2 Timoti 1:13 - Nupela Testamen long tokples Mende long Niugini

¹³ Mashi ome kas mirin a sawewan er toltambanaka. Uhu os a sawewa hom hulaima nokopman ewesaweka. Uhu os Kraisin mi tiyanda nombon er sitambanaka. Uhu ma amber er nga rupshika. Ondon undahi mira, os Krais nga nakrem shi si nahi, os mi analayi fri sinda hom sikwa shira.

2 Timoti 1:13 ပူးပေါင်းရင်းမြစ်များ

Jekamba Pol ol yanga Romik lindanjik or kayeri 2:20

Uhu ma ol hishiyarinda ngashi ambu ondon ni ewesawendahik ni nanda nir. Nir lo Avui Wasilakahi angop ni heyekrahakoronda osik, tisa hom ma anandin ni ewesawendahik ni nanda nir.” Karem mbanda jir.

Jekamba Pol ol yanga Romik lindanjik or kayeri 6:17

Mas jir er nga kavakavan undari nombon ji tiyaha kavakavan undari mak nari jira. Hako ter sunguwavu jihi am si freheshiwak mashi Avui Wasilakahi os jirin li sawendan ji misihi sunguwavu mende jihi nga mashi oson tiyakwak jimu mbanduwa. Erem ji nashiwak a misihi amu rupshi mendenduwa. Uhu Avui Wasilakan armesarmek a mbaha hi orhin amu hauowenduwa.

Filipai 1:27

Jir mashi Kraishin ji misindiyanda osik os a ha nahi mo, os a ha nahi ambu, wa mberem uwana. Os ji misindiyanda hom nombo wornakop er ji yaka. Os erem ji u nahi, os jirin a taheye nahi mo, homek a lihi men mamblakop a misi nahi mo, an a hishiwa karem. Avak wavu namtaskop ji hishihi kwambuk sikwa jir. Uhu lerawu havan ji laha mashi jivi Kraishin nakrem sawekwa jir.

Filipai 4:9

Uhu mashi ol jirin a sawerik ji misinda nga mbele mbele ol a urik ji heyenda nga ermba ermbak ji tiyaka. Unak Avui Wasilaka or waphimbijin jirin handa oto avak jir nga nor sika.

Kolosi 1:4

Mashi jivi Jisas Kraishi omendinga sira. Os jihik si narik ji misindiyari angop shi misiri sir. Mashi orhi orok rupkapshi os Avui Wasilaka jirin or hakmbaha hevenik or hundujehenda oso nga ji misiri sir. Uhundak oson ji lakwak jimu nikishinduwa. Uhunda osik os jimu Krais Jisasin hishindiyanduwa. Uhu Avui Wasilakahi ma amber ondon wapnuku jihik ji owehe lirin armek jimu unduwa. Os erem ji undan shi misihi Avui Wasilakan armesarmek shimu mbanduwa.

1 Tesalonaika 5:21

Hako mashi os li sawewan armek ji eweheyehe, mainome nom ji misi ji tiyaka.

1 Timoti 1:10

ma ol nokophirmbirik layinda, ma ol hulayi ambek nokove nga li liyanda hom unda, ma ol hulaima nokopman li lai ma anandin haha yan landa, ma ol mbafirimbaha mba, “Avui Wasilaka or heyewak mashi kas a mbawa ome sira.” Hako men mbafirimbanda lir. Uhu ma ol mbele mbele amber Avui Wasilakahi mashin mblarnanda. Ondonjik lo oson ormu ewera. Maintontlo os lo oson or eweri karem. Or eweshinak mbele mbele kavakava os ma li uwan avak si muku si mba, “Kaso kava sir, mbeek mashi Avui Wasilakahi nga nakrem nanda ambu sir.” Karem si mukukmbaha lo oson ormu ewera.

1 Timoti 1:14

Wapjivi orhi os anin or hari oso wasilaka mendek nari sir, kasai uku si rasaha hoje ngoronda hom si nahanda osik mbeek sainanda ambu sir. Wapjivi orhi oso anhik si naha si ushiwak orin sunguwavu anhi nga na hishiowehe hulaima nokopman a rupshihi orin amu toltambana sinduwa, os liri mik si oho sinda hom Krais Jisasik amu sinduwa.

1 Timoti 6:3

Wasilaka nihi Jisas Krais mashi ome orhi Avui Wasilakan ni tiyanda nombon sawenda sir. Hako os ma lar mashi oson or halashihi mashi anandi las or sawe nahi, wa ma oto mbeek mbele las yariwa ambu ri, wahau. Orhinjik men sembe menden yerkujihi yanda ri. Uhu mashi or mbawa sunguwavu mahin kavak nandahi mashin or mbawak ma amber lihi ambek limu anambli anamblarnanduwa. Uhu nombo os or uwa oso si unak ma lihi ambek li okolehe olmu anawapkava hishinduwa. Uhu ermba ermbak anangriyanda nombo nom unda lira.

2 Timoti 1:1

An Pol anira. Avui Wasilaka orhinjik anin or kamashirik Krais Jisashi aposelik amu nara. Uhu nor mbashihindak mashi orhin a sawenak hulaima nokopma Krais Jisasin wavu lihik li eweka. Uhundanak os ermba ermbak linda oson livai laka, os or hakmbaha or mbahandari hom.

2 Timoti 1:14

Mashi jivi Jisashin Avui Wasilaka mirin or hari osa. Unda osik Masikome orhi avak mirin or jelyashinak mashi oson er toltangrika.

2 Timoti 2:2

Mashi os a sawerik mi misindan ma ol wornak nawan saumukoloshinak li misika. Unak lir nga ma anandin li saweka.

2 Timoti 3:14

Hako mir ma ol mirin mashin sawendari ma ondon angop mi heyeri lir. Lir Avui Wasilakahi ma indingo lira. Unda osik mashi os li sawerik mi misindarin kwambuk er toltambana sika.

2 Timoti 4:3

Mberem ushiwak? Kumak avak hulaima nokopma mbeek Avui Wasilakahi mashi omendingan misikmbaha hishikwa ambu lir, wahau. Lir avak mamblan oweutakwa lir. Uhu ma ol mashi os li rupshikwak li hishinda mashin sawenda ma ondo li taha li sawenak li misikmbahan.

Taitus 1:9

Lir avak mashi omendinga os nir aposel ni sawendari oso nom kwambuk li toltambanaka. Uhu mashi oso nom li sawenak hulaima nokopma mashi oson li misihi li tiyaka. Uhu ma ol Avui Wasilakahi mashin apsham sawenda ma ondon kwambuk li sawehe li pantleshinak os erem li sawenda oson li hala.

Taitus 2:1

Hako mir avak hulaima nokopman ewesawenak os li liyanda lihi Avui Wasilakahi mashi nga nakrem si naka.

Taitus 2:8

Mashi omendinga Avui Wasilakahi nom saweka. Unak ma amber li heyenak mashi os mi sawewa mbeek kas mbangokwa ambu sir. Unak mblirmblarinda ma ondo mbeek mbele mashi las mirin mbakwa ambu lir, wahau. Men mayam humblara likwa lir.

Hibru 10:23

Uhu mbele mbele os kumak nirin or ukmbaha nor mbahanda oson ni nikishika. Or mbeek mbafirimbanda ambu ri, wahau. Mbele mbele os or ukmbaha nor mbahanda avak or ukwa sira. Uwosik os ni nikishiwa oson ni halawan ni hala.

Hibru 3:6

Hako Krais Avui Wasilaka jikisi indingo orhi ria. Or aka mashama ria. Nir aka orhi nir. Ome sira nir orhi nduwukop ni sinda nir. Uhu os mashi orhin ni misindiyaha kwambuk ni sitambana nahi, Avui Wasilakahi ma indingak ni nakwa nira.

Hibru 4:14

Nir hetpris indinga ngashi nira. Or Jisas oria, jikisi Avui Wasilakahi ria. Orto nom Avui Wasilaka linda mishi heven orok angop layiri ria. Karem uri osik mashi orhin ni misihi ni tiyanda nombo oson ni halawa ni hala, wahau. Er ni tiya ika.

Jekamba os Jut kayeri 1:3

Ma jir a rupshi mendenda jirin, na hishiwa Avui Wasilaka os jir nga nir nga or jivinanda nombon jirnjik a kayekmbaha na hishihi lerawu havan a landa nir. Unak nombo oson yawur ji heyekmbahan. Hako ter a misiwa, ma lal angop sios jihik wanyi rari lir. Ma ondo angop Avui Wasilakan kumaifaha karem hishinda lir, “Mbele mbele amber ol wavu nihik tasawa hom ni uwan te. Mberem ushiwak? Avui Wasilaka waprupshi orhi os nir nga nandu. Mbernda nirin kavak naman nakwa ambu ri.” Karem li hishihi kavakavan li uhu yanda lir. Erem li uhu nirin arangonda ma Wasilaka nihi Jisas Kraisin li kumasinda ri. Erem nanda ma ondo Avui Wasilaka kavak or nakmbaha angop maskop or mbahandari lir. Unda osik mashi kaso yejen jirnjik amu kayenduwa. Ushinak Avui Wasilakan ji hishiowenda nombo jihi oson kwambuk er ji toltambanaha ji sika. Uhu orin ji hishiowenda nombo jihi oson ma anandin ji saweka. Uhu wutari Jisas Kraishi ol haimba handambanda mashin sawenda ma ondon ji mblarna ermbehe ji sika.

Revelesen 2:25

Hako mbele mbele ol ji toltangriwa ondo nom er ji toltambananak indiyok a raka.

Revelesen 3:11

Avak tumsar a rakwa ona. Mbele mbele os ji tolowa yawur er ji toltambanaka. Oson kwambuk ji tolo nahi, ma lar mbeek malakamahi hat os jihik a falekmbaha a laharawan masnalakwa ambu ri.

Revelesen 3:3

Kolo wolo mendek sunguwavun ji tormbleri wolok ji misihinda mashi oson indik ji hishika. Indik ji hishihi sunguwavun ji tormblehe armek ji tiyaka, os mas ji tiyandari hom. Os ji suknyawan ji halana ambu nahi, tumsar hirnyanda ma hom a raha jirin kavak a nakwa nir. Os a rakwa wolo mbeek ji heyekwa ambu sir.