Aposel 18:28 - Nupela Testamen long tokples Mende long Niugini

²⁸ Or mashi Avui Wasilakahin kwambu mendek hulaima nokopmahi misokomek or sawehe Judaman mblarnandari ri. Uhu jekamba Avui Wasilakahin armek or heyehe, “Jisas hulaima nokopma orhin or jivinakmbaha Avui Wasilaka kamahandari ma ri,” karem kormbak krahak sawendari ri.

Aposel 18:28 ပူးပေါင်းရင်းမြစ်များ

Mashi jivi Jisashi Luk or kayeri 1:80

Jikisi oto wasilakak or narik masikome orhi kwambuk er nari ri. Uhu misamtelmbamba mishik ormu i lira. Orok or lihi ihikop lerawun or lakuri wolok si narik kormbak or talaha ma Israelik fehe nindik lerawun ormu lara.

Mashi jivi Jisashi Luk or kayeri 24:27

Karem or mbaha mashi Moseshi nga profet ondo li mbahandari mashi amber nga orok orin mbahandari mashi maintontlo sihin fririn ormu owesawera.

Mashi jivi Jisashi Luk or kayeri 24:44

Uhu lirin ormu mbara, “Os jir nga na liri wolo angop karem a saweri jir. Mbele mbele os maskop jekamba Moseshi nga profethi nga Buk Songik anin li kayehendari ondo omek talakwa lira.”

Mashi jivi Jisashi Jon or kayeri 5:39

Jir mashi os Avui Wasilakahi jekambak li kayendari oson ji ritim uhu karem hishinda oja, “Os mashi toson ni tiya nahi, avak ermba ermbak linda oson ni lakwa nir.” Karem hishinda jir. Hako os erem ji heyenda mashi oso anira, kason mbeek heyekrahakoronda ambu jir.

Aposel 17:3

“Ma or Avui Wasilaka man jivinakmbaha nor kamahanda oto nomorawu wasilakan or kisha nor haha indiyok usahakwa ri, karem jekamba Avui Wasilakahik li kayehendari sir. Jisas or a sawewak ji misiwa ortonom Avui Wasilaka kamashihindak ma orhin jivinakwa ma ria.”

Aposel 18:25

Or mashi Wasilakahin li sawerik or misihi sunguwavu orhi kwambuk er si narik omendingak mbele mbele Jisas undari oson kormbak sawendari ri. Hako or Jon man or toloho fak or falendari nombo nom heyendari ri.

Aposel 18:5

Hako Sailas fre Timoti provins Masedonian fri halaha frimu tara. Ushirik Pol sel akan tlavandari lerawun or halashihi mashi Avui Wasilakahin sawendari lerawu nom ermba ermbak ormu lara. Uhu Judama ondon kwambuk ormu sawera, “Jisas oto man jivinakmbaha Avui Wasilaka kamahanda ma ria,” karem ormu sawera.

Aposel 8:35

Karem or mbarik Filip Aisaia kayehendari mashi os or heyeri oso mainome sihin or saweshihi, hovok Jisashi mashi nga nor sawerik ormu misira.

Aposel 9:22

Hako mashi os Sol or saweri oso kwambuk er si naha krahak nari sir. Uhu karem ormu mbara, “Jekamba Avui Wasilakahik li kayehendari hom Jisas oto hulaima nokopman jivinakmbaha Avui Wasilaka angop or kamahanda ma ri.” Karem or mbarik Judama ol Damaskusik lindari ondo li misihi wavu musha mushak limu hishira.