Jir angop ji heyeri sir. Avui Wasilaka Jisas yanga Nasaretik fehendan or kamashihi Masikome orhi nga kwambu orhi nga orin hari ria. Uhu or nga nor sishirik Jisas yanga yangak or ihi hulaima nokopman armek or uhu ma ol Laulaka oloshirik kavak nahandari ondon or urik jivik limu nara.

Aposel 2:22

Hai, yanga Israelik fehenda ma jirin, ji mambla arngalaha mashi anhin ji misi. An jirin Jisas Nasaretik fehendahi mashin a sawekwa nira. Avui Wasilaka lerawu wasilaka kwambu ngashi nga mbele mbele apsham apshamhi nga ma undahi ambu nga tava Jisashik jihi nindik or larin angop ji heyeri sir. Avui Wasilaka erem or ushinak ji heyehe ji mba, “Omendinga sira, Avui Wasilaka mbashiwak tawa ma toria,” karem ji hishikmbahan.

Aposel 22:8

Karem mbarik amu mbara, “Wasilaka, mir lawe mir?” Urik ormu mbara, “An Jisas Nasaretik fehenda nira. Anin mimu kavak nanduwa,” karem ormu mbara.

Aposel 26:9

An mas ermbak Jisas Nasaretik fehe hi orhin a unak misambik si rakakmbaha a undari nira.

Aposel 3:6

Hako Pita ormu mbara, “An ya ngashi ambu nir. Hako mbele las anhik nawan mirin a hakwa karem, kwambu Jisas Krais Nasaretik fehendahik amu mbanduwa. Mir usaha ese ika.”