Aposel 16:30 - Nupela Testamen long tokples Mende long Niugini

³⁰ Uhu fririn hikrik or la layihi normu silira, “Awasayi shirin, mbere menden a unak Avui Wasilaka avak kavakava anhin or laha ermbeku?”

Aposel 16:30 ပူးပေါင်းရင်းမြစ်များ

Matyu 3:8

Masmas sunguwavu jihin ji tormblehe mbele mbele jivin ji unak ni heyehe nivai mbaka, “Ma tondo angop sunguwavu lihin tormblewa lir.”

Matyu 5:7

Ma ol ma anandin heyehe mba, am nawa kava sir, karem mbawa ma ondo li rupshika. Mberem ushiwak? Kumak Avui Wasilaka os lir ma anandin li uhunda hom lirin erem or ukwa lir.

Mashi jivi Jisashi Luk or kayeri 3:10

Karem or mbarik ma ondo orin limu silira, “Wa, mberem nivai uku?”

Aposel 14:15

“Ma jirin, ji misi. Mberem ushiwak erem ji ukwak ji undu? Shir ma shir, jir nanda hom shi nanda shir. Shir mashi Avui Wasilakahin shi sawehe karem shi sawenda shir. Jir avak god indinga ambu ondon ji lotu undan ji halaha wavu jihin ji tormblehe Avui Wasilaka or ermba ermbak linda orto nom ji lotu uka. Ortonom lersuwu nga misambi nga solwara nga mbele mbele amber uhundari ria.

Aposel 16:17

Nokove oso Pol len si tiya ihi simu laka lakak usha sawera, “Ma tondo Avui Wasilaka metenjek fehe orhi lerawun landa ma lira. Lir nombo os Avui Wasilaka jirin jivinakwan sawenda ma lira.”

Aposel 16:24

Krawun washilindari ma oto or misihi fririn or laha ihi krawu akome indingak or la layi kumba frihin minimba nga nor ishishirik fri lirik krawu akayangan ormu koso arangora.

Aposel 2:37

Pita mashi oson erem or sawerik li misihi wavu lihi si jirik Pita nga aposel anandi ondo nga limu silira, “Hai, mahasanje nihi jirin, wa mberem nivai uku?” Karem li silirik,

Aposel 22:10

Urik amu mbara, “Wasilaka, mberem avai ukundana?” Urik ormu anin sawera, “Wa, mi usa ihi yanga Damaskusik layika. Yanga orok ma lar or taha lerawu os mirnjik a kamahanda oson avak mirin sawekwa ri.”

Aposel 9:6

Hako mi usaha mi ihi yanga Damaskusik layika. Unak ma lar avak lerawu os mi lakwa lakwa oson or sawenak mivai misika,” karem ormu mbara.

Jems 2:13

Os ma anandinjik ji holona ambu nahi, wa Avui Wasilaka erem, hulaima nokopman or kotim ukwa wolo or mbeek jirnjik holokwa ambu ri, wahau. Hako os ma anandinjik ji holo nahi, Avui Wasilaka erem, os man or kotim ukwa wolo avak jirnjik holokwa ri, mbeek jirin kavak nakwa ambu ria.